काही दिवसांपूर्वी शाओमी च्या आगामी फ्लॅगशिप स्मार्टफोन मी 7 बद्दल बातमी आली होती की कंपनी हा स्मार्टफोन येणार्या 23 मे ला आपल्या होम बाजारात म्हणजे चीन मध्ये लॉन्च करेल. पण कंपनी ने मी 7 च्या डिजाईन आणि स्पेसिफिकेशन्स बद्दल माहिती दिलेली नाही परंतु लॉन्च च्या आधी आज शाओमी मी 7 चे काही लाईव फोटो इंटरनेट वर वायरल झाले आहेत. हे फोटो समोर आल्याने शाओमी च्या या शानदार फोन च्या लुक आणि डिजाईन ची माहिती मिळाली आहे सोबत मी 7 च्या स्पेसिफिकेशन ची पण माहिती मिळाली आहे.
शाओमी मी 7 चे हे लाईव फोटो चीनी माइक्रोब्लागिंग साइट वेईबो वर पोस्ट करण्यात आले आहेत. फोटो मध्ये शाओमी मी 7 चे दोन मॉडेल दाखविण्यात आले आहेत ज्यांच्या साईज मध्ये फरक आहे. फोन च्या बॅक पॅनल वर वर्टिकल आकाराचा डुअल रियर कॅमेरा दिसत आहे जो डावीकडे आहे, तसेच फोन मध्ये रियर फिंगरप्रिंट सेंसर पण आहे. मी 7 चा फ्रंट पॅनल पण अॅप्पल आयफोन 10 प्रमाणे बेजल लेस आहे तसेच वरच्या बाजूस नॉच देण्यात आला आहे. फोटो वरून समोर आले आहे की शाओमी मी 7 चा रियर पॅनल कर्व्ड असेल कोपरे राउंड असतील.
यातील एक फोटो मध्ये शाओमी मी 7 चा सेटिंग मेन्यू पण ओपन करून दाखविण्यात आला आहे, ज्यात फोन चे स्पेसिफिकेशन्स चीनी भाषेत लिहिण्यात आले आहेत. या सेटिंग मध्ये सांगण्यात आले आहे की हा फोन शाओमी च्या मीयूआई 9.8.5.2 वर आधारित असेल तसेच फोन मध्ये एंडरॉयड 8.1 ओरियो देण्यात आला आहे. फोटो मधील मी 7 च्या वेरिएंट मध्ये 6जीबी रॅम मेमरी आहे तसेच याची इंटरनल स्टोरेज 128जीबी आहे. शाओमी मी 7 चा हा वेरिएंट 2.8गीगाहर्ट्ज आॅक्टाकोर प्रोसेसर सह क्वालकॉम च्या स्नॅपड्रॅगन 845 चिपसेट वर चालतो.
शाओमी मी 7 च्या काही लीक्स बद्दल बोलायचे तर कंपनी या फोन चा एक वेरिएंट 8जीबी रॅम वर सादर करेल आणि या वेरिएंट मध्ये 256जीबी ची इंटरनल स्टोरेज देण्यात आली आहे. लीक नुसार फोन 6.01-इंचाच्या फुलएचडी+ डिसप्ले वर लॉन्च केला जाईल. फोन मध्ये 20-मेगापिक्सल + 12-मेगापिक्सल चा डुअल कॅमेरा सेटअप दिला जाऊ शकतो तसेच सेल्फी साठी यात 20-मेगापिक्सल चा फ्रंट कॅमेरा मिळेल. तर पावर बॅकअप साठी फोन मध्ये 3,500एमएएच ची बॅटरी मिळू शकते. पण शाओमी मी 7 च्या ठोस स्पेसिफिकेशन्स साठी कंपनी च्या अधिकृत माहितीची तसेच फोन लॉन्च ची वाट बघितली जात आहे.
