सॅमसंग ने आॅफिशियल घोषणा केली आहे की कंपनी येत्या 11 ऑक्टोबरला एका ईवेंटचे आयोजन करणार आहे आणि या ईवेंट मध्ये गॅलेक्सी ए सीरीजचा नवीन स्मार्टफोन गॅलेक्सी ए9 प्रो लॉन्च होऊ शकतो. तसेच सॅमसंग आपल्या स्वस्त गॅलेक्सी जे सीरीज मध्ये पण दोन नवीन स्मार्टफोन गॅलेक्सी जे4 प्लस आणि गॅलेक्सी जे7 प्लस घेऊन येत आहे. गॅलेक्सी जे सीरीज चे हे दोन्ही स्मार्टफोन कंपनीच्या इंडियन वेबसाइट वर लिस्ट पण झाले आहेत. पण आता अशी बातमी येत आहे की हे दोन्ही फोन गॅलेक्सी जे सीरीज चे शेवटचे फोन असू शकतात. सॅमसंग आपली जे सीरीज बंद करू शकते आणि एक नवीन सीरीज ‘गॅलेक्सी एम’ नावाने आणू शकते.
सॅमसंग संबंधित ही बातमी विदेशी वेबसाइट ईटीन्यूज ने पब्लिश केली आहे. रिपोर्ट नुसार सॅमसंग आपल्या लो बजेट तसेच मीड बजेट सेग्मेंट मध्ये नवीन योजना बनवत आहे. मीड बजेट सेग्मेंट मजबूत करण्यासाठी गॅलेक्सी ए सीरीज ला अजून चांगले व एडवांस करत तिच्यात ताकदवान स्पेसिफिकेशन्स दिले जातील. तसेच लो बजेट सेग्मेंट मधील गॅलेक्सी जे सीरीज कंपनी बंद करून त्याजागी नवीन गॅलेक्सी एम सीरीज आणणार आहे.
सॅमसंग गॅलेक्सी एम सीरीज बद्दल बोलायचे झाले तर या सीरीज मध्ये येणारे स्मार्टफोन लो बजट मध्ये असतील ज्यांची अधिकतम किंमत 12,000 रुपयांपर्यंत असू शकते. सॅमसंग या सीरीज मध्ये कमी किंमतीत जास्त चांगले स्पेसिफिकेशन्स देण्याचा प्रयत्न करेन. रिपोर्ट मध्ये सांगण्यात आले आहे की सॅमसंग ची गॅलेक्सी आॅन सीरीज पण गॅलेक्सी एम सीरीज द्वारा रिप्लेस केली जाऊ शकते.
विशेष म्हणजे गॅलेक्सी आॅन स्मार्टफोन सीरीज सॅमसंग द्वारा मुख्यत: भारतीय आणि चीनी बाजारात विकली जाते. त्यामुळे गॅलेक्सी एम सीरीज मधील सर्वात जास्त स्मार्टफोन इंडियन मार्केट मध्ये लॉन्च होऊ शकतात. तसेच दुसरीकडे असे बोलले जात आहे की भारतात शाओमीच्या लो बजट स्मार्टफोन्स मुळे सॅमसंग ने आपली नंबर वन पॉजिशन गामावली आहे त्यामुळे गॅलेक्सी एम सीरीज ने कंपनी फक्त शाओमी ला टक्कर देणार नाही तर भारतीय टेक बाजारात आपला शेयर पण वाढवेल.
