रियलमीने अलीकडेच नारजो 60 सीरिज सादर करून मिडरेंजमध्ये ग्राहकांना आकर्षित केलं होतं. तर आता कंपनी बजेट सेगमेंटकडे वळत आहे. कंपनीनं अधिकृतपणे ‘सी’ सीरीज अंतगर्त नवीन स्मार्टफोन realme C53 ची घोषणा केली आहे. हा फोन येत्या 19 जुलैला भारतात लाँच होईल. लाँच डेटच्या घोषणेसोबतच सोबतच कंपनीनं खुलासा केला आहे की रियलमी सी53 108 मेगापिक्सल कॅमेऱ्याला सपोर्ट करेल.
realme C53 इंडिया लाँच डिटेल
रियमलीनं सांगितलं आहे की पुढील आठवड्यात 19 जुलैला रियलमी सी53 स्मार्टफोन भारतात लाँच केला जाईल. त्या दिवशी दुपारी 12 वाजता फोन सादर केला जाईल. ह्या लाँच इव्हेंटचे थेट प्रक्षेपण ऑफिशियल वेबसाइटसह युट्युब चॅनेल आणि सर्व सोशल मीडिया प्लॅटफॉर्मवर केलं जाईल.
realme C53 चा कॅमेरा
रियलमी इंडियानं सांगितलं आहे की त्यांचा नवीन मोबाइल फोन भारतीय बाजारात 108 मेगापिक्सल कॅमेरा सेन्सरसह लाँच केला जाईल. फोनमध्ये ड्युअल रियर कॅमेरा सेटअप मिळेल जोडीला एलईडी फ्लॅश दिली जाईल. रियलमी सी53 स्मार्टफोनचा कॅमेरा आर्टिफिशियल इंटेलिजेंस (AI) टेक्नॉलॉजीसह काम करेल.