वनप्लस-सॅमसंग नव्हे तर आयफोनला टक्कर देण्यासाठी येतेय Xiaomi 13 series; लाँचचा मुहूर्त ठरला

Xioami 12s Ultra

Xiaomi 13 series ही कंपनीची सर्वात आतापर्यंतची सर्वात शक्तिशाली स्मार्टफोन सीरिज असेल जी 1 डिसेंबरला लाँच होईल. कंपनीनं अधिकृत घोषणा केली आहे की शेवटच्या महिन्यात पहिल्या तारखेला कंपनी आपली नवीन फ्लॅगशिप स्मार्टफोन सीरीज टेक मंचावर सादर करणार आहे. Xiaomi 13 5G आणि Xiaomi 13 5G Pro 1 डिसेंबरला लाँच होतील. शाओमीनं सांगितलं आहे की शाओमी 13 सीरीज सोबतच 1 डिसेंबरला MIUI 14 आणि Xiaomi Watch S2 आणि Xiaomi Buds 4 TWS earbuds देखील चीनमध्ये लाँच होऊ शकतात.

Xiaomi 13 series Launch Date

शाओमी कंपनीनं अधिकृतपणे घोषणा केली आहे की कंपनी येत्या 1 डिसेंबरला टेक मंचावर आपली आगामी फ्लॅगशिप स्मार्टफोन सीरीज Xiaomi 13 series लाँच करणार आहे. कंपनीनं सीरीजमधील मोबाइल फोन्सच्या नावांची माहिती मात्र दिली नाही परंतु आशा आहे की सीरीज अंतगर्त शाओमी 13 5जी आणि शाओमी 13 प्रो 5जी फोन लाँच होतील. तसेच 1 डिसेंबरला शाओमी 13 सीरीजसह मीयुआय 14, मी वॉच एस2 आणि शाओमी बड्स 4 इयरबड देखील चीनी मार्केटमध्ये उतरवले जातील. हे देखील वाचा: विश्वास ठेवता येणार नाही इतक्या स्वस्तात महागड्या फोनमधला डिस्प्ले; Realme 10 Pro सीरिजची किंमत समजली

Xiaomi 13 series

वर सांगितल्याप्रमाणे कंपनीनं आतापर्यंत आपल्या शाओमी 13 सीरीजमधील स्मार्टफोन्सची माहिती दिली नाहीत. परंतु विविध लिक्सनुसार कंपनी आपल्या या सीरीजमध्ये Xiaomi 13, Xiaomi 13 Pro, Xiaomi 13X आणि Xiaomi 13S Ultra स्मार्टफोन सादर करू शकते. शाओमी 13 प्रो या सीरीजचा सर्वात मोठा मॉडेल असेल. या शाओमी मोबाइलच्या संभाव्य स्पेसिफिकेशन्सची माहिती पुढे शेयर करण्यात आली आहे.

Xiaomi 12s Ultra

Xiaomi 13 Pro Specification

शाओमी 13 प्रो बद्दल सांगण्यात आलं आहे की हा मोबाइल फोन 2के रिजोल्यूशन असलेल्या 6.7 इंचाच्या मोठ्या एलटीपीओ डिस्प्लेसह लाँच केला जाऊ शकतो. ही स्क्रीन ई6 अ‍ॅमोलेड पॅनलवर बनली असेल तसेच 120हर्ट्ज रिफ्रेश रेटवर चालेल. ही स्क्रीन वॉटरड्रॉप नॉच डिजाइनवर बनली असेल की पंच-होल स्टाईलसह येईल हे मात्र अजून स्पष्ट झालं नाही.

Xiaomi 13 Pro 5G Phone कंपनी Qualcomm Snapdragon 8 Gen 2 चिपसेटसह लाँच करू शकते. हा आतापर्यंतचा सर्वात पावरफुल प्रोसेसर असल्याचं सांगण्यात आलं आहे जो OnePlus 11 series, Samsung Galaxy S23 series आणि iQOO 11 series मध्ये मिळू शकतो. तसेच शाओमी 13 प्रो स्मार्टफोनमध्ये 12 जीबी पर्यंतचा रॅम आणि 512 जीबी पर्यंतची इंटरनल स्टोरेज मिळू शकते. हे देखील वाचा: लय भारी! 13 हजारांपेक्षा कमी किंमतीत 5G फोन; 5000mAh बॅटरीसह Poco M4 Pro 5G घ्या स्वस्तात

शाओमी 13 प्रो मध्ये ट्रिपल रियर कॅमेरा मिळू शकतो ज्यात सर्व कॅमेरा सेन्सर 50 मेगापिक्सल असल्याचं समोर आलं आहे. लीकनुसार Xiaomi 13 Pro 50MP Sony IMX989 1-inch sensor + 50MP ultrawide camera + 50MP telephoto camera ला सपोर्ट करेल. तर फ्रंट पॅनलवर 32 मेगापिक्सलचा सेल्फी सेन्सर असल्याचं लीकमध्ये समोर आलं आहे. पावर बॅकअपसाठी या फोनमध्ये 120वॉट फास्ट चार्जिंग असलेली 4,800एमएएचची बॅटरी मिळू शकते.

लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.

LEAVE A REPLY

Please enter your comment!
Please enter your name here