एंडरॉयड ने आपल्या नवीन आॅपरेटिंग सिस्टम 9 पाई ची माहिती खूप आधीच दिली होती. त्यानंतर कपंनी ने हि उपलब्ध पण करून दिली. एंडरॉयड 9 पाई चे बीटा वर्जन आधीच आले होते. नंतर पिक्सल 3 डिवाइस सह हि आॅपरेटिंग सिस्टम अधिकृतरित्या उपलब्ध झाली आणि आता अनेक फोन एंडरॉयड 9 पाई आॅपरेटिंग सिस्टम सह लॉन्च होत आहेत. तर मोबाईल निर्माता आता आपल्या जुन्या फोनला पण नवीन आॅपरेटिंग सिस्टम चा अपडेट देत आहेत. नुकतेच शाओमी, नोकिया, वीवो, ओपो, सोनी आणि असूस सहित अनेक कंपन्यांनी आपल्या जुन्या फोन मध्ये नवीन आॅपरेटिंग सिस्टम एंडरॉयड 9 पाईचा अपडेट देणार असल्याचे सांगितले आहे.
नवीन ओएस अपडेट मध्ये तुम्हाला अनेक नवीन फीचर्स मिळतील सोबतच फोनची परफॉर्मेंस पण स्मूथ होईल. परंतु आपल्या एंडरॉयड फोनला अपडेट करण्याआधी काही गोष्टींची काळजी घेणे पण आवश्यक आहे. खाली आम्ही अशाच काही गोष्टींचा उल्लेख केला आहे.
1. फोनची मेमरी तपासा
यात शंकाच नाही कि अपडेट नंतर फोन आधीपेक्षा खूप चांगला चालतो आणि अनेक नवीन फीचर्स पण मिळतात. म्हणूनच नवीन आॅपरेटिंग सिस्टम वर फोनला अपडेट केला पाहिजे. परंतु अनेकदा अपडेट फोन वरच भारी पडतो. जर फोनची इंटरनल मेमरी कमी असेल आणि रॅम मेमरी पण जास्त नसेल तर मग अपडेट करू नये. त्यामुळे तुमच्या फोनला नवीन एंडरॉयड 9 पाईचा अपडेट मिळाला असेल तर सर्वात आधी फोनची मेमरी तपासा.
2. दोन अपडेट मिळाले असतील तर..
जर तुम्ही तुमच्या फोनला दोनदा आधीच्या ओएस वर अपडेट केले असेल तर. जसे तुमचा फोन मार्शमेलो वर लॉन्च झाला होता आणि तुम्ही हा नुगट आणि ओरियो वर अपडेट केला आहे असे असल्यास एंडरॉयड 9 पाई वर अपडेट करू नये. हार्डवेयर चांगला असूनही समस्या येऊ शकते. कारण तुमचा फोन जवळपास दोन वर्षांपेक्षा जास्त जुना झाला आहे आणि जुन्या हार्डवेयर सोबत ओएस मध्ये कंपॅटिबिलिटीची समस्या येऊ शकते. त्यामुळे विचार करून अपडेट करा.
3. फोन ठेवा चार्ज
जर वर दिलेली कोणतीही समस्या तुमच्या फोन मध्ये नसल्यास तुम्ही अपडेट करू शकता. जर तुमच्या फोन मध्ये आॅपरेटिंग सिस्टमचा अपडेट आला असल्यास आणि तुम्ही अपडेट करणार असाल तर सर्वात आधी फोनला पूर्णपणे चार्ज करा. जरी पूर्णपणे चार्ज नसल्यास निदान 70 ते 80 टक्के चार्जिंग असावी. जर फोनची बॅटरी कमी असली आणि आॅपरेटिंग सिस्टम अपडेट करताना फोन बंद झाला तर मग सॉफ्टवेयर मध्ये समस्या येऊ शकते.
4. फोनचा बॅकअप घ्या
ताई पाहता अपडेट साठी बॅकअप घेण्याची गरज नाही पण तुम्ही नवीन आॅपरेटिंगचा अनुभव अगदी नवीन फोन प्रमाणे घेऊ इच्छित असाल तर बॅकअप घ्या. कॉन्टॅक्ट आणि व्हाट्सऍप क्लाउड वर बॅकअप होतात पण फोटो आणि मीडिया फाइलचा बॅकअप लोक घेत नाहीत त्यामुळे तुम्ही पीसी, पेनड्राइव किंवा मग कार्ड मध्ये आपल्या फोनचा सर्व डेटा बॅकअप घ्या. आता तुम्ही तुमचा फोन अपडेट करू शकता.
5. वाईफाई नेटवर्कशी रहा कनेक्ट
फोन अपडेट तेव्हाच करा जेव्हा तुम्ही वाईफाई नेटवर्कशी कनेक्टड असाल. कारण एंडरॉयड आॅपरेटिंग सिस्टमची साइज 1जीबी पेक्षा पण जास्त असते. त्यामुळे तुम्ही ओएस अपडेट मोबाईल नेटवर्क ऐवजी वाईफाई नेटवर्क वरून केल्यास चांगलेच.
6. करा फॅक्टरी डेटा रिसेट
एंडरॉयड 9 पाईचा अपडेट खूप मोठा आहे. हा 1जीबी पेक्षा जास्त आहे त्यामुळे ओएस डाउलोड आणि इंस्टॉल होण्यास खूप वेळ लागेल. एकदा फोन अपडेट झाल्यास फॅक्टरी डेटा रिसेट करा. हे करणे आवश्यक नाही पण याने तुमचा फोन अजूनच स्मूथ होईल. फोन मधील फॅक्टरी डेटा रिसेट चा पर्याय सेटिंग मध्ये मिळेल.
तसेच हार्डवेयर बटण च्या माध्यमातून पण तुम्ही हार्डबूट पण करू शकता. हार्डबूट करण्यासाठी आधी फोन आॅफ करा आणि पावर व वॉल्यूम डाउन किंवा अप बटण एक साथ दाबून ठेवा. अशाने तुमचा फोन बूट मोड मध्ये जाईल. तिथे टच स्क्रीन चालणार नाही तुम्हाला अप डाउन साठी वॉल्यूम बटण आणि ओके करने साठी पावर बटणची मदत घ्यावी लागेल. तिथे डेटा रिसेटचा आॅप्शन निवडा.
7. ऍप डेटा करा रिस्टोर
जेव्हा फोन आॅन होईल तेव्हा तुम्ही तुमचा डेटा रिस्टोर करू शकता. तुम्ही हाच विचार करत असला कि आॅडियो, वीडियो, फोटो आणि डॉक्यूमेंट सहित अन्य डेटा रिस्टोर कराल पण ऍप्सचे काय करायचे जे फोन मध्ये इंस्टॉल होते? तर लक्षात घ्या त्यांची माहिती पण तुम्ही घेऊ शकता आणि फक्त एका क्लिकने ते इंस्टॉल पण करता येतील.
यासाठी सर्वात आधी तुम्हाला तुमच्या फोन मध्ये प्ले स्टोर ओपन करावे लागेल. प्ले स्टोर मध्ये तुम्ही लॉगिन असाल याची खात्री करून घ्या. आता तुम्ही माय ऍप्स एंड गेम्स मध्ये जाऊन वर अपडेट, इंस्टॉल्ड आणि लाइब्रेरी चा पर्याय मिळेल. तुम्हाला लाइब्रेरी वर क्लिक करायचे आहे. मग सर्व ऍप्सची लिस्ट तुमच्या समोर येईल जे तुम्ही तुमच्या फोन मध्ये इंस्टॉल केले होते. तुम्हाला फक्त क्लिक करून ते ऍप्स इंस्टॉल करायचे आहेत.
