गेली कित्येक दिवस लिक्स आणि रिपोर्ट्समधून चर्चेत राहिल्यानंतर चिनी स्मार्टफोन निर्माता कंपनी Xiaomi आपली फ्लॅगशिप Xiaomi 13 series जागतिक बाजारात लाँच केली आहे. यातील Xiaomi 13 Pro स्मार्टफोन भारतात सादर करण्यात आला आहे. या सीरिजमध्ये Xiaomi 13, Xiaomi 13 Pro आणि Xiaomi 13 Lite असे तीन स्मार्टफोन सादर केले आहेत. Pro मॉडेल गेल्यावर्षी आलेल्या Xiaomi 12 Pro चा उत्तराधिकारी आहे. जो जगातील सर्वात शक्तिशाली स्मार्टफोन Snapdragon 8 Gen 2 चिपसेटसह लाँच झाला आहे त्याचबरोबर यात 1 इंचाचा सर्वात मोठा मोबाइल कॅमेरा सेन्सर देखील मिळतो.
Xiaomi 13 Pro ची किंमत
Xiaomi 13 Pro ची जागतिक बाजारातील किंमत 1,299 युरो (सुमारे 1,13,887 रुपये) पासून सुरु होते. हा फोन कंपनीच्या अधिकृत साईटवरून विकत घेता येईल. तसेच भारतात याची विक्री ई-कॉमर्स प्लॅटफॉर्म अ‍ॅमेझॉनच्या माध्यमातून केली जाईल. Xiaomi 13 Pro च्या भारतीय किंमतीचा खुलासा लवकरच केला जाईल, लवकरच ती माहिती आम्ही अपडेट करू. हे देखील वाचा: बजेट फ्रेंडली ग्राहकांसाठी iQOO Z7 5G येणार भारतात; लाँचची माहिती लागली आमच्या हाती
Xiaomi 13 Pro चे स्पेसिफिकेशन्स
- 6.73″ QHD+ 120Hz Display
- 12GB RAM + 256GB Storage
- Qualcomm Snapdragon 8 Gen2
- 32MP Selfie Sensor
- 50MP+50MP+50MP Rear Camera
- 120W Fast Charging
- 50W Wireless Charging
Xiaomi 13 Pro स्मार्टफोनमध्ये 6.73-इंचाचा 2K ओएलईडी डिस्प्ले आहे, जो 3200×1440 पिक्सल रिजोल्यूशन, 120Hz रिफ्रेश रेट, HDR10+ आणि 1900 नीट्स पीक ब्राइटनेससह आला आहे. या फोनमध्ये क्वॉलकॉमच्या सर्वात शक्तिशाली Snapdragon 8 Gen 2 चिपसेटची ताकद दिली आहे आणि जोडीला Adreno GPU आहे. शाओमीच्या नव्या फ्लॅगशिपमध्ये 12GB RAM आणि 256GB स्टोरेज मिळते. हा Android 13 आधारित MIUI 14 वर चालतो.
फोटोग्राफीसाठी Xiaomi 13 Pro मध्ये Leica ब्रॅंडिंगसह ट्रिपल कॅमेरा सेटअप देण्यात आला आहे. यात 50MP चा मुख्य कॅमेरा आहे जो मोबाइल कॅमेरा सेन्सरमधील सर्वात मोठा एक इंचाचा Sony IMX989 सेन्सर आहे. जोडीला 50MP चा अल्ट्रा वाइड अँगल लेन्स आणि 50MP ची टेलीफोटो लेन्स आहे. सेल्फी आणि व्हिडीओ कॉलिंगसाठी या स्मार्टफोनमध्ये 32MP चा फ्रंट कॅमेरा आहे. हे देखील वाचा: नवीन 5G Phone घेताय? मग हे 10 पॉईंट कायम ठेवा लक्षात
Xiaomi 13 Pro मध्ये थोडीसी मोठी 4,820mAh ची बॅटरी मिळते, जी 120W फास्ट चार्जिंग आणि 50W वायरलेस चार्जिंगला सपोर्ट करते. कनेक्टिव्हिटी फीचर्समध्ये 5G, 4G LTE, Wi-Fi 6, Bluetooth 5.3, GPS, NFC आणि USB Type-C चा समावेश आहे. फोनमध्ये इन-डिस्प्ले फिंगरप्रिंट सेन्सरची सुरक्षा, हाय-रेज ऑडिओ, X-axis linear motor आणि फोन गरम होऊ नये म्हणून व्हेपर चेंबर मिळतो.
