मोबाईल फोन मध्ये आग लागणे आणि बॅटरीचा स्फोट होण्याच्या घटना समोर येत असतात. काही दुर्घटनांचे कारण यूजरची चूक असते, ज्यामुळे प्रत्येक स्मार्टफोन वापरकर्त्याला नवीन शिकवण मिळते. जेव्हा चूक यूजरची असते तेव्हा त्याला समजावले जाते, पण जेव्हा कोणतीही चूक नसताना तुमच्या स्मार्टफोनला आग लागली तर काय होईल? आणि त्यापेक्षाही मोठी बाब म्हणजे फोन विकत घेऊन फक्त एक महीनाच झाला असेल आणि ब्रँड न्यू स्मार्टफोन मध्ये ठेवल्या जागी आग लागली तर? अशीच एक घटना महाराष्टातून समोर आली आहे जिथे एका तरुणाच्या नव्या कोऱ्या स्मार्टफोनला आग लागली. आणि तो स्मार्टफोन होता Xiaomi चा Redmi Note 7S!
Xiaomi Redmi Note 7S ला आग लागण्याची घटना ठाणे जिल्ह्यातील आहे. Redmi Note 7S चा वापर ईश्वर चव्हाण नावाचा यूजर करत होता. चव्हाण यांच्यानुसार गेल्या महिन्यात 1 ऑक्टोबरला त्याने स्वतःसाठी नवीन Xiaomi Redmi Note 7S आर्डर केला होता. ऑनलाईन शॉपिंग साइटवरून फोन मागवल्यानंतर Redmi Note 7S ऑक्टोबरच्या तीन तारखेला तारीख त्याला मिळाला. ईश्वर एक महिनाभर कोणत्याही अडचणीविना आपला शाओमी स्मार्टफोन वापरत होता.
पण 3 नोव्हेंबरला जेव्हा ईश्वर आपल्या ऑफिस मध्ये काम करत होता तेव्हा त्याला अचानकपणे काहीतरी जळाल्याचा वास आला. जेव्हा त्याने आजूबाजूला बघितले तेव्हा बाजूच्या टेबलावर ठेवलेल्या त्याच्या Redmi Note 7S स्मार्टफोन मधून धूर येत होता. बघता बघता त्याच्या फोन मध्ये आग लागली. काही लक्षात येण्याआधी त्याच्या फोनचा प्लास्टिक कवर वितळून गेला होता आणि फोन खूप गरम असल्यामुळे उचलता पण येत नव्हता.
ईश्वरचे नशीब चांगले होते म्हणून Redmi Note 7S स्मार्टफोनला फक्त आग लागली पण त्याचा स्फोट झाला. जर फोन मध्ये स्फोट झाला असता तर मोठी दुर्घटना झाली असती. सुदैवाने ईश्वर किंवा आजूबाजूच्या इतर कोणालाही कोणतीही हानी झाली नाही. ईश्वरने स्पष्ट केले कि त्याने फोन चार्जिंगला लावला नव्हता किंवा फोन कुठेही पडला नव्हता. आग लागली तेव्हा फोन बाजूला ठेवलेले होता, तो फोन कोणी वापरत पण नव्हतं.
फोन जळाल्यामुले ईश्वराला आपला सिम कार्ड पण काढता आले नाही. Redmi Note 7S ला आग लागल्याची हि घटना जेव्हा Xiaomi ला समजली, तेव्हा ते म्हणाले कि, ‘ते बदल्यात नवीन स्मार्टफोन देऊ शकत नाहीत’. Xiaomi कडून मिळालेल्या या प्रतिसादामुळे फक्त ईश्वर नाही तर इतर शाओमी व रेडमी फोन यूजर्सना पण मोठा धक्का बसला आहे.
Source : gizchina
