Samsung ने आपल्या दोन लो बजेट स्मार्टफोन Samsung Galaxy M01 आणि Samsung Galaxy M11 च्या किंमती कमी केल्या आहेत, त्यामुळे हे फोन्स आज पासूनच नवीन किंमतीत विक्रीसाठी उपलब्ध झाले आहेत. तसेच दुसरीकडे आपल्या फॅन्ससाठी सॅमसंगने ऑफलाईन मार्केट मधील आपल्या 6,000एमएएच बॅटरी आणि 64 मेगापिक्सल कॅमेरा असलेल्या पावरफुल फोन Samsung Galaxy M31s वर पण प्राइस कटची घोषणा केली आहे. सॅमसंगने या फोनची किंमत थेट 1,000 रुपयांनी कमी केली आहे.
सॅमसंग गॅलेक्सी एम31एस भारतात दोन वेरिएंट्स मध्ये लॉन्च केला होता, त्यातला फोनचा 6 जीबी रॅम + 128 जीबी स्टोरेज वेरिएंट ऑफलाईन मार्केट मध्ये 20,499 रुपये तर 8 जीबी रॅम + 128 जीबी स्टोरेज वेरिएंट 22,499 रुपयांमध्ये विक्रीसाठी उपलब्ध झाला होता. पण आता या फोनची किंमत 1,000 रुपयांनी कमी केल्यानंतर रिटेल स्टोर्स वर गॅलेक्सी एम31एस चा 6 जीबी रॅम वेरिएंट 19,499 रुपये तर 8 जीबी रॅम वेरिएंट 21,499 रुपयांमध्ये विकत घेता येईल.
Samsung Galaxy M31s
सॅमसंग गॅलेक्सी एम31एस कंपनीने 20:9 आस्पेक्ट रेशियो वर सादर केला आहे जो 2400 x 1080 पिक्सल रेज्ल्यूशन असलेल्या 6.4 इंचाच्या फुलएचडी+ सुपर एमोलेड डिस्प्लेला सपोर्ट करतो. फोनची स्क्रीन बेजल लेस आहे जिच्यात वरच्या बाजूला मधोमध पंच-होल देण्यात आला आहे. सॅमसंगने या स्क्रीनला इनफिनिटी ‘ओ’ डिस्प्लेचे नाव दिले आहे.
Samsung Galaxy M31s कंपनीने अँड्रॉइड 10 वर सादर केला आहे जो सॅमसंग वनयूआई वर चालतो. तसेच प्रोसेसिंगसाठी या फोन मध्ये आक्टाकोर प्रोसेसर सह सॅमसंगचा एक्सनॉस 9611 चिपसेट देण्यात आला आहे. सॅमसंग गॅलेक्सी एम31एस भारतात दोन रॅम वेरिएंट्स मध्ये लॉन्च केला गेला आहे ज्यातील बेस वेरिएंट 6 जीबी रॅमला सपोर्ट करतो तर दुसऱ्या वेरीएंट मध्ये 8 जीबी रॅम देण्यात आला आहे. दोन्ही वेरिएंट 128 जीबी इंटरनल स्टोरेजला सपोर्ट करतात.
फोटोग्राफी सेग्मेंट पाहता Samsung Galaxy M31s क्वॉड रियर कॅमेऱ्याला सपोर्ट करतो जो फोन बॅक पॅनल वर डावीकडे चौकोनी आकारात आहे. कॅमेरा सेटअप मध्ये 64 मेगापिक्सलचा प्राइमरी Sony IMX682 सेंसर देण्यात आला आहे ज्या सोबत 12 मेगापिक्सलची अल्ट्रा वाइड अँगल लेंस, 5 मेगापिक्सलचा डेफ्थ सेंसर आणि 5 मेगापिक्सलची मॅक्रो लेंस आहे. सेल्फी व वीडियो कॉलिंगसाठी हा फोन 32 मेगापिक्सलच्या फ्रंट कॅमेऱ्याला सपोर्ट करतो.
Samsung Galaxy M31s डुअल सिम फोन आहे जो 4जी वोएलटीई ला सपोर्ट करतो. बेसिक कनेक्टिविटी फीचर्स सोबतच सिक्योरिटीसाठी फोनच्या उजव्या पॅनल वर फिंगरप्रिंट सेंसर देण्यात आला आहे तसेच फोन फेस अनलॉक फीचर सह येतो. त्याचप्रमाणे पावर बॅकअपसाठी हा सॅमसंग फोन 25वॉट फास्ट चार्जिंग टेक्नॉलॉजी असलेल्या 6,000एमएएच च्या मोठ्या बॅटरीला सपोर्ट करतो.
सॅमसंग गॅलेक्सी एम31एस वीडियो
