Nothing Phone (2) संबंधित अलीकडेच कंपनीनं खुलासा केला होता की हा मोबाइल ‘समर 2023’ म्हणजे जून, जुलै किंवा ऑगस्ट महिन्यात लाँच होईल. तर आता हा आगामी नथिंग फोन चीनी बेंचमार्किंग साइट गीकबेंचवर लिस्ट झाला आहे. ही लिस्टिंग 16 मे ची आहे ज्यात नथिंग फोन (2) च्या अनेक महत्वाच्या स्पेसिफिकेशन्सची माहिती समोर आली आहे.
नथिंग फोन (2) गीकबेंच लिस्टिंग
- बेंचमार्किंग साइट गीकबेंचवर हा फोन Nothing A065 मॉडेल नंबरनं सर्टिफाइड झाला आहे.
- ह्याला सिंगल-कोरमध्ये 1253 बेंचमार्क स्कोर तर मल्टी-कोर मध्ये 3833 बेंचमार्क स्कोर मिळाला आहे.
- Nothing Phone (2) गीकबेंचवर अँड्रॉइड 13 ऑपरेटिंग सिस्टमसह दाखवण्यात आला आहे.
- गीकबेंचवर फोनच्या मदरबोर्ड सेक्शनमध्ये ‘taro’ लिहिण्यात आलं आहे जो क्वॉलकॉम स्नॅपड्रॅगन 8+ जेन1 चिपसेट दर्शवतो.
- मोबाइल फोनमध्ये ऑक्टा-कोर प्रोसेसर असल्याचा खुलासा देखील झाला आहे ज्याची बेस फ्रिक्वेंसी 1.8गीगाहर्ट्ज असेल.
- नथिंग फोन (2) चा प्रोसेसर 3.0गीगाहर्ट्ज पर्यंतच्या क्लॉक स्पीडवर चालू शकतो.
- बेंचमार्किंग साइटवर Nothing Phone (2) 12जीबी रॅमसह सर्टिफाइड झाला आहे.
नथिंग फोन (2) चे फीचर्स (संभाव्य)
- ट्रान्सपरंट बॉडी
- प्रीमियम डिजाईन
- ग्लिफ लाइट
- अलर्ट स्लायडर
Nothing Fold (2) एक प्रीमियम फोन असेल जो नथिंग फोन 1 पेक्षाही जास्त अ‍ॅडव्हान्स बनवला जात आहे. या फोनमध्ये पण ‘नथिंग’ ब्रँडची ओळख म्हणजे ट्रांसपेरेंट बॉडी मिळेल. मोबाइलमध्ये वापरण्यात आलेल्या ट्रान्सपरंट बॉडी एलिमेंटमुळे यातील हार्डवेयर पार्ट्स फोन बॉडीच्या बाहेरून पाहता येतात.
नथिंग फोन (2) च्या इंटरनल बॉडी मध्ये एलईडी स्ट्रिप्स फिट कारण्यासासाठी ह्यात ग्लिफ लाइटिंग फीचर दिलं जाऊ शकतं. ह्या वेगवेगळ्या रंगाच्या लाइट्स बाहेरून दिसत नाहीत परंतु कॉल किंवा नोटिफिकेशन आल्यावर चमकतात. ह्या फोनमध्ये वनप्लसच्या अलर्ट स्लाइडरप्रमाणे खास बटन देखील मिळू शकतो
नथिंग फोन (2) चे स्पेसिफिकेशन्स (लीक)
- 120Hz AMOLED display
- 12GB RAM + 256GB storage
- 5,000mAh battery
- Wireless Charging
गीकबेंच लिस्टिंगमध्ये समोर आलेल्या स्पेसिफिकेशन्स व्यतिरिक्त लीकमध्ये जी माहिती मिळाली आहे त्यानुसार, ह्या फोनमध्ये 12जीबी रॅमसह 256जीबी इंटरनल स्टोरेज दिली जाईल. तसेच फोनचा 8जीबी रॅम व्हेरिएंट देखील लाँच होऊ शकतो. Nothing Phone (2) मध्ये 120हर्ट्ज रिफ्रेश रेट असलेला अ‍ॅमोलेड डिस्प्ले मिळू शकतो. तसेच पावर बॅकअपसाठी ह्यात 5,000एमएएच बॅटरी दिली जाऊ शकते जी वायरलेस चार्जिंगला सपोर्ट करतो शकते.
