• यूपीआय लाइट मध्ये UPI PIN विना पैसे ट्रांसफर करता येतात.
• यूपीआय लाइटचे ट्रँजॅक्शन दरम्यान बँक सर्वर डाउन असले तरी रद्द होत नाहीत.
• पेटीएम ऑफर अंतगर्त सर्व युजर्सना 100 रुपयांचा कॅशबॅक देत आहे.

Paytm Payments Bank Limited (PPBL) नं फेब्रुवारीमध्ये आपली UPI Lite सर्व्हिस सुरु केली होती. ही सर्व्हिस युजर्सना मनी ट्रँजॅक्शन्ससाठी वारंवार यूपीआय पिन टाकण्याच्या झंझट पासून वाचवते. ही सुविधा लोकांपर्यंत पोहोचवण्यासाठी पेटीएम ऑफर अंतगर्त सर्व युजर्सना 100 रुपयांचा कॅशबॅक देत आहे. या स्कीमचा लाभ कसा घ्यायचा आणि या सर्व्हिसचे बेनिफिट्स कोणते, यांची माहिती पुढे वाचू शकता.

UPI Lite चे फीचर्स आणि फायदे

1. पेटीएम यूपीआय लाइट एक अशी पेमेंट सिस्टम आहे जी UPI PIN विना पैसे ट्रांसफर करू शकते.
2. Paytm UPI lite वरून एका क्लिकमध्ये पेमेंट पूर्ण होतं, यासाठी अनेक स्टेप्स फॉलो करण्याची गरज नाही.



3. यूपीआय लाइट कधीही फेल होत नाही, मग ट्रँजॅक्शन दरम्यान बँक सर्वर डाउन असलं तरी.
4. ही 3-लेव्हल बँक-ग्रेड सिक्योर टेक्‍नोलॉजी आहे. ज्यावर फसवणुकीपासून वाचता येतं.
5. UPI lite वर सिंगल टॅपनं 200 रुपयांचं इंस्टंट पेमेंट करता येईल.
6. एकावेळी जास्तीत जास्त 2000 रुपये ट्रांसफर करता येतात.



7. दोन हजार रुपयांचे ट्रँजॅक्शन जास्तीत जास्त 2 वेळा करता येईल.
8. 24 तास म्हणजे 1 दिवसात एकूण 4,000 रुपयांचे ट्रँजॅक्शन पेटीएम लाइटवर करता येतात.



9. Paytm UPI lite च्या माध्यमातून केलेले पेमेंट बँक पासबुकमध्ये दिसत नाही.
10. बँक पासबुकमध्ये एंट्री फक्त यूपीआय लाइट बॅलेन्समध्ये पैसे टाकल्यावर होते.

Paytm UPI Lite फोनमध्ये चालू करण्याची पद्धत

1. सर्वप्रथम तुमच्या फोनमध्ये Paytm अ‍ॅप इंस्टॉल करा. जर जुनं अ‍ॅप असेल तर लेटेस्ट व्हर्जनवर अपडेट करा.
2. होमपेजवर तुम्हाला ‘UPI LITE’ चा ऑप्शन दिसेल किंवा सर्च करून देखील ऑप्शन मिळेल त्यावर टॅप करा.



3. इथे तुम्हाला यूपीआय लाइटसाठी पात्र बँकांची यादी दिसेल, यातील तुमची Bank निवडा.
4. ज्या बँकेचं अकाऊंट तुम्हाला पेटीएम यूपीआय लाइटशी जोडायचं असेल ते निवडून Proceed करा.



5. आता तुम्हाला बँक अकांउटमधील रजिस्टर्ड मोबाइल नंबर व्हेरिफाय करावा लागेल, यासाठी फोनवर SMS पाठवण्यासाठी ओके बटन क्लिक करा.
6. एसएमएसच्या माध्यमातून वेरीफिकेशन झाल्यावर तुम्हाला तुमच्या त्या बँकेच्या यूपीआय लाइटमध्ये पैसे टाकावे लागतील.



7. Add Money to UPI Lite ऑप्शनवर क्लिक करून तुमच्या बँकेतील पैसे यूपीआय लाइट वॉलेटमध्ये टाका.
8. लक्षात असू द्या की एकावेळी जास्तीत जास्त 2000 रुपये अ‍ॅड करता येतात.



9. पैसे अ‍ॅड करताच तुमचं पेटीएम यूपीआय लाइट अ‍ॅक्टिव्हेट होईल आणि पुढील यूपीआय पेमेंटसाठी तुम्हाला यूपीआय पिन टाकण्याची गरज नाही.
10. तुमच्या बँक स्टेटमेंट किंवा पासबुकमध्ये फक्त तेच ट्रँजॅक्शन दिसेल जे तुम्ही UPI Lite WALLET मध्ये पैसे टाकण्यासाठी केलं आहे. या वॉलेटमधील पेमेंटची नोंद ठेवली जाणार नाही.

UPI Lite सपोर्ट करणाऱ्या बँक

• स्टेट बँक ऑफ इंडिया (SBI)
• पंजाब नॅशनल बँक (PNB)
• यूनियन बँक ऑफ इंडिया (UBI)
• कॅनरा बँक (Canara Bank)
• सेंट्रल बँक ऑफ इंडिया (CBI)
• इंडियन बँक (Indian Bank)
• एचडीएफसी बँक (HDFC Bank)
• कोटक महिंद्रा बँक (Kotak Mahindra Bank)
• उत्कर्ष स्मॉल फायनान्स बँक (Utkarsh Small Finance Bank)

UPI Lite मध्ये सध्या उपरोक्त 9 बँकांचे अकाऊंट्स जोडता येतील. सध्या याच बँका पेटीएम यूपीआय लाइटला सपोर्ट करतात, परंतु आगामी काळात ही यादी वाढू शकते.

The post Paytm UPI Lite कसं करायचं फोनमध्ये अ‍ॅक्टिव्हेट; कंपनी देत आहे 100 रुपयांपर्यंत कॅशबॅक first appeared on 91Mobiles Marathi.

भारतीय युपीआयवरून पैसे पाठवण्याआधी समोरच्याचा नंबर घेतात, त्याला ‘hi’ पाठवतात आणि नंतर एक रुपया पाठवून कन्फर्म करतात. एवढी काळजी घेऊन तसेच युपीआयमध्ये सेफ्टी फीचर्स असून देखील चुका होतात. युजर घाई घाईत चुकीच्या फोन नंबर किंवा QR कोडवर पैसे पाठवतात. त्यामुळे ज्या व्यक्तीला पैसे जायला हवे त्याला जात नाहीत आणि चुकीच्या अकाऊंटवर गेलेले पैसे पुन्हा कसे मिळवायचे हे अनेकांना माहित देखील नसतं. परंतु यावर काही उपाय आहेत.

UPI अ‍ॅप सपोर्टचा वापर करा

RBI च्या गाईडलाइन्सनुसार, युजरने सर्वप्रथम पेमेंट सर्व्हिस प्रोव्हायडरकडे चुकीचं ट्रँजॅक्शन रिपोर्ट केला पाहिजे. GPay, PhonePe, Paytm किंवा UPI अ‍ॅपच्या कस्टमर केयर सपोर्ट द्वारे ट्रँजॅक्शन रिपोर्ट करावं. ग्राहकांना सहकार्य करण्यासाठी सर्व्हिस प्रोव्हायडर्सकडे सिस्टम आहेत. तुम्ही तुमची समस्या फ्लॅग करू शकता आणि रिफंडची मागणी करू शकता. हे देखील वाचा: Instagram Video Download: इन्स्टाग्रामवरील कोणताही व्हिडीओ डाउनलोड करण्याची सर्वात सोपी ट्रिक

NPCI पोर्टलवर नोंदवा तक्रार

जर UPI अ‍ॅपच्या कस्टमर्स सर्व्हिसकडून जास्त मदत मिळाली नाही, तर तुम्ही NPCI पोर्टलवर देखील तक्रार करू शकता. यासाठी…

• NPCI च्या ऑफिशियल वेबसाइट npci.org.in वर जा.
• त्यानंतर ‘What we do tab’ वर क्लिक करा
• त्यानंतर UPI वर टॅप करा
• मग Dispute Redressal Mechanism सिलेक्ट करा
• कम्प्लेंट सेक्शन मध्ये UPI ट्रँजॅक्शन आयडी, व्हर्च्युअल पेमेंट अ‍ॅड्रेस, ट्रांसफर केलेली अमाउंट, ट्रँजॅक्शन डेट, ईमेल आयडी आणि मोबाइल नंबरसह तुम्ही सर्व ट्रँजॅक्शन डिटेल द्या.
• कम्प्लेंटचे कारण ‘Incorrectly transferred to another account’ निवडा.
• तुमची तक्रार सबमिट करा.

बँकेशी करा संपर्क

अजूनही जर तुमच्या तक्रारीची दखल घेण्यात आली नसेल तर तुम्ही पेमेंट सर्व्हिस प्रोव्हायडर बँक आणि त्यानंतर बँक (जिथे रिसिव्हर कस्टमरचे अकाऊंट असेल) कडे तक्रार PSP अ‍ॅप/TPAP अ‍ॅपवर पाठवू शकता. हे देखील वाचा: ‘No Network’ मध्ये देखील फोनवरून करता येतो कॉल; जाणून घ्या ही शानदार ट्रिक

The post चुकीच्या UPI ID वर पाठवले पैसे? अशाप्रकारे मिळवा रिफंड, जाणून घ्या प्रोसेस first appeared on 91Mobiles Marathi.

• itel Super Guru सीरीज अंतगर्त तीन फीचर फोन सादर करण्यात आले आहेत.
• कंपनीनं Super Guru 200, Super Guru 400 आणि Super Guru 600 लाँच केला आहे.
• तिन्ही फोन द्वारे यूपीआय पेमेंट करता येईल.

91मोबाइल्सने काही दिवसांपूर्वी एक्सक्लूसिव्ह माहिती दिली होती की itel Super Guru नावानं फीचर फोन लाँच केले जाणार आहेत. तसेच आता कंपनीनं itel Super Guru सीरीज अंतगर्त तीन फीचर फोन सादर केले आहेत. सीरीजमध्ये Super Guru 200, Super Guru 400 आणि Super Guru 600 चा समावेश आहे. विशेष म्हणजे फोनसह 4 तासात कस्टमर सर्व्हिस आणि यूपीआय पेमेंटचा ऑफ्शन मिळेल. चला जाणून घेऊया फोन्सची किंमत आणि स्पेसिफिकेशन्स.

तिन्ही फोनमधून होईल यूपीआय पेमेंट

itel Super Guru Series सह क्यूआर कोड स्कॅनर देण्यात आला आहे ज्याच्या मदतीनं तुम्ही यूपीआय पेमेंट करू शकाल. यूपीआय 123पे NPCI द्वारे बनवण्यात आलेली इंस्टंट पेमेंट सिस्टम आहे जी खासकरून फीचर फोन्ससाठी डिजाइन करण्यात आली आहे. हे फीचर इंटरनेटविना यूपीआय पेमेंट करण्यास मदत करतं.

UPI 123PAY मध्ये चार पर्याय देण्यात आला आहेत, ज्यात IVR (interactive voice response) नंबर, फीचर फोन अ‍ॅप, मिस्ड-कॉल आधारित इंटरफेस तसेच proximity sound-based पेमेंटचा समावेश आहे.

1. itel Super Guru 400: ह्याची किंमत 1,699 रुपये आहे. ह्यात 1200mAh ची बॅटरी आहे जी 14 दिवसांचा बॅकअप देऊ शकते. तसेच अल्ट्रा स्लिम मेटल बॉडी मिळते आणि ह्यात 2.4 इंचाचा डिस्प्ले आहे.
2. itel Super Guru 200: कंपनीनं हा 1,499 रुपयांमध्ये सादर केला आहे. तसेच, ह्यात देखील 1200mAh ची बॅटरी आहे जो 21 दिवसांचा स्टॅन्डबाय देऊ शकतो. हा फोन देखील मेटल फिनिशसह येतो. त्याचबरोबर ह्यात 1.3MP चा कॅमेरा देण्यात आला आहे आणि 1.8 इंचाचा डिस्प्ले आहे.
3. itel Super Guru 600: ह्याची किंमत 1,899 रुपये आहे. तसेच, ह्यात 2.8 इंचाचा डिस्प्ले आणि मेटल बॉडी मिळते. तसेच फोनमध्ये 1900mAh ची बॅटरी आहे जी 20 दिवसांचा स्टॅन्डबाय देते. ह्यात देखील 1.3MP चा कॅमेरा देण्यात आला आहे.

इतकेच नव्हे तर तिन्ही फोनसह कंपनीनं मोफत ट्रान्सपरंट कव्हर देणार आहे. तसेच जर फोनमध्ये काही प्रॉब्लम आला तर त्या तक्रारींचे निवारण 4 तासात केलं जाईल.

The post 22 दिवस चालणारी बॅटरी आणि UPI सपोर्टसह आला Feature Phone, किंमत 1499 रुपयांपासून सुरु first appeared on 91Mobiles Marathi.

बिना इंटरनेट यूपीआय पेमेंट कसं करायचं

साधारणतः UPI Payment साठी आपण एखाद्या डिजिटल वॉलेट किंवा अ‍ॅपची मदत घेतो. परंतु भारत सरकार आणि NPCI (National Payments Corporation of India) नं यूएसएसडी (अनस्ट्रक्चर्ड सप्लीमेंट्री सर्व्हिस डेटा) आधारित मोबाइल बँकिंग सर्व्हिस देखील जारी केली आहे जिच्या माध्यमातून इंटरनेटविना यूपीआय पेमेंट करता येतं. हा USSD कोड *99# आहे.

Offline UPI Payments कसं करायचं

1) Offline UPI Payments साठी सर्वप्रथम तुमच्या फोनवरून *99# डायल करा.

2) USSD कोडवरील कॉल लागल्यानंतर तुमच्या मोबाइल नंबरशी लिंक बँक अकाऊंटची माहिती समोर येईल.

3) बँक अकाऊंटच्या नावासमोर पुढील सात ऑप्शन्स दिसतील:

4) पैसे पाठवण्यासाठी पहिला पर्याय ‘सेंड मनी’ निवडा आणि 1 लिहून रिप्लाय करा.

5) समोर चार ऑप्शन येतील, यातील एका पर्यायाची निवड करा. ऑप्शन्स असे असतील:

6) जर तुम्हाला मोबाइल नंबरवर पैसे पाठवायचे असतील तर 1 लिहून रिप्लाय करा.

7) आता तो फोन नंबर टाका ज्यावर पैसे पाठवायचे आहेत.

8) फोन नंबर लिहून सेंड बटन प्रेस करताच त्या नंबरच्या मालकाचे नाव समोर येईल.

9) पुढे तुम्हाला रक्कम टाकावी लागेल, जे पैसे तुम्हाला त्या नंबरवर पाठवायचे आहेत.

10) रक्कम टाकल्यानंतर ‘रिमार्क’ लिहण्याचा पर्याय देखील येईल, यात तुम्ही पैसे पाठवण्याचे कारण टाकू शकता.

11) जर रिमार्क नको असेल तर 1 लिहून रिप्लाय करा.

12) तुमच्या मोबाइल स्क्रीनवर सुरु असलेल्या ट्रँजॅक्शनची माहिती येईल ज्यात पाठवत असलेले पैसे आणि नंबर दोन्ही दिसतील.

13) डिटेल्स योग्य असतील तर तुमचा यूपीआय पिन टाकून रिप्लाय करा.

14) UPI PIN टाकताच तुमच्या अकाऊंटवरून पैसे दुसऱ्या व्यक्तीच्या अकाऊंटमध्ये जातील आणि त्याचा रेफरेंस आयडी सोबतच कंफर्मेशन तुमच्या मोबाइल स्क्रीनवर येईल.

The post इंटरनेटविना करा UPI Payment; बटनवाल्या फोनवरून देखील होतील पैसे ट्रान्सफर, जाणून घ्या पद्धत first appeared on 91Mobiles Marathi.

आता बोलले जात आहे कि इंडियन मार्केट मधील पेटीएम, फोनपे आणि गूगल पे सारख्या ऍप्सच्या अडचणी वाढू शकतात. हे फीचर सध्या फक्त काही यूजर्सना मिळत आहे. पण कंपनीने अधिकृतपणे याची कोणतीही माहिती दिली नाही.

एक वेबसाइट entrackr च्या रिपोर्टनुसार माय जियो ऍप मध्ये वर्चुअल पेमेंट एड्रेस (VPA) चा आणि यूपीआई आईडी ऍड करण्याचा ऑप्शन येत आहे. विशेष म्हणजे याआधी पण एक रिपोर्ट आला होता ज्यात सांगण्यात आले होते कि रिलायंस जियो यूपीआई पेमेंटसाठी ऍक्सिस बॅंक, आईसीआईसीआई आणि स्टेट बॅंक ऑफ इंडियाशी बोलणी करत आहे.

इतकेच नव्हे तर सोशल मीडिया वर एका यूजरने माय जियो ऍपच्या यूपीआई पेमेंट फीचरचा स्क्रीनशॉट पण शेयर केला आहे. रिपोर्ट मध्ये सांगण्यात आले आहे कि माय जियो ऍप यूजर्सचा यूपीआई आईडी पण मागत आहे. त्यानंतर यूजर्सना मोबाईल नंबर, डेबिट कार्ड नंबर आणि बॅंक अकाउंट नंबर द्यावा लागत आहे.

अलीकडेच रिलायंस इंडस्ट्रीज लिमिटेडने तिसऱ्या तिमाहीचे आकडे घोषित केले आहेत. या घोषणेत सांगण्यात आले आहे कि रिलायंस जियोचा डेटा वापरणाऱ्या ग्राहकांची संख्या वाढली आहे. कंपनीचा रेवेन्यू वर्षाला 28.3 टक्क्याने वाढून 13,968 कोटी झाला आहे. रिलायंस जियोने एक वर्षापूर्वी या तिमाहीत 831 कोटी रुपयांचा नेट प्रॉफिट मिळवला होता.

रिलायंस इंडस्ट्रीज लिमिटेडने आपल्या रिपोर्ट मध्ये सांगितले कि 31 डिसेंबर पर्यंत जियोच्या ग्राहकांची संख्या 37 कोटीच्या पार गेली आहे. गेल्या 12 महिन्यांत जियोने 13 कोटी 57 लाख ग्राहक जोडले आहेत, तसेच एक कोटी 48 लाख नवीन ग्राहक गेल्या तिमाहीत जोडले गेले आहेत.

The post Paytm आणि Phonepe ला टक्कर देण्यासाठी My Jio ऍप मध्ये आला UPI चा सपोर्ट first appeared on 91Mobiles Marathi.

शाओमीने मी पे लॉन्च करणे फक्त शाओमी स्मार्टफोन यूजर्स आणि मी फॅन्ससाठी मोठी भेट नाही तर सोबतच डिजीटल भारताच्या मोहिमेत पण हे शाओमीचे मोठे योगदान आहे. शाओमी मी पे देशात ऑनलाइन ट्रांजेक्शन्सना प्रोत्साहन देईल त्याचबरोबर पेटीएम आणि मोबिक्विक सारख्या डिजीटल वॉलेटला मी पे कडून चांगली मिळणार आहे. शाओमी मी पे यूपीआई आधारित डिजीटल पेमेंट इंटरफेस आहे ज्याच्या माध्यमातून पैशांची देवाणघेवाण खूप सोप्पी बनवण्यात आली आहे.

शाओमी मी पे
1. शाओमी म्हणते कि मी पे वापरताना मनी ट्रांसफर साठी जास्त स्टेप्स फोल्लो कराव्या लागणार नाहीत. या ऍप के मधून ऑनलाइन व ऑफलाइन दोन्ही प्रकारचे पेमेंट सहज होईल.

मी पे द्वारे यूपीआई सोबतच बँक अकाउंट नंबर आणि आईएफएससी कोड सारख्या डिटेल्स द्वारे पण पैसे पाठवले जाऊ शकतात. शाओमी ने मी पे मध्ये सेंड, रिसीव आणि स्कॅन तिन्ही फीचर्स दिले आहेत. मी पे द्वारे क्यूआर कोड स्कॅन करून पैसे देता येतील.

2. मी पे शाओमीने कंपनीच्या यूजर इंटरफेस मीयूआई मध्ये पण इंटिग्रेट केला आहे ज्यामुळे कोणत्याही शाओमी फोन वर या ऍपचा वापर खूप सोप्पा होईल. फोन मध्ये आलेल्या मेसेज द्वारे थेट दुसऱ्या व्यक्तीला पैसे पाठवता येतील. मेसेज व्यतिरिक्त फोन कॉन्टेक्ट बुक आणि कॅमेऱ्याद्वारे पण शाओमी स्मार्टफोन वरून थेट पैशांची देवाणघेवाण करता येइल.

मी पे एखाद्या पेमेंट सर्विस सोबतच डिजीटल वॉलेटचे पण काम करेल. मी ऍप वर पैसे सेंड आणि रिसीव कारण्यासोबतच मोबाईल रिचार्ज आणि पेमेंट करता येईल. मी पे मधून गॅस, पाणी आणि वीज इत्यादी बिल्स पण भरता येतील. मी पे द्वारे शाओमीच्या वेबसाइट मी डॉटा कॉम वर पण शॉपिंग करता येईल.

3. शाओमी म्हणते कि मी पे एनपीसीआई द्वारा सर्टिफाइड करण्यात आला आहे ज्यामुळे हा सुरक्षित पेमेंट प्लॅटफॉर्म आहे. मी पे मधून केले जाणारे सर्व ट्रांजेक्शन पूर्णपणे सुरक्षित असतील. मी पे प्लॅटफॉर्म वर कोणत्याही बँकेच्या डेबिट कार्ड, क्रेडिट कार्ड सोबतच नेट बँकिंग द्वारे पण पैशांची देवाणघेवाण करता येईल. तसेच मी पे मधील स्मार्ट रिमाइंडरचा ऑप्शन पण याला खास बनवतो.

The post शाओमीने भारतात लॉन्च केली पेमेंट सर्विस ‘मी पे’, पेटीएम आणि मोबिक्विकला मिळेल टक्कर first appeared on 91Mobiles Marathi.

डिजीटल वॉलेट वरील देवाणघेवाणीवर नजर ठेवणारा विभाग नॅशनल पेमेंट कॉरपरेशन ऑफ इंडिया (एनपीसीआई) ने आॅनलाईन ट्रांजेक्शनची दैनिक मर्यादा ठरवली आहे. जे डिजीटल वॉलेट यूपीआई च्या माध्यमातून आॅनलाईन ​ट्रांजेक्शन करतात ते सर्व ऍप एनपीसीआई च्या या मर्यादेत वापरता येतील. या ऍप्स मध्ये असणाऱ्या पेटीएम व भीम सारखे डिजीटल वॉलेट वापरणाऱ्या यूजर्स वर याचा परिणाम होईल. आधी या ऍप्स मधून एका दिवसात अधिकतम 20 वेळा यूपीआई ट्रांजेक्शन करता येत होते, पण आता हे ट्रांजेक्शन्स कमी करून 10 करण्यात आले आहेत.

पेटीएम किंवा अन्य वॉलेट वरून जर तुम्ही दुकानदाराला पेमेंट करत असाल तर हि 10 ट्राजेक्शन लिमिट लागू असणार नाही. पण जर एखाद्या मित्राला पैसे ट्रांसफर करत असाल तर मात्र तुम्ही एका दिवसात 10 पेक्षा जास्त ट्रांजेक्शन करू शकणार नाही. एका दिवसात 10 ट्रांजेक्शन सोबतच जास्तीत जास्त 1,00,000 रुपये ट्रांसफर करता येतील. विशेष म्हणजे गेल्या एक वर्षात यूपीआई च्या माध्यमातून होणाऱ्या ट्राजेक्शन्स मध्ये हजारो कोटींची वाढ झाली आहे.

एनपीसीआई च्या रिपोर्ट नुसार गेल्यावर्षी सप्टेंबर मध्ये यूपीआई मधून देशात जवळपास 30 कोटी ट्रांजेक्शन झाले होते. तर यावर्षी ऑगस्ट पर्यंत या ट्रांजेक्शन्सची संख्या 54,000 कोटींवर गेली आहे. ​रिपोर्ट नुसार फक्त जुलै महिन्यात यूपीआई ट्रांजेक्शनची संख्या जवळपास 23.56 कोटी होती जी एका महिन्यात ऑगस्ट पर्यंत 31.2 कोटींवर पोचली. म्हणजे एका महिन्यात यूपीई मधून होणाऱ्या ट्राजेक्शन्स मध्ये 32 टक्क्यांची वृद्धि झाली आहे.

काही दिवसांपूर्वी आरबीआई ने देशात डिजिटल देवाणघेवाण वाढवण्यासाठी नवीन गाइडलाइंस जारी केल्या आहेत. ज्या अंर्तगत एका वॉलेट मधून दुसऱ्या कंपनीच्या डिजीटल वॉलेट मध्ये पण पैसे पाठवता येतील. म्हणजे तुम्ही तुमच्या पेटीएम वॉलेट मधील पैसे मोबिक्विक किंवा फोनपे वॉलेट मध्ये पण ट्रांसफर करू शकाल. आरबीआई ने नवीन निर्देश जारी करून सांगितले कि डिजिटल वॉलेट कंपन्या सरकार समर्थित पेमेंट नेटवर्क चा वापर करू शकतात. लवकरच देशात वेगवेगळ्या मोबाईल वॉलेट्स मध्ये पैसे ट्रांसफर करता येतील.

The post आता 1 दिवसात फक्त 10 वेळा करता येतील पेटीएम वरून पैसे ट्रांसफर, भीम ऍप ची पण मर्यादा कमी झाली first appeared on 91Mobiles Marathi.