Koi… Mil Gaya चित्रपट जवळपास प्रत्येक भारतीयांनी बघितला असेल. कोई मिल गयामध्ये दुसऱ्या आकाशगंगेतून आलेला ‘जादू’ तुम्हाला आठवत असेल. परंतु जादूच्या ग्रहावरील एलियंसनी पृथ्वीशी कशाप्रकारे संपर्क साधला होता हे आठवतंय का? चित्रपटात एक वैज्ञानिक ‘ॐ’ ध्वनिच्या माध्यमातून परग्रहावरील एलियन्सना संदेश पाठवतो आणि त्याला उत्तर देखील मिळतं. आता प्रत्यक्षात देखील दूरच्या आकाशगंगेतून रेडियो सिग्नल संदेश पृथ्वीवर पाठवले जात धरती रहे आहेत ज्यांची नोंद मॅसॅच्युसेट इंस्टीट्यूट ऑफ टेक्नॉलॉजी (MIT) च्या वैज्ञानिकांनी केली आहे.
MIT च्या वैज्ञानिकांनी ही बातमी बातमी सार्वजनिक करून जगाला धक्का दिला आहे. हे सिग्नल कोण पाठवत आहे? सिग्नल कुठून येत आहेत? आणि पृथ्वी व्यतिरिक्त दुसऱ्या ग्रहावर जीवन आहे का? असेच अनेक प्रश्न पुन्हा पडू लागले आहेत. हे रेडियो सिग्नल मेसेज दूरवरच्या आकाशगंगेतून येत आहेत ज्याच्या उगमाची माहिती अजूनतरी वैज्ञानिकांना मिळाली नाही. हे संदेश खूप रहस्यमय आहेत जणू कोणी तरी आपल्याशी संपर्क साधू इच्छित आहे आणि आपल्याशी बोलू इच्छित आहे. जगातील मोठे वैज्ञानिक आता याचा शोध घेण्याच्या कामाला लागले आहेत.
Astronomers have detected an unusual radio signal from a far-off galaxy, according to Massachusetts Institute of Technology officials. ✨
The signal is a fast radio burst, an intensely strong burst of radio waves, MIT said in a statement. https://t.co/hfaAtbFcwi
— The Boston Globe (@BostonGlobe) July 19, 2022
दुसऱ्या दुनियेतून येत आहेत संदेश!
मॅसॅच्युसेट इंस्टीट्यूट ऑफ टेक्नॉलॉजीच्या वैज्ञानिकांचा दावा आहे की त्यांना अंतराळातून येणारे काही रहस्यमय रेडियो सिग्नल मिळाले आहेत. वैज्ञानिकांच्या मते हे सिग्नल जवळपास 3 सेकंदांपर्यंत सक्रिय होते आणि हे खूप शक्तिशाली होते. हे रेडियो वेव्ह सिग्नल्स द कॅनेडियन हायड्रोजन इंटेंसिटी मॅपिंग एक्सपेरीमेंट (CHIME) नं रेकॉर्ड केले होते जी कॅनडातील ब्रिटिश कोलंबियामधील एक शक्तिशाली रेडियो टेलिस्कोप आहे.
पावरफुल सिग्नल
प्रसिद्ध वैज्ञानिक डॅनियल मिशिलीनुसार हे खूप विचित्र रेडियो सिग्नल होते जे 3 सेकंदांपर्यंत मिळत होते. विशेष म्हणजे हे सिग्नल एका ठराविक वेळेनंतर मधे-मधे खूप शक्तिशाली आणि तीव्र होते होते. हे सिग्नल दर 0.2 सेकंदांच्या अंतराळासह तीन सेकंदांपर्यंत येत राहिले.
हे सिग्नल्स Radio Burst श्रेणीत ठेवण्यात आले आहेत. रेडियो बर्स्ट म्हणजे रेडियो लहरींचा स्फोट जो शक्तिशाली रेडियो लहरी ट्रांसफर करतो. या रेडियो बर्स्टला FRB20191221A नाव देण्यात आलं आहे. मिशिली यांच्या नेतृत्वात MIT चे केल्विन लिउंग, जुआन मेना पारा, कॅटिलिन शिन आणि कियोशी मासुई या सिग्नल्सचा अभ्यास करत आहेत.
दुसऱ्या आकाशगंगेशी संपर्क?
डॅनियल मिशिली यांनी म्हटलं आहे की, हे रेडियो सिग्नल जिथून आले आहेत ती दुसरी आकाशगंगा पृथ्वीपासून कोट्यवधी प्रकाशवर्ष दूर आहे. मिशिलीनुसार अंतराळात अशा अनेक गोष्टी आहेत ज्या अशाप्रकारचे सिग्नल निर्माण करू शकतात. त्यामुळे हे सिग्नल एलियन्सनी पाठवल्याचा स्पष्ट म्हणता येणार नाही. या रेडियो सिग्नल्सच्या उगम स्थानाचा शोध घेतला जात आहे. परंतु हे मात्र नक्की की या जगात अशा अनेक गोष्टी आहेत ज्यांचा उकल माणसाला झालेला नाही.
