शाओमी आज इंडियन स्मार्टफोन बाजाराच्या मोठया हिस्स्यावर राज्य करत आहे. शाओमीचे स्मार्टफोन देशात नंबर वन पोजिशन मिळवत आहेत. शाओमी फॅन कंपनीच्या स्मार्टफोन वर जितका विश्वास ठेवतात शाओमी इंडिया पण आपल्या यूजर्सची तितकीच काळजी घेते. वेळोवेळी मी सेल आयोजित करणारी शाओमी ने दिवाळीच्या निमित्ताने शाओमीच्या आॅफलाईन ग्राहकांसाठी खुपच शानदार आॅफर्सची सुरवात केली आहे. या खास आॅफर अंतर्गत शाओमी आपल्या स्मार्टफोन्स वर 3,000 रूपयांची सूट आणि 1,000 रुपयांचा कॅशबॅक देत आहे.
शाओमीने दिवाळीच्या निमित्ताने आयोजित केलेला हा सेल खास करुन त्या ग्राहकांसाठी आहे जे इंटरनेट वर आॅनलाईन शॉपिंग करत नाहीत तर आपल्या जवळच्या रिटेल स्टोर्स व दुकानातून स्मार्टफोन विकत घेतात. शाओमी आपल्या या फेस्टिवल आॅफर अंतर्गत कंपनीच्या काही हिट स्मार्टफोन्स वर डिस्काउंट देत आहे. या डिस्काउंट नंतर रिटेल स्टोर्स वरून विकत मिळणारे शाओमी स्मार्टफोन आॅनलाईन पेक्षा स्वस्त होतील.
शाओमी आॅफर अंतर्गत आॅफलाईन बाजारात 13,499 रुपयांमध्ये मिळणारा शाओमी रेडमी वाय2 च्या 4जीबी रॅम वेरिएंट वर 2,000 रूपयांची सूट देण्यात येत आहे. या डिस्काउंट नंतर रेडमी वाय2 फक्त 11,499 रुपयांमध्ये विकत घेता येईल. तसेच 17,499 रुपयांमध्ये मिळणारा शाओमी मी ए2 आॅफर अंतर्गत दोन हजार रुपयांच्या डिसकाउंट नंतर 15,499 रुपयांमध्ये विकत घेता येईल.
शाओमीच्या हिट स्मार्टफोन रेडमी नोट 5 प्रो वर पण कंपनी थेट 2,000 रूपयांची सूट देत आहे. आता पर्यंत शाओमी रेडमी नोट 5 प्रो चा 4जीबी रॅम/64जीबी मेमरी वेरिएंट 13,999 रुपये आणि 6जीबी रॅम/64जीबी मेमरी वेरिएंट 16,999 रुपयांमध्ये विकत घेता येत होता.
शाओमी आपल्या हाईएंड डिवाईस मी मिक्स 2 वर ग्राहकांना 3,000 रुपयांचा डिस्काउंट देत आहे. मी मिक्स 2 आता पर्यंत 30,499 रुपयांमध्ये सेल साठी उपलब्ध होता तो फोन आता 27,499 रुपयांमध्ये विकत घेता येईल. या डिस्काउंट सोबतच शाओमी स्मार्टफोन्सच्या खरेदीवर कॅशबॅक पण देत आहे. एसबीआई कार्ड ने फोन खरेदी केल्यास शाओमी 500 रुपयांचा फ्लॅट कॅशबॅक देत आहे.
जर तुम्ही 10,000 रुपयांपेक्षा कमी किंमत पेटीएम मधून दिलीत तर 500 रुपयांचा कॅशबॅक मिळेल. तसेच जर 10,000 रुपयांपेक्षा जास्त किंमतीचा फोन विकत घेतल्यास 1,000 रुपयांचा कॅशबॅक मिळेल. या स्पेशल आॅफर अंतर्गत कंपनीचा पोको एफ1 नो कॉस्ट ईएमआई वर विकत घेता येईल. शाओमीच्या या शानदार आॅफर ची सुरवात आज 18 ऑक्टोबर पासून झाली आहे आणि ही दिवाळी पर्यंत म्हणजे 9 नोव्हेंबर पर्यंत चालू असेल.
