मोबाइल निर्माता कंपनी Vivo सतत आपल्या Y-सीरीजचा विस्तार करत आहे. कंपनीनं गेल्याच महिन्यात सीरीजमध्ये Vivo Y35m आणि Vivo Y78 लाँच केले होते. तर आता Vivo Y27 5G चा लाँच देखील लवकरच होऊ शकतो. डिवाइस गीकबेंच वेबसाइटवर दिसला आहे. लिस्टिंगमध्ये फोनच्या स्पेसिफिकेशन आणि इतर माहितीचा खुलासा झाला आहे.
Vivo Y27 5G गीकबेंच लिस्टिंग
गीकबेंच लिस्टिंगनुसार विवोचा नवीन डिवाइस V2248 मॉडेल नंबरसह समोर आला आहे. फोनमध्ये ऑक्टा कोर Dimensity 6020 प्रोसेसर मिळेल असं सांगण्यात आलं आहे आहे. हा प्रोसेसर 2.2GHz क्लॉक स्पीडवर चालतो. जर ह्या प्रोसेसरसह कंपनीनं फोन लाँच केला तर परफॉर्मन्स चांगली मिळू शकते.
- गीकबेंच लिस्टिंगनुसार डिवाइसमध्ये 8GB रॅम सपोर्ट मिळू शकतो.
- ऑपरेटिंग सिस्टम पाहता डिवाइस अँड्रॉइड 13 बेस्ड असेल.
- विशेष म्हणजे गीकबेंच टेस्टिंगमध्ये स्मार्टफोनला सिंगल कोर टेस्टमध्ये 595 आणि मल्टीकोर टेस्टमध्ये 1770 स्कोर मिळाला आहे.
वरील माहिती व्यतिरिक्त सध्या इतर कोणतीही माहिती समोर आली नाही. परंतु ह्याआधी हा डिवाइस एनसीसी आणि ECC सह गुगल प्ले कंसोल सर्टिफिकेशनवर दिसला आहे. तसेच आणखी लीक्समध्ये फोनचे अनेक स्पेसिफिकेशन्स समोर आले आहेत ज्याची माहिती पुढे देण्यात आली आहे.
Vivo Y27 5G चे लीक स्पेसिफिकेशन्स
- डिस्प्ले : Vivo Y27 5G चा डिस्प्ले पाहता लीकनुसार ह्यात 6.64 इंचाचा एलसीडी एफएचडी प्लस डिस्प्ले मिळू शकतो. ज्यात 90hz रिफ्रेश रेट आणि हाय रिजॉल्यूशन मिळेल.
- प्रोसेसर : प्रोसेसर पाहता विवोचा हा डिवाइस गीकबेंचवर Dimensity 6020 प्रोसेसरसह दिसला आहे. म्हणजे फोनची लाँचिंग ह्या प्रोसेसरसह केली जाऊ शकते.
- स्टोरेज : डिवाइसमध्ये 8GB रॅम मिळेल असं सांगण्यात आलं आहे. परंतु कंपनी लाँचच्या वेळी आणखी मॉडेल सादर करू शकते. अद्याप इंटरनल स्टोरेज बाबत माहिती मिळाली नाही.
- कॅमेरा : कॅमेरा फीचर्स पाहता डिवाइस ड्युअल रियर कॅमेरा सेटअपसह येईल. ह्यात 50 मेगापिक्सलचा प्रायमरी कॅमेरा लेन्स आणि 2 मेगापिक्सलचा सेकंडरी कॅमेरा लेन्स दिली जाईल. तसेच, सेल्फी आणि व्हिडीओ कॉलिंगसाठी 16 मेगापिक्सलची फ्रंट कॅमेरा लेन्स मिळेल.
- बॅटरी : Vivo Y27 5G मध्ये 5000mAh बॅटरी आणि 44W फास्ट चार्जिंग सपोर्ट दिला जाईल.
- कनेक्टिव्हिटी : कनेक्टिव्हिटीसाठी डिवाइसमध्ये ड्युअल सिम 5G, 4G, ब्लूटूथ, वायफाय सारखे अनेक बेसिक फीचर्स मिळतील.
