Nokia G60 5G Launch: नोकियानं IFA 2022 च्या मंचावरून नवीन 5जी मोबाइल फोन Nokia G60 5G सादर केला होता जो 120Hz Display, 50MP Camera, 6GB RAM आणि Qualcomm Snapdragon 695 5G चिपसेट सारख्या स्पेसिफिकेशन्सना सपोर्ट करतो. आज हा नवीन नोकिया स्मार्टफोन भारतात लाँच झाला आहे. नोकिया जी60 5जी ची प्राइस 29,999 रुपये आहे जो येत्या 8 नोव्हेंबरपासून भारतात सेलसाठी उपलब्ध होईल. पुढे Nokia G60 5G Price, Specifications आणि Sale संबंधित माहिती देण्यात आली आहे.
Nokia G60 5G Price
सर्वप्रथम किंमत आणि सेल पाहता नोकिया जी60 5जी स्मार्टफोन सिंगल व्हेरिएंटमध्ये लाँच झाला आहे ज्यात 6 जीबी रॅमसह 128 जीबी इंटरनल स्टोरेज देण्यात आली आहे. या फोनची किंमत 29,999 रुपये आहे जो 8 नोव्हेंबर पासून Black आणि Ice कलरमध्ये सेलसाठी उपलब्ध होईल. Nokia G60 5G सह 3,599 रुपयांचे Nokia Wired Buds मोफत मिळतील. तसेच हा हँडसेटवर 2 वर्षांची वॉरंटी आणि 3 वर्षांचे ओएस अपडेट कंपनी देणार आहे. या फोनची प्री-बुकिंग आजपासून सुरु झाली आहे. हे देखील वाचा: Upcoming smartphones November 2022: वनप्लसच्या परवडणाऱ्या स्मार्टफोनसह ‘हे’ हँडसेट येत आहेत या महिन्यात, पाहा यादी
Nokia G60 5G Specifications
नोकिया जी60 5जी फोन 20:9 अॅस्पेक्ट रेशियोसह लाँच झाला आहे जो 1080 x 2400 पिक्सल रिजोल्यूशन असलेल्या 6.58 इंचाच्या फुलएचडी+ डिस्प्लेला सपोर्ट करतो. फोनची स्क्रीन एलसीडी पॅनलवर बनली आहे जी 120हर्ट्ज रिफ्रेश रेटला सपोर्ट करते तसेच 500निट्स ब्राइटनेसला सपोर्ट करते. फोन स्क्रीन कोर्निंग गोरिल्ला 5 नं प्रोटेक्ट करण्यात आली आहे. या फोनचे डायमेंशन 165.99×75.93×8.61एमएम आणि वजन 190 ग्राम आहे.
फोटोग्राफीसाठी Nokia G60 5G Phone ट्रिपल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह एफ/1.8 अपर्चर असलेला 50 मेगापिक्सलचा प्रायमरी सेन्सर देण्यात आला आहे जो 5 मेगापिक्सल अल्ट्रा वाइड अँगल लेन्स तसेच 2 मेगापिक्सल डेप्थ सेन्सरसह चालतो. फोनच्या फ्रंट पॅनलवर 8 मेगापिक्सलचा सेल्फी कॅमेरा आहे. हे देखील वाचा: OPPO A58 5G: येत आहे नवीन 5जी ओप्पो मोबाइल फोन, असे असतील स्पेसिफिकेशन्स
Nokia G60 5G क्वॉलकॉम स्नॅपड्रॅगन 695 चिपसेटवर चालतो. हा नोकिया मोबाइल इको फ्रेंडली मटेरियलपासून बनवण्यात आला आहे. कंपनीनं आपला हा फोन आयपी52 रेटिंगसह सादर केला आहे ज्यामुळे हा वॉटर व डस्ट रेजिस्टंट बनतो. सिक्योरिटीसाठी साइड माउंटेड फिंगरप्रिंट सेन्सर देण्यात आला आहे. पावर बॅकअपसाठी हा स्मार्टफोन 4,500एमएएच बॅटरीला सपोर्ट करतो जी 20वॉट फास्ट चार्जिंगला सपोर्ट करते.
लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.