Xiaomi फॅन्ससाठी आजचा दिवस चांगला म्हणता येईल. कंपनीने एकीकडे कमी किंमतीत Redmi Note 9 स्मार्टफोन टेक मंचावर सादर केला आहे तर दुसरीकडे फ्लॅगशिप सेग्मेंट मध्ये अजून एक नोंदणी करत Mi Note 10 Lite पण बाजारात आणला आहे. मी नोट 10 सीरीजचा हा डिवाईस आर्कषक लुक सोबतच शानदार स्पेसिफिकेशन्सना सपोर्ट करतो. सध्या हा फोन यूरोपियन मार्केट मध्ये लॉन्च केला गेला आहे जो येत्या काही दिवसांत भारतात पण येऊ शकतो.
लुक व डिजाईन
Mi Note 10 Lite कंपनीने वॉटरड्रॉप नॉच डिस्प्ले वर लॉन्च केला आहे. फोनची स्क्रीन दोन्ही बाजूंनी बॅक पॅनलच्या दिशेने वळली आहे, स्क्रीनला कर्व्ड डिस्प्लेचे नाव देण्यात आला आहे. स्क्रीनच्या खाली खूप बारीक चिन पार्ट देण्यात आला आहे तर वरच्या बाजूला ‘यू’ शेप नॉच आहे. फोनच्या बॅक पॅनल वर क्वॉड रियर कॅमेरा सेटअप देण्यात आला आहे जो वर उजवीकडे आहे. हा कॅमेरा सेटअप चौकोनी आकाराचा आहे ज्यात डावीकडे चार कॅमेरा सेंसर वर्टिकल शेप मध्ये आहेत तसेच उजवीकडे फ्लॅश लाईट सह लेंसची माहिती लिहिण्यात आली आहे. शाओमी मी नोट 10 लाइटच्या लोवर पॅनल वर यूएसबी पोर्ट सोबतच स्पीकर आणि 3.5एमएम जॅक देण्यात आला आहे.
स्पेसिफिकेशन्स
Mi Note 10 Lite चे फीचर्स आणि स्पेसिफिकेशन्स पाहता हा फोन 19.5:9 आस्पेक्ट रेशियो वर सादर केला गेला आहे जो 2340 x 1080 पिक्सल रेज्ल्यूशन असलेल्या 6.47 इंचाच्या फुलएचडी+ 3डी कर्व्ड एमोलेड डिस्प्लेला सपोर्ट करतो. शाओमीने आपल्या फोनला फ्रंट आणि बॅक दोन्ही पॅनल्स वर 3डी कर्व्ड ग्लासची सुरक्षा दिली आहे. Xiaomi ने हा फोन एंडरॉयडच्या लेटेस्ट ओएस एंडरॉयड 10 वर सादर केला आहे जो मीयूआई 11 वर चालतो.
Xiaomi ने हा फोन दोन वेरिएंट्स मध्ये लॉन्च केला आहे. फोनचा बेस वेरिएंट 6 जीबी रॅम सह 64 जीबी इंटरनल स्टोरेजला सपोर्ट करतो तर दुसऱ्या वेरिएंट मध्ये 6 जीबी रॅम सोबतच 128 जीबी इंटरनल स्टोरेज देण्यात आली आहे. कंपनीने फोनचा 8जीबी रॅम वेरिएंट पण सादर केला आहे पण तो बाजारात येण्यास वेळ लागेल. तसेच प्रोसेसिंगसाठी Mi Note 10 Lite आक्टा-कोर प्रोसेसर सह 8एनएम टेक्नॉलॉजी असलेला क्वॉलकॉमच्या स्नॅपड्रॅगॉन 730जी चिपसेटला सपोर्ट करतो.
फोटोग्राफी सेग्मेंट पाहता Mi Note 10 Lite क्वॉड रियर कॅमेऱ्याला सपोर्ट करतो. फोनच्या बॅक पॅनल वर फ्लॅश लाईट सह एफ/1.89 अपर्चर असलेला 64 मेगापिक्सलचा प्राइमरी Sony IMX686 सेंसर देण्यात आला आहे. त्याचबरोबर हा फोन एफ/2.4 अपर्चर असलेल्या 8 मेगापिक्सलच्या अल्ट्रा वाइड अँगल लेंस, 2 मेगापिक्सलची मॅक्रो लेंस आणि तेवढाच अपर्चर असलेल्या 5 मेगापिक्सलच्या डेफ्थ सेंसरला सपोर्ट करतो. तसेच सेल्फी आणि वीडियो कॉलिंगसाठी या फोन मध्ये 16 मेगापिक्सलचा फ्रंट कॅमेरा आहे.
Xiaomi Mi Note 10 Lite रियल डुअल सिम फोन आहे जो 3.5एमएम जॅक आणि बेसिक कनेक्टिविटी फीचर्स सह येतो. सिक्योरिटीसाठी हा फोन कंपनीने इन-डिस्प्ले फिंगरप्रिंट टेक्नॉलॉजी सह बाजारात आणला आहे तर पावर बॅकअपसाठी हा फोन 30वॉट फास्ट चार्जिंग असलेल्या 5,260एमएएच च्या मोठ्या बॅटरीला सपोर्ट करतो. किंमत पाहता मी नोट 10 लाइटचा 6 जीबी रॅम + 64 जीबी स्टोरेज वेरिएंट 349 यूरो (जवळपास 28,000 रुपये) आणि 6 जीबी रॅम + 128 जीबी स्टोरेज वेरिएंट 399 यूरो (जवळपास 32,500 रुपये) मध्ये लॉन्च केला गेला आहे.
