Realme C53 19 जुलैला भारतात लाँच होईल. रिपोर्ट्सनुसार ह्या मोबाइल फोन सोबतच कंपनी एक नवीन टॅबलेट डिवायस Realme Pad 2 नावाने सादर करणार आहे. दोन्ही डिवाइस एकाच दिवशी म्हणजे 19 जुलैला भारतीय बाजारात येतील आणि 26 जुलैपासून ह्यांची विक्री सुरु होईल. इंडिया लाँचपूर्वीच रियलमी पॅड 2 च्या फीचर्स, स्पेसिफिकेशन्स आणि डिजाईनची माहिती समोर आली आहे.
Realme Pad 2 लाँच डिटेल
रियलमी पॅड 2 19 जुलैला भारतात लाँच केला जाईल. हा टॅबलेट कंपनीच्या लो बजेट स्मार्टफोन रियलमी सी53 सह भारतीय बाजारात एंट्री करेल. हा रियलमी इव्हेंट 19 जुलैला दुपारी 12 वाजता सुरु होईल जो कंपनी ऑनलाइन माध्यमातून प्रक्षेपित करेल. Realme Pad 2 आणि Realme C53 इंडिया लाँच कंपनीच्या सर्व सोशल मीडिया प्लॅटफॉर्मसह अधिकृत वेबसाइट तसेच युट्युब चॅनेलवर लाइव्ह पाहता येईल.
Realme Pad 2 स्पेसिफिकेशन्स (लीक)
- स्क्रीन : रियलमी पॅड 2 बाबत कंपनीनं सांगितलं आहे की हा सेग्मेंटमधील पहिला टॅबलेट डिवायस असेल जो 120हर्ट्झ रिफ्रेश रेटला सपोर्ट करेल. ह्यात 2000 x 1200 पिक्सल रिजोल्यूशन असलेला 11.5 इंचाचा 2के एलसीडी डिस्प्ले मिळू शकतो.
- प्रोसेसर : लीक्सनुसार, Realme Pad 2 मीडियाटेक हीलियो जी99 ऑक्टाकोर प्रोसेसरसह लाँच केला जाऊ शकतो. ह्या टॅबलेटमध्ये अँड्रॉइड 13 ओएससह रियलमी युआय 4.0 दिला जाऊ शकतो.
- रॅम : रियलमी पॅड 2 बद्दल सांगण्यात आलं आहे की हा टॅबलेट 8जीबी रॅमसह लाँच होऊ शकतो. तसेच टॅबलेटमध्ये 128जीबी इंटरनल स्टोरेज मिळू शकते.
- कॅमेरा : फोटोग्राफीसाठी ह्या रियलमी टॅबलेटमध्ये 20 मेगापिक्सलचा रियर कॅमेरा सेन्सर मिळू शकतो. तसेच सेल्फी आणि व्हिडीओ कॉलिंगसाठी फोनमध्ये 8 मेगापिक्सलचा फ्रंट कॅमेरा दिला जाऊ शकतो.
- बॅटरी : पावर बॅकअपसाठी रियलमी पॅड 2 मध्ये 8,360एमएएचची दमदार बॅटरी दिली जाऊ शकते. मोठी बॅटरी वेगानं चार्ज करण्यासाठी 33वॉट फास्ट चार्जिंग टेक्नॉलॉजी मिळू शकते.
realme C53 स्पेसिफिकेशन्स (संभाव्य)
- स्क्रीन : रियलमी सी53 स्मार्टफोनमध्ये 6.74 इंचाचा वॉटरड्रॉप नॉच डिस्प्ले दिला जाऊ शकतो. ह्या स्क्रीनवर 90हर्ट्झ रिफ्रेश रेट, 180हर्ट्झ टच सॅम्पलिंग रेट आणि 560निट्स ब्राइटनेस सारखे फीचर्स देखील मिळू शकतात. ह्याची थिकनेस 7.49एमएम असू शकते.
- प्रोसेसर : हा रियलमी फोन अँड्रॉइड 13 आधारित रियलमी युआयवर लाँच होईल. ह्यात 1.82गीगाहर्ट्झ पर्यंतच्या क्लॉक स्पीड असलेला ऑक्टाकोर प्रोसेसर दिला जाऊ शकतो. फोनमध्ये मीडियाटेक चिपसेट मिळेल.
- रॅम : realme C53 कमीत कमी दोन मेमरी व्हेरिएंट्ससह भारतात लाँच होऊ शकतो. ह्यात 6जीबी रॅम दिला जाऊ शकतो, जोडीला 6जीबी वचुर्अल रॅम टेक्नॉलॉजी देखील मिळू शकते.
- रॅम : रियलमीचा नवीन मोबाइल फोन 108 मेगापिक्सलच्या कॅमेरा सेन्सरसह लाँच केला जाईल. फोनमध्ये ड्युअल रियर कॅमेरा सेटअप मिळेल जोडीला एलईडी फ्लॅश दिली जाईल. ही आर्टिफिशियल इंटेलिजेंस (AI) टेक्नॉलॉजीसह चालेल.
- बॅटरी : पावर बॅकअपसाठी रियलमी सी53 स्मार्टफोन 5,000एमएएच बॅटरीसह मार्केटमध्ये येऊ शकतो. मोठी मोठी बॅटरी वेगानं चार्ज करण्यासाठी 33वॉट फास्ट चार्जिंग टेक्नॉलॉजी मिळू शकते.
