रिलायंस जियो जेवढ्या वेगाने भारतीय बाजारात प्रगती केली आहे तेवढा वेग क्वचतीचं इतर टेलीकॉम कंपनीचा असेल. अनेक हिने फ्री इंटरनेट आणि कॉलिंग सुविधा देणाऱ्या जियो मुळे आज भारतीय टेलीकॉम बाजारात सर्व सेवा स्वस्त झाल्या आहेत. टेलीकॉम विश्वात प्रथम स्थान मिळवल्यानंतर जियो ने 4जी फीचर फोन लॉन्च करून मोबाईल बाजारात पण यश मिळवले. आता आपल्या यूजर्सना अजून चांगली सुविधा देत रिलायंस जियो ने ‘जियोरेल’ ऍपची सुरवात केली आहे.
नावावरूनच समजले असेल कि जियोरेल ऍप रेल्वे संबंधित सुविधांसाठी लॉन्च करण्यात आलेले आहे. जियोरेल ऍप मधून यूजर्स एका क्लिक वर घर बसल्या तिकीट बुक करू शकतात. इतकेच नव्हे तर तिकीट कॅन्सल, वेटिंग लिस्ट ची माहिती, पीएनआर स्टेटस, तत्काल तिकीट, ट्रेनचे रनिंग स्टे्टस इत्यादी सुविधा पण जियोरेल ऍप वर मोफत मिळतील. जियोरेल ऍप भारतीय रेल्वे विभागाद्वारा देण्यात येणार सर्व सुविधा आपल्या यूजर्स पर्यंत पोहचवत आहे.
जियोरेल ऍप डिजीटल इंडिया मधील मोठे पाउल आहे जो गावागावात इंटरनेटच्या माध्यमातून भारत सरकारच्या सेवा अगदी मोफत देत आहे. जियोरेल ऍप मधून स्टेशन वर न जाता तसेच मोठ्या रांगेत न लागता मोबाईल वर ट्रेनचे टाईमिंग, ट्रेनचा रूट, ट्रेन मधील सीट्सची माहिती मिळेल. ई-वॉलेट तसेच बँक कार्डच्या माध्यमातून जियोरेल ऍप ने तिकीट चे पेमेंट पण केले जाऊ शकते. तसेच तिकीट रद्द करून ऑनलाइन पैसे परत पण मिळवता येतील.
विशेष म्हणजे जियोरेल ऍप सध्या कंपनीच्या 4जी फीचर फोन जियोफोन आणि जियोफोन 2 मधेच इंस्टाल करून वापरता येईल. हा ऍप जियो ऍप स्टोर मधून डाउनलोड केला जाऊ शकतो. अशा आहे कि कंपनी येत्या काळात हा ऍप एंडरॉयड तसेच आईओएस वर पण सादर करेल.
