सॅमसंग बद्दल अलीकडेच बातमी आली होती की कंपनी टेक मंचावर आपल्या ‘ए’ सीरीजचा विस्तार करत नवीन मोबाइल फोन Samsung Galaxy A24 लाँच करणार आहे. आता या लो बजेट स्मार्टफोनवरील पडदा हटवत सॅमसंगनं हा ऑफिशियली सादर केला आहे. गॅलेक्सी ए24 सर्वप्रथम व्हिएतनाममध्ये सादर करण्यात आला आहे ज्याचे फीचर्स व स्पेसिफिकेशन्स तुम्ही पुढे वाचू शकता.
सॅमसंग गॅलेक्सी ए24 चे स्पेसिफिकेशन्स
- 6.5″ FHD+ Display
- Super AMOLED Panel
Samsung Galaxy A24 स्मार्टफोन 1080 x 2340 पिक्सल रिजोल्यूशन असलेल्या 6.5 इंचाच्या फुलएचडी+ डिस्प्लेला सपोर्ट करतो. ही फोन स्क्रीन सुपर अॅमोलेड पॅनलवर बनली आहे जिच्या तीन कडा बेजल लेस आहेत तर खालच्या बाजूला रुंद चिन पार्ट देण्यात आला आहे. डिस्प्लेच्या वरच्या बाजूला ‘यू’ शेप वॉटरड्रॉप नॉच आहे. ही फोन स्क्रीन 1000निट्स ब्राइटनेस, 16एम कलरला सपोर्ट करते.
- 8GB RAM + 128GB Memory
- 2.2GHz Octa-Core Processor
हा सॅमसंग फोन अँड्रॉइड ओएसवर लाँच झाला आहे जो वनयुआयसह चालतो. प्रोसेसिंगसाठी या मोबाइलमध्ये 2.2गीगाहर्ट्ज क्लॉक स्पीड असलेला ऑक्टाकोर प्रोसेसर देण्यात आला आहे. फोनमधील चिपसेटची माहिती अद्याप समोर आली नाही. Samsung Galaxy A24 8जीबी पर्यंतच्या रॅम आणि 128जीबी पर्यंतच्या स्टोरेजला सपोर्ट करतो. यात 1टीबी मायक्रोएसडी कार्डचा सपोर्ट मिळतो.
- 50MP Triple Rear Camera
- 13MP Selfie Camera
फोटोग्राफीसाठी Samsung Galaxy A24 ट्रिपल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह एफ/1.8 अपर्चर असलेला 50 मेगापिक्सलचा प्रायमरी सेन्सर देण्यात आला आहे जो एफ/2.2 अपर्चर असलेली 8 मेगापिक्सलची अल्ट्रा वाइड अँगल लेन्स आणि एफ/2.4 अपर्चर असलेल्या 8 मेगापिक्सलच्या मॅक्रो सेन्सरसह चालतो. तसेच फोनच्या फ्रंट पॅनलवर 13 मेगापिक्सलचा सेल्फी सेन्सर देण्यात आला आहे.
- 3.5mm Audio Jack
- 5,000mAh Battery
Samsung Galaxy A24 एक 4जी फोन आहे जो ड्युअल सिमला सपोर्ट करतो. या फोनमध्ये 3.5एमएम जॅकसह एनएफसी व अन्य बेसिक कनेक्टिव्हिटी फीचर्स देण्यात आले आहेत. सिक्योरिटीसाठी हा स्मार्टफोन साइड फिंगरप्रिंट सेन्सरला सपोर्ट करतो तर पावर बॅकअपसाठी या सॅमसंग फोनमध्ये 5,000एमएएचची बॅटरी देण्यात आली आहे.
सॅमसंग गॅलेक्सी ए24 व्हेरिएंट व प्राइस
Samsung Galaxy A24 व्हिएतनाममध्ये दोन मेमरी व्हेरिएंट्समध्ये सादर करण्यात आला आहे. फोनच्या बेस मॉडेलमध्ये 6जीबी रॅमसह 128जीबी स्टोरेज देण्यात आली आहे तर मोठा व्हेरिएंट 8जीबी रॅमसह 128जीबी स्टोरेजला सपोर्ट करतो. कंपनीनं अजूनही मोबाइलची किंमत सांगितली नाही.
