भारतातील सरकारी टेलीकॉम कंपनी BSNL ना भारतात लवकरच आपली 4G सर्व्हिस लाँच करण्याची तयारी केली आहे. कंपनी 4G सह 5G सेवा भारतीयांपर्यंत पोहोचवण्यासाठी काम करत आहे. याबाबत एप्रिलमध्ये सरकारकडून मंजूरी मिळाल्यानंतर BSNL नं देशातील अनेक भागांमध्ये आपल्या 4जी नेटवर्कची टेस्टिंग देखील केली आहे. एकीकडे खाजगी टेलीकॉम कंपन्या 5G सादर करणार आहेत. बीएसएनएल आपली 4जी सेवा जानेवारी 2023 मध्ये लाँच करेल. स्वतः टेलीकॉम मंत्री Ashwini Vaishnaw यांनी याचा खुलासा केला आहे.
द इकोनॉमिक टाइम्स (ईटी) शी बोलताना टेलीकॉम मंत्री अश्विनी वैष्णव यांनी खुलासा केला की बीएसएनएल 4जी लवकरच लाँच केलं जाईल. जे पुढील वर्षी ग्राहकांसाठी उपलब्ध करण्यात येईल. तसेच वैष्णव यांनी असं देखील म्हटलं आहे की BSNL 5G देखील 2023 च्या दुसऱ्या तिमाहीपर्यंत भारतात येईल. हे देखील वाचा: How to port SIM: नंबर तोच ठेवून मोफत मिळवा 5G सिम, जाणून घ्या सिम पोर्ट करण्याची सोपी पद्धत
बीएसएनएल 4जी बद्दल काय बोलले अश्विनी वैष्णव
बीएसएनएलची 4जी सेवा येत्या जानेवारी 2023 पासून सुरु केली जाईल. दूरसंचार मंत्री अश्विनी वैष्णव यांनी स्पष्ट केलं आहे की बीएसएनएल 4जी जानेवारी 2023 च्या पहिल्या आठवड्यात सुरु केलं जाईल. तसेच 5G बद्दल सांगण्यात आलं आहे की 5G सेवा ऑगस्ट 2023 पर्यंत सादर होईल. टेलीकॉम मंत्री अश्विनी वैष्णव यांनी असं देखील म्हटलं आहे की, येत्या कालावधीत बीएसएनएल काही भागांमध्ये Jio आणि Airtel सारख्या खाजगी टेलीकॉम कंपन्यांची बरोबरी करेल.
20 कोटी युजर्स करतील बीएसएनएलचा स्वीकार
अश्विनी वैष्णव यांनी याआधी म्हटलं होतं की बीएसएनएल देशात 4जी आणि 5जी सेवा सुरु करण्यासाठी स्वदेशी टेक्नॉलॉजीचा वापर करेल. त्यांनी बीएसएनएल 4G आणि 5G सेवेसह कमीत कमी 20 कोटी युजर्स पर्यंत पोहचेल अशी अपेक्षा व्यक्त केली आहे.
या दिवशी येऊ शकतं बीएसएनएल 5जी
भारतात 5G लाँचच्या बाबतीत वैष्णव यांनी म्हटलं आहे की BSNL 5G भारतात 15 ऑगस्ट, 2023 रोजी लाँच केलं जाईल. कंपनी सुरुवातिला ही सर्व्हिस काही शहरांमध्ये सुरु करेल. त्यानंतर हळूहळू संपूर्ण भारतात हिचा विस्तार केला जाईल. हे देखील वाचा: टेलिकॉम क्षेत्रानंतर आता लॅपटॉप सेगमेंटची बारी; Reliance च्या स्वस्त लॅपटॉप JioBook ची विक्री सुरु
बीएसएनएलच्या ढिल्या कारभारावर केलं भाष्य
वैष्णव यांनी म्हटलं की बीएसएनएल अशी कंपनी आहे जी बाजारात मोठी भूमिका बजावत राहील. बीएसएनएलला सरकारकडून आधीच 1.64 लाख कोटी रुपयांचं पॅकेज मिळालं आहे, जे कोट्यवधी रुपयांचं कर्ज आहे. बीएसएनएलची उपलब्धता भारतातील छोट्या आणि मोठ्या शहरांमध्ये आहे. त्यामुळे कधीही या कंपनीला कमी समजता येणार नाही. बीएसएनएलचं नेटवर्क लेह आणि लदाखच्या पर्वतीय भागांमध्ये देखील मिळतं, जिथे खाजगी कंपन्या मागे आहेत.
लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.
