सॅमसंगनं काही दिवसांपूर्वी घोषणा केली होती की कंपनी साउथ कोरियामधील सियॉलमध्ये ‘Unpacked event’ करणार आहे तेव्हापासून लोकांच्या नजर कंपनीकडे वळल्या आहेत. आज कंपनीनं इव्हेंट डेटवरील पडदा हटवला आहे आणि सांगितलं आहे की 27वा सॅमसंग अनपॅक्ड इव्हेंट 26 जुलैला आयोजित केला जाईल. तसेच खुलासा करण्यात आला आहे की ह्या दिवशी नवीन फोल्डेबल सॅमसंग फोन देखील लाँच केले जातील.
सॅमसंग अनपॅक्ड इव्हेंट डेट
सॅमसंगनं ऑफिशियली अनाउंस केलं आहे की ह्यात महिन्यात 26 जुलैला कंपनी सियॉलमध्ये ‘अनपॅक्ड इव्हेंट’ आयोजित करणार आहे ज्याच्या मंचावरून कंपनी नवीन फोल्डेबल स्मार्टफोन लाँच करेल. कंपनी हा कार्यक्रम ‘Join the Flip Side’ टॅगलाईनसह प्रोमोट करत आहे. हा लाँच इव्हेंट भारतीय वेळेनुसार संध्याकाळी 4 वाजून 30 मिनिटांनी सुरु होईल, त्याचबरोबर सॅमसंग सोशल मीडिया प्लॅटफॉर्म सोबतच युट्युब चॅनेलवर देखील लाइव्ह पाहता येईल.
नवीन फोल्डेबल सॅमसंग फोन
लाँच डेटची घोषणा करण्यासोबतच कंपनीनं मीडिया इन्व्हाईटमध्ये फोल्डबेल फोनचे फोटो देखील शेयर करण्यात आले आहेत. हा फोटो कंपनीच्या ‘फ्लिप’ फोन सारखा आहे. इन्व्हाईट आणि टॅगलाईन पाहून अंदाज लावला जात आहे की कदाचित 26 जुलैला कंपनी फक्त Samsung Galaxy Z Flip 5 च लाँच करेल आणि Samsung Galaxy Z Fold 5 साठी वाट पाहावी लागेल. परंतु पुढील अपडेट येईस्तोवर ठोस काही सांगता येणार नाही.
हे सॅमसंग प्रोडक्ट होऊ शकतात लाँच
26 जुलैला Samsung Galaxy Z Flip 5 आणि Samsung Galaxy Z Fold 5 स्मार्टफोन लाँच होण्याच्या जास्त शक्यता आहे. तसेच सियॉलमध्ये आयोजित होणाऱ्या गॅलेक्सी अनपॅक्ड इव्हेंटच्या मंचावरून कंपनी आपला टॅबलेट डिवायस Samsung Galaxy Tab S9 Ultra देखील लाँच करू शकते.
समोर आलेल्या मीडिया रिपोर्ट्स तसेच लीक्स पाहता 26 जुलैला सॅमसंग स्मार्टवॉचची नवीन जेनरेशन Samsung Galaxy Watch 6 Classic आणि Samsung Galaxy Watch 6 देखील बाजारात येऊ शकतात. ह्या प्रोडक्ट्स व्यतिरिक्त कंपनीचे नवीन टीडब्ल्यूएस इअरबड्स Samsung Galaxy Buds 3 पण 26 जुलैला लाँच होऊ शकतात.
