Vivo Y02 Launch: चिनी स्मार्टफोन निर्माता कंपनी विवोनं आज भारतात आपला लो बजेट स्मार्टफोन विवो वाय02 सादर केला आहे. हा स्वस्त विवो मोबाइल 3GB RAM, MediaTek चिपसेट आणि 5,000 Battery ला सपोर्ट करतो. गेले कित्येक दिवस टीज केल्यानंतर आता कंपनीनं हा हँडसेट भारतीयांच्या सेवेत दाखल केला आहे. विवोनं या नव्या स्मार्टफोनची किंमत 9 हजार रुपयांच्या आत ठेवली आहे. चला जाणून घेऊया Vivo Y02 India Price, फीचर्स आणि स्पेसिफिकेशन्सची माहिती.
Vivo Y02 Price
विवो वाय02 स्मार्टफोन भारतात एकच व्हेरिएंटमध्ये सादर करण्यात आला आहे. या लो बजेट मोबाइल फोनच्या हा मॉडेलमध्ये 3 जीबी रॅमसह 32 जीबी इंटरनल स्टोरेज देण्यात आली आहे. हा स्मार्टफोन Orchid Blue आणि Cosmic Grey कलरमध्ये सादर झाला आहे. कंपनीनं Vivo Y02 ची किंमत 8,999 रुपये ठेवली आहे. हा फोन विवोच्या अधिकृत वेबसाइटवरून विकत घेता येईल तसेच रिटेल स्टोर्सवर देखील विवो वाय02 उपलब्ध होईल. हे देखील वाचा: अत्यंत कमी किंमतीत येतोय Redmi 12C; रियलमी-सॅमसंगची धाकधूक वाढली
Vivo Y02 Specifications
विवो वाय02 स्मार्टफोन 2.5डी यूनिबॉडी डिजाइनवर बनली आहे. हा मोबाइल फोन 1600 × 720 पिक्सल रिजोल्यूशन असलेल्या 6.51 इंचाच्या एचडी+ डिस्प्लेसह लाँच करण्यात आला आहे. फोनची स्क्रीन वॉटरड्रॉप नॉच स्टाइलसह येते जी आयपीएस एलसीडी पॅनलवर बनली आहे डिस्प्लेच्या तीन कडा बेजल लेस आहेत तर खालच्या बाजूला रुंद चिन पार्ट देण्यात आला आहे. Vivo Y02 चे डायमेंशन 163.99×75.63×8.49एमएम आणि वजन 186 ग्राम आहे.
Vivo Y02 स्मार्टफोन अँड्रॉइड 12 गो एडिशन आधारित फनटच ओएस 12 वर चालतो. या फोनमध्ये गुगल गो अ‍ॅप्स इन्स्टाल व रन करता येतात. हे गुगल गो अ‍ॅप्लीकेशन कमी रॅममध्ये देखील स्मूद प्रोसेस करतात. हा अ‍ॅप्स कमी स्टोरेज घेतात तसेच इंटरनेटचा वापर देखील कमी करतात. विवो वाय02 मीडियाटेक चिपसेटला सपोर्ट करतो परंतु कंपनीनं अजूनही प्रोसेसरची माहिती दिली नाही.
फोटोग्राफीसाठी विवो वाय02 स्मार्टफोन सिंगल रियर आणि सिंगल सेल्फी कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह एफ/2.0 अपर्चर असलेला 8 मेगापिक्सलचा प्रायमरी सेन्सर देण्यात आला आहे तसेच सेल्फी आणि व्हिडीओ कॉलिंगसाठी हा विवो मोबाइल फोन एफ/2.2 अपर्चर असलेल्या 5 मेगापिक्सलच्या फ्रंट कॅमेऱ्याला सपोर्ट करतो. हे देखील वाचा: 16GB RAM असलेला दणकट iQOO 11 5G फोनची लाँच आली; फक्त काही मिनिटांत होईल फुल चार्ज
Vivo Y02 रियल ड्युअल सिम फोन आहे ज्यात दोन सिम कार्ड्ससह एक 1टीबी पर्यंतचा मायक्रोएसडी कार्ड देखील वापरता येतो. सिक्योरिटीसाठी हा स्मार्टफोन फेस अनलॉक फीचरला सपोर्ट करतो तसेच पावर बॅकअपसाठी या मोबाइल फोनमध्ये 10वॉट फास्ट चार्जिंग टेक्नॉलॉजी असलेली 5,000एमएएच बॅटरी देण्यात आली आहे.
