2021 जेव्हा सुरु झाले तेव्हा सर्वांच्या लक्षात आले होते कि हे वर्ष 5G साठी ओळखले जाईल, पण 5जी सपोर्टेड फोन लोवर मिड बजेटमध्ये उपलब्ध होतील याची अपेक्षा नव्हती. टेक ब्रँड OPPO ने आज स्वस्त 5जी फोन सादर करत पुन्हा सिद्ध केले आहे. कंपनीने OPPO A74 5G फोन भारतात लाॅन्च केले आहे. आर्कषक लुक आणि शानदार स्पेसिफिकेशन्स असलेला हा 5जी फोन फक्त 17,990 रुपयांमध्ये बाजारात आला आहे, त्यामुळे हा भारतातील सर्वात स्वस्त 5जी स्मार्टफोन्सच्या यादीत सामील झाला आहे. (OPPO A74 5G phone launched in India price sale specifications offer)
लुक व डिजाईन
OPPO A74 5G फोन कंपनीने पंच होल डिस्प्ले डिजाईनवर सादर केला आहे ज्यात सेल्फी कॅमेरा असलेला होल स्क्रीनच्यावर डावीकडे देण्यात आला आहे. फोन डिस्प्लेच्या तीन कडा बेजल लेस आहेत तर खालच्या बाजूला बारीक चिन पार्ट देण्यात आला आहे. ओपो ए74 चा हा 5जी मॉडेल ट्रिपल रियर कॅमेऱ्याला सपोर्ट करतो. हा कॅमेरा सेटअप आयताकृती आहे ज्यात तीन कॅमेरा सेंसर डावीकडे वर्टिकली देण्यात आले आहेत तसेच डावीकडे लेंसची माहिती लिहिण्यात आली आहे.
बॅक पॅनलचा लुक प्रीमियम आहे, तिथे कोणताही सेंसर दिसत नाही. फोनच्या उजव्या पॅनलवर वाॅल्यूम राॅकर आहे तसेच डाव्या पॅनलवर फिंगरप्रिंट सेंसर इम्बेडेड पावर बटण देण्यात आला आहे. त्याचप्रमाणे फोनच्या लोवर पॅनलवर स्पीकरसह यूएसबी टाईप सी पोर्ट आहे. या फोनचे डायमेंशन 162.9×74.7×8.4एमएम आहे तर वजन 188 ग्राम आहे. ओपो ए74 5जी फोन Fluid Black आणि Fantastic Purple कलर वेरिएंटमध्ये विकत घेता येईल.
फीचर्स व स्पेसिफिकेशन्स
OPPO A74 5G कंपनीने 2400 X 1080 पिक्सल रेज्ल्यूशन असलेल्या 6.5 इंचाच्या फुलएचडी+ पंच-होल डिस्प्लेवर लाॅन्च केला गेला आहे. फोनची स्क्रीन 90हर्ट्ज रिफ्रेश रेट आणि 180हर्ट्ज टच सॅम्पलिंग रेटवर काम करते. ओपो ए74 5जी चा स्क्रीन-टू-बाॅडी रेशियो 90.5 टक्के आहे तर फोनचा डिस्प्ले 405पीपीआई, आणि 480निट्स ब्राइटनेस आणि 1500:1 काॅन्ट्रास्ट रेशियोला सपोर्ट करतो.
हे देखील वाचा : लो बजेट असलेला पावरफुल Poco M2 Reloaded भारतात लॉन्चसाठी तयार, किंमत असेल 10 हजारांपेक्षा कमी
ओपो ए74 5जी फोन अँड्रॉइडच्या लेटेस्ट ओएस अँड्रॉइड 11 वर लाॅन्च केला गेला आहे जो कलरओएस 11 सह चालतो. तसेच प्रोसेसिंगसाठी या फोनमध्ये 2.0गीगाहर्ट्ज क्लाॅक स्पीडवर चालणाऱ्या आक्टाकोर प्रोसेसरसह क्वाॅलकाॅमचा 480 चिपसेट देण्यात आला आहे जो 5जी बॅंडला सपोर्ट करतो. कंपनीच्या मते, हा चिपसेट 245 Mbps पर्यंतचा अपलोड स्पीड तसेच 2.1 Gbps पर्यंतचा डाउनलोड स्पीड देऊ शकतो. तसेच ग्राफिक्ससाठी हा फोन एड्रेनो 619 जीपीयूला सपोर्ट करतो.
फोटोग्राफी सेग्मेंट पाहता OPPO A74 5G च्या बॅक पॅनलवर तीन रियर कॅमेरा सेंसर देण्यात आले आहेत ज्यात प्राइमरी सेंसर 48 मेगापिक्सलचा आहे जो एफ/1.7 अपर्चरला सपोर्ट करतो. तसेच हा फोन एफ/2.4 अपर्चर असलेल्या 2 मेगापिक्सलच्या मॅक्रो लेंस आणि एफ/2.4 अपर्चर असलेल्या 2 मेगापिक्सलच्या मोनो लेंसला सपोर्ट करतो. सेल्फी आणि व्हिडीओ काॅलिंगसाठी ओपो ए74 5जी मध्ये एफ/2.0 अपर्चर असलेला 8 मेगापिक्सलचा फ्रंट कॅमेरा देण्यात आला आहे.
हे देखील वाचा : Moto G40 Fusion स्मार्टफोन Snapdragon 732G SoC आणि 6000mAh सह लॉन्च, जाणून घ्या किंमत आणि वैशिष्ट्ये
OPPO A74 5G एक डुअल सिम फोन आहे जो 5जी सोबतच 4जी एलटीईला पण सपोर्ट करतो. बेसिक कनेक्टिविटी फीचर्स सोबतच सिक्योरिटीसाठी फोनच्या साईड पॅनलवर फिंगरप्रिंट सेंसर इम्बेडेड पावर बटण देण्यात आला आहे. हा फोन फेस अनलाॅक फीचरला पण सपोर्ट करतो. पावर बॅकअपसाठी फोनमध्ये 5,000एमएएचची बॅटरी देण्यात आली आहे जी 18वाॅट फास्ट चार्जिंगला सपोर्ट करते.
