रियलमी लवकरच चीनमध्ये आपला Realme GT Neo 5 स्मार्टफोन सादर करू शकते, जो 240W फास्ट चार्जिंगला सपोर्ट करू शकतो. जीटी नियो 5 स्मार्टफोन एक प्रीमियम मॉडेल असू शकतो. दुसरीकडे कंपनी आपल्या बजेट फ्रेंडली स्मार्टफोन सीरिजमध्ये आणखी एक मॉडेल जोडण्याची तयारी देखील करत आहे, जो Realme 10T 5G नावानं लाँच केला जाऊ शकतो. अधिकृत माहिती आली नसली तरी हा मोबाइल फोन भारतीय सर्टिफिकेशन साइट BIS सह NBTC वेबसाइटवर लिस्ट झाला आहे.
Realme 10T 5G एनबीटीसी आणि बीआयएस सर्टिफिकेशन्स साइटवर Realme RMX3612 मॉडेल नंबरसह लिस्ट करण्यात आला आहे. विशेष म्हणजे या मॉडेल नंबरसह Realme 9i गेल्यावर्षी भारतात लाँच झाला होता. त्यामुळे असा अंदाज लावला जात आहे की रियलमी 10टी 5जी नावानं लाँच होणारा स्मार्टफोन रियलमी 9आयचा रीब्रँड व्हर्जन असू शकतो. तसेच सर्टिफिकेशन्सवरून स्पष्ट झालं आहे की रियलमी 10टी 5जी लवकरच भारतात येऊ शकतो. हे देखील वाचा: वनप्लसपेक्षा स्वस्त झाला Samsung Galaxy S22, जुना स्टॉक संपवण्यासाठी किंमतीत मोठी कपात
Realme 10T 5G चे संभाव्य स्पेसिफिकेशन्स
- 6.6″ FHD+ Display
- 6GB RAM + 128GB Storage
- MediaTek Dimensity 810
- 50 Triple Rear Camera
- 18W 5,000mAh Battery
रियलमी 10टी 5जी स्मार्टफोन रियलमी 9आयचा रीब्रँडेड व्हर्जन बनून मार्केटमध्ये येऊ शकतो त्यामुळे यांचे फीचर्स व स्पेसिफिकेशन्स एक सारखे असू शकतात. भारतात रियलमी 9आय 5जी स्मार्टफोन 2408 x 1080 पिक्सल रिजोल्यूशन असलेल्या 6.6 इंचाच्या फुलएचडी+ एलसीडी डिस्प्लेसह लाँच झाला आहे. जो 90हर्ट्ज रिफ्रेश रेट, 180हर्ट्ज टच सॅम्पलिंग रेट आणि 400निट्स ब्राइटनेसला सपोर्ट करतो. Realme 9i 5G अँड्रॉइड 12 वर लाँच करण्यात आला आहे जो रियलमी युआय 3.0 सह मिळून चालतो. या स्मार्टफोनमध्ये मीडियाटेकचा डिमेन्सिटी 810 5जी चिपसेट आणि माली-जी57 एमसी2 जीपीयू आहे.
फोटोग्राफीसाठी रियलमी 9आय 5जी फोनमध्ये ट्रिपल रियर कॅमेरा देण्यात आला आहे. फोनच्या बॅक पॅनलवर फ्लॅश लाईटसह एफ/1.8 अपर्चर असलेला 50 मेगापिक्सलचा प्रायमरी सेन्सर आहे. जोडीला रियर कॅमेरा सेटअपमध्ये 2 मेगापिक्सलची मॅक्रो लेन्स आणि 2 मेगापिक्सलचा डेप्थ सेन्सर मिळतो. फोनच्या फ्रंट पॅनलवर एफ/2.0 अपर्चर असलेला 8 मेगापिक्सलचा सेल्फी कॅमेरा मिळतो. हे देखील वाचा: विवोचा सर्वात शक्तिशाली स्मार्टफोन लाँच; Vivo X90 आणि Vivo X90 Pro येत आहेत भारतात
रियलमी 9आय 5जी एक ड्युअल सिम फोन आहे जो 4जी एलटीईवर देखील चालतो. 3.5एमएम जॅक व अन्य बेसिक कनेक्टिव्हिटी फीचर्ससह सिक्योरिटीसाठी यात साईड माउंटेड फिंगरप्रिंट सेन्सर देण्यात आला आहे. पावर बॅकअपसाठी हा मोबाइल फोन 18वॉट फास्ट चार्जिंग टेक्नॉलॉजीसह 5,000एमएएच बॅटरीला सपोर्ट करतो. Realme 9i 5G 4GB + 64GB व्हेरिएंटची किंमत 14,999 रुपये आणि 6GB + 128GB व्हेरिएंटची प्राइस 16,999 रुपये आहे.
