Samsung Galaxy M51 भारतात गेल्या गुरुवारी लॉन्च केला गेला होता. दक्षिण कोरियन कंपनी Samsung चा हा स्मार्टफोन 7,000 एमएएच बॅटरी सह येतो जी याची सर्वात मोठी खासियत आहे. बॅटरीव्यतिरिक्त पण फोन मध्ये अनेक वैशिष्ट्ये आहेत, ज्यांच्या जीवावर गॅलेक्सी एम51 आपल्या प्राइस सेगमेंट मध्ये खूप मजबूत दावेदार बनतो. Samsung Galaxy M51 ला जुलै मध्ये लॉन्च करण्यात आलेल्या OnePlus Nord कडून चांगलीच टक्कर मिळणार आहे. आम्ही तुमच्या सुविधेसाठी OnePlus Nord आणि Samsung Galaxy M51 ची किंमत, फीचर्स आणि स्पेसिफिकेशनच्या आधारावर तुलना केली आहे. चला जाणून घेऊया कोणता फोन आहे वरचढ.
शानदार डिजाइन
सॅमसंग गॅलेक्सी एम51 इन्फिनिटी ‘ओ’ डिस्प्ले डिजाइन सह येतो जो 3डी प्लॅस्टिक बॅकला सपोर्ट करतो. डिवाइसचा फ्रंट पॅनल तिन्ही बाजू बेजल लेस आहेत तर खालच्या बाजूला बारीक चिन पार्ट दिसतो. स्क्रीनच्या वरच्या बाजूला मधोमध पंच-होल आहे. तसेच बॅक पॅनल वर उजवीकडे क्वॉड रियर कॅमेरा सेटअप देण्यात आला आहे जो चौकोनी आकाराचा आहे. उजव्या पॅनल वर वॉल्यूम रॉकर सह फिंगरप्रिंट सेंसर इम्बेडट पावर बटन देण्यात आला आहे.
वनप्लस नॉर्ड मध्ये फ्रंटला डुअल होल-पंच डिस्प्ले आहे. डिवाइसच्या मागे गोरिल्ला ग्लास प्रोटेक्शन मिळते. तसेच फोनच्या बॉटमला स्पीकर ग्रिल आणि टाइप-सी पोर्ट चार्जिंगसाठी देण्यात आली आहे. फोनच्या मागे वर्टिकल शेप क्वाड कॅमेरा सेटअप देण्यात आला आहे जो डावीकडे आहे. कॅमेरा सेटअप च्या बाजूला डुअल एलईडी फ्लॅश लाइट आणि मागे मधोमध वनप्लसचा लोगो आहे.
आकर्षक डिस्प्ले
Samsung Galaxy M51 कंपनीने 20:9 आस्पेक्ट रेशियो वर सादर केला आहे जो कोर्निंग गोरिल्ला ग्लास 3 ने प्रोटेक्टेड 1080 x 2340 पिक्सल रेज्ल्यूशन असलेल्या 6.7 इंचाच्या मोठ्या सुपर एमोलेड प्लस पंच-होल डिस्प्लेला सपोर्ट करतो. फोनची स्क्रीन 60 हर्ट्ज रिफ्रेश रेट वर चालते. इकडे OnePlus Nord मध्ये 6.44 इंचाचा फुल-एचडी+ (1,080×2,400 पिक्सल) फ्लूइड एमोलेड डिस्प्ले आहे जो 90 हर्ट्ज रिफ्रेश रेट सह येतो. डिस्प्ले वर कॉर्निंग गोरिल्ला ग्लास 5 चे प्रोटेक्शन आहे. तसेच दोन्ही फोन्स मध्ये 20:9 आस्पेक्ट रेशियो आहे. जर दोन्ही फोन्सच्या डिस्प्लेची तुलना केली तर 90Hz रिफ्रेश रेट सह वनप्लस नॉर्डचा डिस्प्ले चांगला आहे.
दमदार कॅमेरा
सॅमसंग गॅलेक्सी एम51 च्या बॅक पॅनल वर एलईडी फ्लॅश लाईट सह चार कॅमेरा सेंसर देण्यात आले आहेत. या सेटअप मध्ये एफ/1.8 अपर्चर असलेला 64 मेगापिक्सलचा प्राइमरी Sony IMX682 सेंसर आहे. त्याचबरोबर हा फोन 123डिग्री फिल्डव्यू क्षमतेसह एफ/2.2 अपर्चर असलेल्या 12 मेगापिक्सलच्या अल्ट्रा वाइड अँगल लेंस, एफ/2.4 अपर्चर असलेल्या 5 मेगापिक्सलच्या डेफ्थ सेंसर आणि तेवढाच अपर्चर असलेल्या 5 मेगापिक्सलच्या मॅक्रो लेंसला सपोर्ट करतो. फ्रंटला 32 मेगापिक्सलचा सेल्फी कॅमेरा सेंसर आहे जो आर्टिफिशियल इंटेलिजेंस टेक्नॉलॉजी असलेला Sony IMX616 सेंसर आहे.
वनप्लस नॉर्ड मध्ये एकूण 6 कॅमेरे देण्यात आले आहेत, त्यातले चार मागे आणि दोन फ्रंटला आहेत. डिवाइसच्या मागे डावीकडे क्वाड कॅमेरा सेटअप आहे. या सेटअप मध्ये Sony IMX586 सेंसर सह OIS फीचर असलेला 48 मेगापिक्सलचा प्राइमरी कॅमेरा आहे, ज्याचा अपर्चर f/1.75 आहे. तसेच फोन मध्ये अपर्चर f/2.25 सह 8 मेगापिक्सल अल्ट्रा-वाइड अँगल लेंस, अपर्चर f/2.24 सह 5 मेगापिक्सल डेप्थ सेंसर आणि एक अपर्चर f/2.24 सह 2 मेगापिक्सलची मॅक्रो लेंस देण्यात आली आहे. तसेच सेल्फी आणि वीडियो कॉलिंगसाठी फोनच्या फ्रंटला मध्ये डुअल कॅमेरा आहे. यातील पहिला कॅमेरा अपर्चर f/2.45 सह SonyIMX616 32 मेगापिक्सलचा आहे आणि दुसरा कॅमेरा अपर्चर f/2.45 सह 8 मेगापिक्सलचा सेंसर आहे.
हार्डवेयर
Samsung Galaxy M51 प्रोसेसिंगसाठी या फोन मध्ये 2.2गीगाहर्ट्ज क्लॉक स्पीड असलेल्या आक्टाकोर प्रोसेसर सह 8नॅनोमीटर फॅब्रीकेशन टेक्नॉलॉजी वर बनलेला क्वॉलकॉमचा स्नॅपड्रॅगॉन730जी चिपसेट देण्यात आला आहे. तर ग्राफिक्ससाठी हा फोन एड्रेनो 618 जीपीयू ला सपोर्ट करतो. तसेच OnePlus Nord 5G मध्ये प्रोसेसिंगसाठी 2.4गीगाहर्ट्ज क्लॉक स्पीड असलेल्या आक्टाकोर प्रोसेसर सह क्वालकॉमचा सर्वात पावरफुल चिपसेट स्नॅपड्रॅगॉन765जी आहे. तसेच ग्राफिक्ससाठी फोन एड्रेनो 620 जीपीयू ला सपोर्ट करतो.
बॅटरी
Samsung Galaxy M51 मध्ये 7,000एमएएच ची दमदार बॅटरी आहे जी 25वॉट फास्ट चार्जिंग टेक्नॉलॉजी सह येते. तसेच Galaxy M51 रिवर्स चार्जिंगला पण सपोर्ट करतो. पावर बॅकअपसाठी OnePlus Nord मध्ये 30W वॉट फास्ट चार्जिंग सपोर्ट असलेली 4115एमएएच ची पावरफुल बॅटरी देण्यात आली आहे. दोन्ही फोन्सच्या लोवर पॅनल वर यूएसबी टाईप-सी पोर्ट आहे ज्याच्या माध्यमातून फोन चार्ज केला जाऊ शकतो.
किंमत आणि उपलब्धता
Samsung Galaxy M51 च्या 6 जीबी रॅम + 128 जीबी स्टोरेज वेरिएंटची किंमत 24,999 रुपये तसेच 8 जीबी रॅम + 128 जीबी स्टोरेज वेरिएंटची किंमत 26,999 रुपये आहे. फोनची विक्री 18 सप्टेंबर पासून शॉपिंग साइट अमेझॉन इंडिया वर होईल. तर लॉन्च नंतर वनप्लस नॉर्डच्या 8GB+128GB आणि 12GB+256GB असलेल्या वेरीएंटची विक्री सुरु झाली आहे, पण 6GB+64GB असलेल्या वेरिएंटची विक्री 21 सप्टेंबर पासून केली जाईल. भारतात वनप्लस नॉर्ड ची किंमत 24,999 रुपयांपासून सुरु होते. हि किंमत फोनच्या 6 जीबी रॅम + 64 जीबी स्टोरेज वेरिएंटची आहे. OnePlus Nord चा 8 जीबी + 128 जीबी स्टोरेज वेरिएंट 27,999 रुपये आणि 12 जीबी + 256 जीबी स्टोरेज मॉडेल 29,999 रुपये मध्ये विकला जात आहे.
