काही दिवसांपूर्वीच सॅमसंगच्या फ्लिप फोन W2019 (डब्ल्यू2019) चे मीडिया इन्वाईट समोर आले होते ज्यात फोन लॉन्च संबंधित माहिती मिळाली होती. त्यानुसार आता सॅमसंग ने आपला हा शानदार स्मार्टफोन टेक मंचावर सादर केला आहे. हा स्मार्टफोन गेल्या वर्षी लॉन्च झालेल्या फ्लिप फोन डब्ल्यू2018 चा नवीन वर्जन आहे. शानदार लुक आणि चांगली डिजाईन असलेला हा फ्लिप एंडरॉयड सॅमसंग ने लॉन्च केला आहे. डुअल डिस्प्ले सोबतच सॅमसंगचा हा फ्लिप फोन दमदार स्पेसिफिकेशन्स सह येतो.
सॅमसंग डब्ल्यू2019 च्या दोन्ही फोल्डेबल पॅनल वर डिस्प्ले देण्यात आला आहे म्हणजे हा फोन दोन स्क्रीनला सपोर्ट करतो. फोनच्या दोन्ही पॅनेल्स वर 4.2-इंचाचा फुलएचडी सुपर एमोलेड डिस्प्ले देण्यात आला आहे. डब्ल्यू2019 एंडरॉयड 8.1 ओरियो आधारित आहे जो क्वालकॉम स्नॅपड्रॅगॉन 845 चिपसेट वर चालतो. कंपनी ने या फोन मध्ये 6जीबी चा पावरफुल रॅम दिला आहे. सॅमसंग ने हा फोन 128जीबी तसेच 256जीबी इंटरनल स्टोरेज वाल्या दोन वेरिएंट्स मध्ये सादर केला आहे. दोन्ही वेरिएंट्सची स्टोरेज माइक्रोएसडी कार्ड ने 512जीबी पर्यंत वाढवता येते.
कॅमेरा सेग्मेंट पाहता सॅमसंग डब्ल्यू2019 डुअल रियर कॅमेऱ्याला सपोर्ट करतो. फोनच्या बॅक पॅनल वरील दोन्ही कॅमेरा सेंसर 12-मेगापिक्सलचे आहेत. एक कॅमेरा सेंसर एफ/1.5 अपर्चरला सपोर्ट करतो तर दुसरा कॅमेरा सेंसर एफ/2.4 अपर्चर सह येतो. तसेच सेल्फी साठी या फोन मध्ये एफ/2.0 अपर्चर वाला 8-मेगापिक्सलचा फ्रंट कॅमेरा आहे. डिजीटल असिस्टेंस साठी फोन मध्ये बिक्सबे बटन पण आहे.
सॅमसंग डब्ल्यू2019 डुअल सिम फोन आहे जो 4जी एलटीई ला सपोर्ट करतो. फोन मध्ये एनएफसी, ब्लूटथ व एएनटी+ सारखे कनेक्टिविटी आॅप्शन्स आहेत. तसेच पावर बॅकअप साठी हा फोन 3070एमएएच बॅटरीला सपोर्ट करतो. हा फोन खूप महाग एल्युमीनियम धातु ने बनला आहे जो ग्लास पॅनल सोबत डायमंड कट डिजाईनला सपोर्ट करतो. सॅमसंग ने डब्ल्यू2019 चीनच्या आॅफिशियल वेबसाइट वर लिस्ट केला आहे पण फोनची किंमत अजून सांगितली नाही. हा फोन लाख रुपयांच्या प्राइस टॅग सह सेल साठी उपलब्ध होऊ शकतो.
