मुकेश अंबानींनी रिलायंस इंडस्ट्रीजच्या 43व्या ऍन्युअल मीटिंग मध्ये आपल्या 5G सर्विस सोबतच स्वस्त 5G स्मार्टफोनची घोषणा केली होती, तेव्हापासून भारतात स्वस्त जियो 5G स्मार्टफोनची वाट बघितली जात आहे. Google सोबत मिळून 5जी फोन घेऊन येत असलेल्या रिलायंस जियोने अधिकृतपणे हँडसेट बाबत आतापर्यंत कोणतीही माहिती दिली नाही. पण आता समोर आलेल्या एका रिपोर्टनुसार बोलले जात आहे कि रिलांयस यावर्षी डिसेंबर मध्ये नवीन जियो स्मार्टफोन लॉन्च करू शकते. बिजनेस स्टॅंडर्डच्या रिपोर्ट मध्ये सांगण्यात आले आहे कि हा नवीन स्मार्टफोन कंपनीच्या ‘2G’ मुक्त भारत अभियानचा भाग असेल.
डेटा पॅक सह येऊ शकतो जियो 5G स्मार्टफोन
बिजनेस स्टॅंडर्डने सूत्रांच्या आधारे सांगितले आहे कि Jio कमी किंमत असलेल्या 10 कोटी स्मार्टफोन्सची निर्मिती करणार आहे जे गूगलच्या एंडरॉयड प्लॅटफॉर्म वर आधारित असतील. बुधवारी वर्तमानपत्राने सांगितले कि फोन डेटा पॅक सह यावर्षी डिसेंबर किंवा पुढल्या वर्षीच्या सुरवातीला लॉन्च केला जाऊ शकतो.
हे देखील वाचा: Jio मुळे नाखुश होऊ लागलेत ग्राहक जाणून घ्या कारणे, तुम्ही पण आहात का यातील एक?
गूगल सोबत केली पार्टनरशिप
Google सह आपल्या पार्टनरशिपची घोषणा करत Mukesh Ambani बोलले होते कि गूगलने रिलायंस जियो मध्ये 7.7 टक्के गुंतवणूक केली आहे. Jio मध्ये गुंतवणूक केल्या गेलेल्या या शेयरची रक्कम 33,737 कोटी रुपये आहे. तसेच त्यांनी सांगितले होते गूगल आणि जियो मिळून देशात ‘डिजीटल इंडिया’ च्या दिशेने काम करतील आणि भारतातील 4जी व 5जी फोन्सची निर्मिती करतील.
किती असेल किंमत
आतापर्यंत JioPhone 5G च्या किंमतीची कोणतीही माहिती समोर आलेली नाही पण आशा आहे कि हा फोन भारतातील सर्वात स्वस्त 5G फोन असेल. तुम्हाला माहित असेल कि पहिला Jiophone 1,500 रुपयांच्या बजेट मध्ये आला होता आणि Jiophone 2 3,000 रुपयांच्या बजेट मध्ये आला होता. तसेच नवीन स्मार्ट Jio 5G Phone 5,000 रुपयांच्या बजेट मध्ये सादर केला जाऊ शकतो. पण हि किंमती फक्त आमचा अंदाज आहे.
हे देखील वाचा: Jio च्या नावाने होत आहे फसवणूक, Reliance ने दिला सावधानतेचा इशारा
JioPhone 5 ची पण तयारी
91मोबाईल्सला अलीकडेच एक्सक्लूसिव माहिती मिळाली होती कि कंपनी आपल्या स्वस्त फीचर फोन वर काम करत आहे आणि या प्रोजेक्टचे नाव JioPhone 5 आहे. JioPhone 5 ची माहिती आम्हाला इंडस्ट्रीच्या अश्या सोर्स कडून मिळाली होती जो या प्रोजेक्ट मध्ये आहे. नाव न छापणाच्या अटीवर सूत्रांनी आम्हाला सांगितले आहे कि रिलायंस जियो एक स्वस्त मोबाईल फोन बाजारात आणण्याची तयारी करत आहे आणि या स्वस्त फीचर फोनच्या प्रोजेक्टचे नाव Jio Phone 5 आहे. हा प्रोजेक्ट सध्या डेवलेमेंट स्टेज वर आहे आणि हा लॉन्च होण्यास तसेच बाजारात विक्रीसाठी उपलब्ध होण्यास अजून थोडा वेळ लागेल.
