Xiaomi 18 एप्रिलला एक ग्लोबल लाँच इव्हेंटचे आयोजन करणार आहे. या इव्हेंट दरम्यान कंपनी आपला नवीन स्मार्टफोन Xiaomi 13 Ultra सादर करेल, अशी घोषणा कंपनीनं अधिकृतपणे केली आहे. याच दिवशी ग्लोबल मार्केटसह हँडसेट चीनमध्ये देखील पदार्पण करेल. आपल्या फ्लॅगशिप हँडसेटसह कंपनी Xiaomi Pad 6 देखील सादर करू शकते. परंतु इंडिया लाँचबद्दल अजूनतरी कोणतीही बातमी समोर आली नाही.
Xiaomi 13 Ultra चे स्पेसिफिकेशन, डिजाइन आणि किंमत देखील अनेक प्लॅटफॉर्मवर लीक झाली आहे. तसेच काही लीक्सनुसार हा स्मार्टफोन Xiaomi चा आता पर्यंतचा सर्वात प्रीमियम डिवाइस असू शकतो. चला जाणून घेऊया या फोनबद्दल कोणती माहिती समोर आली आहे.
Xiaomi 13 अल्ट्राची डिजाइन
फोनची डिजाइन पाहता इव्हेंटच्या टीजर पोस्टरमधून कॅमेरा मॉड्यूलची झलक दिसली आहे. यावरून स्पष्ट झालं आहे फोनच्या मागे मोठा वर्तुळाकार कॅमेरा मॉड्यूल असेल ज्यात चार कॅमेरा सेन्सर असू शकतात. तसेच डिवाइसच्या लीक रेंडरनुसार हा पंच-होल सेल्फी कॅमेरा आणि कर्व्ड एजसह येऊ शकतो. स्मार्टफोन व्हाइट सिरॅमिक आणि ब्लॅक लेदर फिनिशसह लाँच होऊ शकतो.
Xiaomi 13 Ultra चे स्पेसिफिकेशन्स (लीक)
- 6.7-इंच 2K AMOLED डिस्प्ले
- स्नॅपड्रॅगन 8 जेन 2 चिपसेट
- 512GB ऑनबोर्ड स्टोरेज
- 50MP Sony IMX989 सेन्सर
- 4,900mAh ची बॅटरी
लिक्सनुसार Xiaomi 13 Ultra मध्ये 120Hz रिफ्रेश रेटसह 6.7-इंचाचा 2K AMOLED डिस्प्ले दिला जाऊ शकतो. स्मार्टफोन क्वॉलकॉम स्नॅपड्रॅगन 8 जेन 2 चिपसेटसह बाजरात येऊ शकतो. इतकेच नव्हे तर फोनमध्ये 16GB पर्यंत रॅम आणि 512GB ऑनबोर्ड स्टोरेज मिळू शकते. लीक्सनुसार Xiaomi 13 Ultra मध्ये MIUI 14 सह Android 13 OS मिळू शकतो.
लाँचच्या टीजरमधून समजलं आहे की Xiaomi 13 Ultra मध्ये Leica ब्रँडेड कॅमेरा लेन्स मिळतील. तसेच फोनमध्ये 50MP Sony IMX989 सेन्सर आणि तीन आणि 50MP सेन्सरसह एक क्वॉड-कॅमेरा सेटअप मिळू शकतो. सेल्फीसाठी स्मार्टफोनमध्ये 32MP चा कॅमेरा असू शकतो. Xiaomi 13 Ultra मध्ये 90W वायर्ड आणि 50W वायरलेस फास्ट चार्जिंगसह 4,900mAh ची बॅटरी मिळू शकते, ही माहिती बऱ्याचदा लीक झाली आहे.
Xiaomi 13 Ultra ची किंमत (संभाव्य)
अनेकदा लीक आणि अफवांच्या मते Xiaomi 13 Ultra तीन व्हेरिएंटमध्ये लाँच केला जाऊ शकतो. हा डिवाइस CNY 2,699 (सुमारे 75,100 रुपये) पासून CNY 7,499 (सुमारे 89,500 रुपये) पर्यंत जाऊ शकतो. ही किंमत वेगवेगळ्या बाजारात वेगवेगळी असू शकते.
