Xiaomi 13 Lite: शाओमीनं आपली Xiaomi 13 सीरिज MWC 2023 च्या मंचावरून जागतिक बाजारात लाँच केली आहे. या सीरिजमधील Xiaomi 13 आणि 13 Pro हे महागडे स्मार्टफोन आहेत तर त्यापेक्षा स्वस्त शाओमी 13 लाइट स्मार्टफोन देखील याच इव्हेंटमधून ग्राहकांच्या भेटीला आला आहे. याची खासियत म्हणजे यात 5 कॅमेरा सेन्सर मिळतात ज्यातील दोन फ्रंटला म्हणजे Dual Selfie Camera सेन्सर्स आहेत. या कॅमेरा फ्रंट कॅमेरासाठी देण्यात आलेल्या पिल शेपमुळे Xiaomi 13 Lite मोठ्या प्रमाणावर Apple iPhone 14 Pro सारखा वाटतो.
Xiaomi 13 Lite Price
शाओमी 13 लाइटचे दोन मेमरी व्हेरिएंट्स सादर करण्यात आले आहेत. याच्या बेस मॉडेलमध्ये 8GB RAM + 128GB Storage देण्यात आली आहे, तर मोठा व्हेरिएंट 8GB RAM + 256GB Storage ला सपोर्ट करतो. या फोनची प्रारंभिक किंमत EUR 499 आहे जी 43,500 रुपयांच्या आसपास आहे. ग्लोबल मार्केटमध्ये हा फोन Black, Lite blue आणि Lite pink कलरमध्ये सादर करण्यात आला आहे जो भारतात आणखी स्वस्तात उपलब्ध होऊ शकतो. हे देखील वाचा: जगातील सर्वात शक्तिशाली प्रोसेसर आणि मोठा कॅमेरा सेन्सरही; Xiaomi 13 Pro ची भारतात दणक्यात एंट्री
Xiaomi 13 Lite Specification
- 6.55″ FHD+ AMOLED display
- 8GB RAM + 256GB Storage
- Qualcomm Snapdragon 7 Gen1
- 32MP Dual Selfie Sensor
- 50MP Triple Rear Camera
- 67W 4,500mAh battery
शाओमी 13 लाइट 20:9 अ‍ॅस्पेक्ट रेशियोवर बनला आहे जो 2400 x 1080 पिक्सल रिजोल्यूशन असलेल्या 6.55 इंचाच्या फुलएचडी+ डिस्प्लेला सपोर्ट करतो. या फोनची स्क्रीन अ‍ॅमोलेड पॅनलवर बनली आहे जी 120हर्ट्ज रिफ्रेश रेट तसेच 240हर्ट्ज टच सॅम्पलिंग रेटवर काम करते. हा फोन इन-डिस्प्ले फिंगरप्रिंट सेन्सर टेक्नॉलॉजीसह येतो ज्याला कोर्निंग गोरिल्ला ग्लास 5 नं प्रोटेक्ट करण्यात आलं आहे.
Xiaomi 13 Lite स्मार्टफोन 4नॅनोमीटर फॅब्रिकेशनवर बनलेल्या क्वॉलकॉम स्नॅपड्रॅगन 7 जेन 1 ऑक्टाकोर प्रोसेसरवर लाँच झाला आहे जो 2.4गीगाहर्ट्ज क्लॉक स्पीडवर चालतो. ग्राफिक्ससाठी या फोनमध्ये एड्रेनो 644 जीपीयू आहे. फोन गरम होऊ नये यासाठी 2360एमएम स्टेनलेस स्टील व्हॅक्युम चेंबर देण्यात आला आहे. हा मोबाइल फोन अँड्रॉइड 12 आधारित मीयुआय 14 वर चालतो.
पावर बॅकअपसाठी शाओमी 13 लाइटमध्ये 4,500एमएएचची बॅटरी मिळते जी 67वॉट फास्ट चार्जिंग टेक्नॉलॉजीला सपोर्ट करते. कंपनीचा दावा आहे की हा मोबाइल फोन 40 मिनिटांत 0 ते 100 टक्क्यांपर्यंत चार्ज होतो. यात एनएफसी व अन्य कनेक्टिव्हिटी फीचर्स देण्यात आले आहेत तसेच शाओमी 13 लाइटची जाडी फक्त 7.23एमएम आणि वजन 171 ग्राम आहे.
शाओमी 13 लाइटचा कॅमेरा सेग्मेंट हटके आहे. हा फोन एकूण 5 कॅमेरा सेन्सर्सला सपोर्ट करतो. 3 बॅक पॅनलवर तर 2 फ्रंट पॅनलवर देण्यात आले आहेत. ड्युअल सेल्फी कॅमेरा पाहता, स्क्रीनवर एफ/2.4 अपर्चर असलेला 32 मेगापिक्सल सेन्सर तसेच एफ/2.28 अपर्चर असलेला 8 मेगापिक्सलचा डेप्थ सेन्सर आहे.हे देखील वाचा: तुम्ही देखील बदलू शकाल या मोबाइलचा डिस्प्ले, बॅटरीसह बरंच काही; हटके Nokia G22 कमी किंमतीत लाँच
Xiaomi 13 Lite च्या ट्रिपल रियर कॅमेरा सेटअपमध्ये एफ/1.8 अपर्चर असलेला 50 मेगापिक्सल सोनी आयएमएक्स766 प्रायमरी सेन्सर देण्यात आला आहे. तसेच बॅक पॅनलवर एफ/2.2 अपर्चर असलेला 8 मेगापिक्सलची अल्ट्रा वाइड अँगल लेन्स आणि एफ/2.4 अपर्चर असलेली 2 मेगापिक्सलची मॅक्रो लेन्स आहे.
