इनफिनिक्स कंपनीनं आज टेक मंचावर आपल्या 5जी प्रोडक्ट पोर्टफोलियोमध्ये विस्तार केला आहे. कंपनीनं नवीन स्मार्टफोन Infinix ZERO 5G 2023 लाँच केला आहे. हा मोबाइल फोन 50MP Camera, 8GB RAM, MediaTek Dimensity 1080 चिपसेट, 33W Fast Charging आणि 5,000mAh Battery सारख्या स्पेसिफिकेशन्ससह बाजारात आला आहे. पुढे इनफिनिक्स झिरो 5जी 2023 स्मार्टफोनच्या फीचर्स आणि स्पेसिफिकेशन्सची संपूर्ण माहिती देण्यात आली आहे.
Infinix ZERO 5G 2023 Specifications
इनफिनिक्स झिरो 5जी 2023 स्मार्टफोन 6.78 इंचाच्या मोठ्या डिस्प्लेसह लाँच झाला आहे जो फुलएचडी+ रिजोल्यूशनला स्पॉट करतो. ही पंच-होल स्टाईल स्क्रीन आहे जी 120हर्ट्ज रिफ्रेश रेटला सपोर्ट करते. डिस्प्लेच्या तीन कडा बेजल लेस आहेत तसेच खालच्या बाजूला बारीक चिन पार्ट देण्यात आला आहे. या फोनची जाडी 8.9एमएम आहे तर वजन 201 ग्राम आहे. हे देखील वाचा: कमालाच झाली! खिशाला परवडणाऱ्या किंमतीत 16GB रॅम; Realme 10 च्या एंट्रीमुळे रेडमीची डोकेदुखी वाढली
Infinix ZERO 5G 2023 अँड्रॉइड 12 आधारित एक्सओएस 12 वर चालतो. ऑक्टा-कोर प्रोसेसरसह हा मोबाइल फोन मीडियाटेक डिमेनसिटी 1080 चिपसेटसह बाजारात आला आहे. हा इनफिनिक्स फोन 8 जीबी रॅमसह लाँच झाला आहे जो 5 जीबी रॅम एक्सपँशन टेक्नॉलॉजीसह येतो. त्यामुळे गरज पडल्यास इनफिनिक्स स्मार्टफोन 13जीबी रॅमची ताकद देऊ शकतो. या फोनमध्ये 256जीबीची इंटरनल स्टोरेज आहे.
फोटोग्राफीसाठी इनफिनिक्स झिरो 5जी 2023 स्मार्टफोन ट्रिपल रियर कॅमेऱ्याला सपोर्ट करतो. फोनच्या बॅक पॅनलवर 50 मेगापिक्सलचा प्रायमरी सेन्सर देण्यात आला आहे जोडीला 2 मेगापिक्सलची मॅक्रो लेन्स आणि 2 मेगापिक्सलचा डेप्थ सेन्सर आहे. सेल्फी आणि व्हिडीओ कॉलिंगसाठी Infinix ZERO 5G 2023 16 मेगापिक्सलच्या फ्रंट कॅमेऱ्याला सपोर्ट करतो.
Infinix ZERO 5G 2023 ड्युअल सिम फोन आहे जो 5जी आणि 4जी दोन्हीवर चालतो. सिक्योरिटीसाठी या स्मार्टफोनमध्ये साइड माउंटेड फिंगरप्रिंट सेन्सर देण्यात आला आहे. पावर बॅकअपसाठी इनफिनिक्स झिरो 5जी 2023 मोबाइल फोन 33वॉट फास्ट चार्जिंग टेक्नॉलॉजी असलेल्या 5,000एमएएचच्या बॅटरीला सपोर्ट करतो. हे देखील वाचा: Redmi 11A असेल कंपनीचा आगामी स्वस्त स्मार्टफोन; किंमत असू शकते 8 हजारांच्या जवळपास
Infinix ZERO 5G 2023 Price
इनफिनिक्स झिरो 5जी 2023 स्मार्टफोन सिंगल व्हेरिएंटमध्ये बाजारात आला आहे जो 8 जीबी रॅमसह 256 जीबी स्टोेरेजला सपोर्ट करतो. कंपनीनं सध्या फोनची किंमत सांगितली नाही परंतु आशा आहे की लवकरच Infinix ZERO 5G 2023 च्या प्राइस व सेल डिटेल्सची घोषणा केली जाईल. हा स्मार्टफोन Pearl White, Coral Orange आणि Submariner Black कलरमध्ये सेलसाठी उपलब्ध होईल.
सोर्स: रिपोर्ट
