विवो सब-ब्रँड आयकू हळू-हळू भारतीय बाजारात जम बसवत आहे. एकीकडे कंपनी iQOO 11 5G सारखे फ्लॅगशिप स्मार्टफोन सादर करून वनप्लस, शाओमी आणि सॅमसंगला टक्कर देत आहे. तर दुसरीकडे या पावरफुल फोन नंतर आता कंपनी मिडबजेटमध्ये देखील दमदार स्मार्टफोन नियो 7 आणण्याची तयारी करत आहे. कंपनीनं घोषणा केली आहे की येत्या 16 फेब्रुवारीला iQOO Neo 7 5G फोन भारतात लाँच केला जाईल. हा भारतातील आयकू नियो सीरीजचा दुसरा स्मार्टफोन असेल.
आयकू इंडियानं अधिकृतपणे घोषणा केली आहे की नवीन iQOO Neo 7 5G फोन 16 फेब्रुवारीला भारतात लाँच केला जाईल. कंपनी हा ‘अ‍ॅमेझॉन स्पेशल’ प्रोडक्ट म्हणून टीज करत आहे त्यामुळे स्पष्ट झालं आहे की हा मोबाइल या ई-कॉमर्स साइटवर विकला जाईल. सध्या लाँच डेट व्यतिरिक्त कंपनीकडून इतर कोणतीही माहिती देण्यात आली नाही. नियो 7 5जी चायनामध्ये लाँच झालेल्या आयकू नियो 7 एसईचा रिब्रँडेड व्हर्जन असू शकतो, अशी चर्चा आहे. त्यामुळे दोन्ही स्मार्टफोन्सचे स्पेसिफिकेशन्स देखील सारखे असतील. हे देखील वाचा: अशी संधी पुन्हा मिळणार नाही! Nothing Phone (1) वर सर्वात मोठा डिस्काउंट; जाणून घ्या ऑफर
iQOO Neo 7 5G चे संभाव्य स्पेसिफिकेशन्स
आयकू नियो 7 चे स्पेसिफिकेशन्स चीनमध्ये आलेल्या आयकू नियो 7 एसई स्मार्टफोन सारखे असतील. या मोबाइल फोनचे स्पेसिफिकेशन्स पाहता, iQOO Neo 7 SE स्मार्टफोनमध्ये 6.78-इंचाचा Full HD+ AMOLED डिस्प्ले देण्यात आला आहे, ज्याचे रिजोल्यूशन 2400×1080-पिक्सल, अ‍ॅस्पेक्ट रेश्यो 20:9 आणि रिफ्रेश रेट 120Hz आहे. या फोनमध्ये फ्लॅट डिस्प्ले आणि पंच होल कटआउट थिन बेजल्ससह देण्यात आला आहे.
आयकूचा हा फोन MediaTek Dimensity 8200 SoC सह येतो, ज्याच्या जोडीला 16GB पर्यंत रॅम आणि 512GB स्टोरेज मिळते.फोनच्या मागे ट्रिपल कॅमेरा सेटअप मिळतो, जो चौकोनी आकाराच्या कॅमेरा मोड्युलमध्ये आहे. या फोनमध्ये 64MP चा प्रायमरी कॅमेरा देण्यात आला आहे. त्याचबरोबर 2MP चा मॅक्रो सेन्सर आणि 2MP चा डेप्थ सेन्सर आहे. आयकूच्या Neo 7 SE 5G स्मार्टफोनमध्ये 16MP चा फ्रंट कॅमेरा सेन्सर देण्यात आला आहे. हे देखील वाचा: 16GB RAM आणि 5 कॅमेऱ्यांसह Samsung Galaxy A23 5G भारतात लाँच; इतकी आहे किंमत
फोनमध्ये 5000mAh ची बॅटरी आणि 120W फास्ट चार्जिंग देण्यात आली आहे. या फोनमध्ये इन-डिस्प्ले फिंगरप्रिंट स्कॅनर आणि AI फेस अनलॉक मिळतो. कनेक्टिव्हिटीसाठी फोनमध्ये Bluetooth 5.3, ड्युअल-बँड Wi-Fi, NFC आणि GPS चा पर्याय मिळतो. तसेच हा फोन Android 13 आधारित Origin OS 3 वर चालतो.
