लेनोवो ने जून महिन्यात टेक बाजारात आपला हाईएंड स्मार्टफोन झेड5 लॉन्च केला होता. शानदार व स्टाईलिश लुक तसेच दमदार स्पेसिफिकेशन्स असलेला फोन चीन मध्ये सेल साठी उपलब्ध आहे. अनेक दिवसांपासून चर्चा आहे की लेनोवो झेड5 चा अजून एक वर्जन झेड5 प्रो नावाने लॉन्च करेल. आज लेनोवो च्या या आगामी स्मार्टफोन संबंधीत मोठा लीक समोर आला आहे. या लीक मध्ये लेनोवो झेड5 प्रो चीनी वेबसाइट वर पोस्ट करण्यात आला आहे जिथे फोनच्या स्पेसिफिकेशन्सची माहिती देण्यात आली आहे.
लेनोवो झेड5 प्रो चीनी वेबसाइट बाइडू वर दिसला आहे. वेबसाइट वर फोनच्या फोटो सोबत याचे फुल स्पेसिफिकेशन्स ची माहिती उपलब्ध आहे. लीक पाहता लेनोवोचा हा फोन हाईएंड स्पेसिफिकेशन्स सह खूपच छोट्या नॉच सह 19:14 आस्पेक्ट रेशियो वाल्या बेजल लेस डिस्प्ले सह लॉन्च होईल. लेनोवो झेड5 प्रो चे स्पेसिफिकेशन्स पाहता लीक नुसार फोनचा स्क्रीन-टू-बॉडी रेशियो 95 टक्के असेल आणि यात 2280 x 1440 पिक्सल रेज्ल्यूशन वाला 6.5-इंचाचा फुलएचडी+ डिस्प्ले देण्यात येईल.
लीक नुसार लेनोवो झेड5 प्रो पूर्णपणे बेजल लेस असेल आणि यात इन-डिसप्ले फिंगरप्रिंट सेंसर देण्यात येईल. लेनोवो झेड5 प्रो कंपनी द्वारा दोन रॅम वेरिएंट मध्ये लॉन्च केला जाऊ शकतो ज्यात 8जीबी रॅम आणि 6जीबी रॅम असतील. हे दोन्ही रॅम वेरिएंट 64जीबी मेमरी, 128जीबी मेमरी आणि 256जीबी च्या इंटरनल स्टोरेज ला सपोर्ट करतील. लीक नुसार लेनोवो आपला फोन क्वालकॉमच्या पावर फुल चिपसेट स्नॅपड्रॅगन 845 सह लॉन्च करेल.
लेनोवो झेड5 प्रो च्या बॅक पॅनल वर वर्टिकल शेप मध्ये डुअल रियर कॅमेरा सेटअप दाखवण्यात आला आहे. लीक नुसार हा कॅमेरा सेटअप 20-मेगापिक्सल आणि 16-मेगापिक्सल च्या दोन कॅमेरा सेंसरला सपोर्ट करेल. तसेच पावर बॅकअप साठी फोन मध्ये 4,000एमएएच ची बॅटरी मिळण्याची शक्यता आहे. पण लेनोवो कडून अजूनतरी झेड5 च्या लॉन्च व स्पेसिफिकेशन्स संबंधीत कोणतीही घोषणा करण्यात आली नाही त्यामुळे समोर आलेला हा फोटो आणि स्पेसिफिकेशन्स सध्यातरी एक लीक आहे.
