iQOO नं अलीकडेच चीनमध्ये तीन नवीन स्मार्टफोन iQOO 11 5G, iQOO 11 Pro 5G आणि iQOO Neo 7 SE लाँच केले आहेत. कंपनीची नंबर सीरीज फ्लॅगशिप कॅटेगरीमध्ये आली आहे तर नियो 7एसई मिडबजेट फोन आहे. हे तिन्ही मोबाइल फोन भारतीय बाजारात देखील लवकरच लाँच केले जाऊ शकतात. परंतु आज कंपनीच्या अधिकृत घोषणेपुर्वी भारतीय सर्टिफिकेशन साइट BIS वर एक नवीन स्मार्टफोन iQOO Neo 7 5G दिसला आहे. त्यामुळे अंदाज लावला जात हा फोन लवकरच आता भारतात लाँच केला जाऊ शकतो.
कथित iQOO Neo 7 5G फोन इंडियन सर्टिफिकेशन्स साइट बीआयएसवर लिस्ट झाला आहे. हा स्मार्टफोन चीनमध्ये लाँच झालेल्या iQOO Neo 7 SE चा ही रिब्रँडेड व्हर्जन असल्याचं सांगण्यात आलं आहे जो भारतीय बाजारात नियो 7 5जी नावानं सादर केला जाऊ शकतो. गिजमोचायनाच्या रिपोर्टनुसार ही लिस्टिंग 12 डिसेंबरची आहे तसेच यात सर्टिफाइड स्मार्टफोन आयकू नियो 7एसईच आहे जो लवकरच भारतात आयकू नियो 7 5जी नावानं लाँच होऊ शकतो. हे देखील वाचा: 17,500 रुपयांमध्ये वनप्लसचा दणकट फोन; OnePlus Nord CE 2 Lite वर असा मिळवा अतिरिक्त डिस्काउंट
iQOO Neo 7 5G चे संभाव्य स्पेसिफिकेशन्स
आयकू नियो 7 5जी फोन चीनमध्ये लाँच झालेल्या आयकू नियो 7 एसई स्मार्टफोनचा इंडियन व्हर्जन असल्याचं सांगण्यात आलं आहे. त्यामुळे दोन्ही स्मार्टफोन्सचे स्पेसिफिकेशन्स सारखेच असू शकतात. iQOO Neo 7 SE स्मार्टफोनमध्ये 6.78-इंचाचा Full HD+ AMOLED डिस्प्ले देण्यात आला आहे, ज्याचे रिजोल्यूशन 2400×1080-पिक्सल, अ‍ॅस्पेक्ट रेश्यो 20:9 आणि रिफ्रेश रेट 120Hz आहे. या फोनमध्ये फ्लॅट डिस्प्ले आणि पंच होल कटआउट थिन बेजल्ससह देण्यात आला आहे.
आयकूचा हा फोन MediaTek Dimensity 8200 SoC सह येतो, ज्याच्या जोडीला 16GB पर्यंत रॅम आणि 512GB स्टोरेज मिळते.फोनच्या मागे ट्रिपल कॅमेरा सेटअप मिळतो, जो चौकोनी आकाराच्या कॅमेरा मोड्युलमध्ये आहे. या फोनमध्ये 64MP चा प्रायमरी कॅमेरा देण्यात आला आहे. त्याचबरोबर 2MP चा मॅक्रो सेन्सर आणि 2MP चा डेप्थ सेन्सर आहे. आयकूच्या Neo 7 SE 5G स्मार्टफोनमध्ये 16MP चा फ्रंट कॅमेरा सेन्सर देण्यात आला आहे.
फोनमध्ये 5000mAh ची बॅटरी आणि 120W फास्ट चार्जिंग देण्यात आली आहे. या फोनमध्ये इन-डिस्प्ले फिंगरप्रिंट स्कॅनर आणि AI फेस अनलॉक मिळतो. कनेक्टिव्हिटीसाठी फोनमध्ये Bluetooth 5.3, ड्युअल-बँड Wi-Fi, NFC आणि GPS चा पर्याय मिळतो. तसेच हा फोन Android 13 आधारित Origin OS 3 वर चालतो. हे देखील वाचा: रेडमीच्या आधीच ‘ही’ कंपनी भारतात आणतेय 200MP Camera असलेला स्वस्त स्मार्टफोन; लाँच डेट घोषित
