Realme ब्रँडचे नाव त्या टेक कंपन्यांमध्ये येते ज्यांनी कमी काळात प्रसिद्धी मिळवली आहे. भारतात रियलमीची फॅन फॉलोइंग वेगाने वाढत आहे. Realme त्याच वेगाने आपली टेक्नॉलॉजी बदलत आहे आणि प्रोडक्ट्स एडवांस बनवत आहे. अलीकडेच भारतात Realme X2 Pro स्मार्टफोन लॉन्च केल्यानंतर आज कंपनीने अंर्तराष्ट्रीय मंचावर आपला पहिला 5G स्मार्टफोन पण सादर केला आहे. कंपनीने Realme X50 च्या रूपाने आपला पहिला 5जी फोन लॉन्च केला आहे. या फोनची एक मोठी खासियत अशी आहे कि Realme X50 ब्रँडचा पहिला डुअल पंच-होल डिस्प्ले असलेला स्मार्टफोन पण आहे.
लुक व डिजाईन
Realme X50 ब्रँडचा पहिला असा फोन आहे जो डुअल पंच-होल डिस्प्ले सह लॉन्च झाला आहे. फोनच्या फ्रंट पॅनल वर फुलव्यू बेजल लेस डिस्प्ले देण्यात आला आहे ज्याच्या वरच्या बाजूला डावीकडे दोन होल आहेत. यात फोनचा सेल्फी कॅमेरा आहे. रियलमी एक्स50 कंपनीने कर्व्ड ऐज डिजाईन सह बाजारात आणला आहे. फोनच्या बॅक पॅनल बद्दल बोलायचे तर त्यावर क्वॉड रियर कॅमेरा सेटअप आहे. हा कॅमेरा सेटअप पॅनलच्या वरच्या बाजूला डावीकडे वर्टिकल शेप मध्ये आहे. या सेटअप मध्ये सर्वात वर असलेली लेंस ‘येलो सर्कल’ मध्ये आहे. कॅमेरा सेटअपच्या उजवीकडे फ्लॅश लाईट आहे. Realme ने फोनच्या उजव्या पॅनल वर फिंगरप्रिंट बटण दिला आहे तसेच डिवाईसच्या लोवर पॅनल वर यूएसबी टाईप-सी पोर्ट आहे.
कॅमेऱ्याची कमाल
फोटोग्राफी सेग्मेंट बद्दल बोलायचे तर Realme X50 क्वॉड रियर कॅमेऱ्याला सपोर्ट करतो. फोनच्या बॅक पॅनल वर एफ/1.8 अपर्चर असलेला 64 मेगापिक्सलचा Samsung GW1 प्राइमरी सेंसर देण्यात आला आहे. त्याचबरोबर फोन मध्ये एफ/2.3 अपर्चर असलेली 8 मेगापिक्सलची अल्ट्रा वाइड अँगल लेंस, एफ/2.5 अपर्चर असलेला 2x झूम 12 मेगापिक्सल सेंसर तसेच एफ/2.4 अपर्चर असलेली 2 मेगापिक्सलची चौथी लेंस आहे. Realme X50 ब्रँडचा पहिला ऐसा फोन आहे जो डुअल सेल्फी कॅमेऱ्याला सपोर्ट करतो. फोनच्या फ्रंट पॅनल वरील पंच होल मध्ये एफ/2.0 अपर्चर असलेला 16 मेगापिक्सलचा प्राइमरी सेंसर आणि एफ/2.2 अपर्चर असलेली 8 मेगापिक्सलची वाइड अँगल लेंस देण्यात आली आहे.
Realme X50 5G
रियलमी एक्स50 5जी चे फीचर्स आणि स्पेसिफिकेशन्स पाहता हा स्मार्टफोन 20:9 आस्पेक्ट रेशियो असलेल्या 6.57 इंचाच्या फुलएचडी+ एलसीडी डिस्प्ले सह लॉन्च केला गेला आहे जो गोरिल्ला ग्लासने प्रोटेक्टेड आहे. हा डिस्प्ले 120Hz रिफ्रेश रेट वर विजुअल देईल. Realme X50 कंपनीने रियलमी यूआई आधारित एंडरॉयड 10 वर सादर केला आहे जो क्वॉलकॉमच्या Snapdragon 765G चिपसेट वर चालतो. क्वॉलकॉमचा हा चिपसेट डुअल मोड 5जी (SA/NSA) ला सपोर्ट करतो. या चिपसेटमुळे 5G कनेक्टिविटी असलेला स्मार्टफोन मीड रेंज मध्ये उपलब्ध झाला आहे.
Realme X50 कंपनीने कूलिंग सिस्टम टेक्नॉलॉजी सह बाजारात आणला आहे. हि कूलिंग सिस्टम खासकरून गेमिंगच्या चाहत्यांसाठी आहे, जी मोबाईल गेमिंग एक्सपीरियंस स्मूद, फास्ट आणि लॅग फ्री करेल. Realme X50 चीन मध्ये 3 वेरिएंट्स मध्ये लॉन्च केला गेला आहे. फोनचा बेस वेरिएंट 6 जीबी रॅम सह 256 जीबी स्टोरेजला सपोर्ट करतो तर दुसऱ्या वेरिएंट मध्ये 8 जीबी रॅम सह 128 जीबी मेमरी आणि सर्वात मोठ्या वेरिएंट मध्ये 12 जीबी रॅम सह 256 जीबी इंटरनल स्टोरेज देण्यात आली आहे. Realme X50 मध्ये पावर बॅकअपसाठी 30W VOOC 4.0 चार्जिंग टेक्नॉलॉजी असलेली 4,200एमएएच ची बॅटरी देण्यात आली आहे.
किंमत
8 जीबी रॅम + 128 जीबी स्टोरेज = 2499 युआन (जवळपास 25,500 रुपये )
6 जीबी रॅम + 256 जीबी स्टोरेज = 2699 युआन (जवळपास 27,500 रुपये )
12 जीबी रॅम + 256 जीबी स्टोरेज = 2999 युआन (जवळपास 30,500 रुपये )
