Xiaomi आपल्या स्वस्त आणि मस्त स्मार्टफोन्ससाठी ओळखली जाते, कंपनीच्या नंबर सीरिजमध्ये सर्वात स्वस्त स्मार्टफोन सादर केले जातात. आता काही दिवसांपूर्वी Xiaomi नं घोषणा केली होती की कंपनी येत्या 6 सप्टेंबरला भारतात एका इव्हेंटचं आयोजन करणार आहे ज्याच्या मंचावरून Redmi 11 Prime 5G Phone भारतात लाँच केला जाईल. तसेच आज शाओमीनं अजून एक मोठी घोषणा करत खुलासा केला आहे की रेडमी 11 प्राइम 5जी सोबतच 6 सप्टेंबरला Redmi 11 Prime 4G Phone देखील भारतात लाँच होईल.
Redmi 11 Prime India Launch
6 सप्टेंबरला शाओमी सब-ब्रँड रेडमी आपल्या नंबर सीरीजचा नवीन मोबाइल फोन भारतात सादर करेल. याआधी फक्त 5G स्मार्टफोन सादर केला जाईल अशी बातमी आली होती. परंतु या लाँच इव्हेंटच्या मंचावरून Redmi 11 Prime 5G आणि Redmi 11 Prime 4G भारतात लाँच केले जातील. कंपनीनं या दोन्ही मोबाइल फोन्सचे प्रोडक्ट पेज लाइव्ह केले आहेत, ज्यात फोटोजसह अनेक महत्वाच्या स्पेसिफिकेशन्सची माहिती देण्यात आली आहे. रेडमी 11 प्राइम 5जी तर रेडमी 11 प्राइम 4जी ची किंमत मात्र 6 सप्टेंबरलाच जाहीर केली जाईल. हे देखील वाचा: पटकन संपतेय तुमच्या अँड्रॉइड फोनची बॅटरी? काही स्टेप्समध्ये चेक करा फोनची बॅटरी हेल्थ
Redmi 11 Prime 4G चे स्पेसिफिकेशन्स
रेडमी 11 प्राइम 4जी फोन 6नॅनोमीटर फॅब्रिकेशनवर बनलेल्या MediaTek Helio G99 चिपसेटवर लाँच केला जाईल. प्रोसेसिंगसाठी या फोनमध्ये 2.2गीगाहर्ट्ज क्लॉक स्पीड असलेला ऑक्टाकोर प्रोसेसर मिळेल. फोटोग्राफीसाठी हा स्मार्टफोन ट्रिपल रियर कॅमेऱ्याला सपोर्ट करेल ज्यात प्रायमरी सेन्सर 50 मेगापिक्सलचा असेल.
Redmi 11 Prime 4G च्या स्क्रीन साईजची माहिती मिळाली नाही परंतु या स्मार्टफोनचा डिस्प्ले 90हर्ट्ज रिफ्रेश रेटवर चालेल, हे समजले आहे. पावर बॅकअपसाठी या मोबाइल फोनमध्ये 5,000एमएएच बॅटरी असल्याचा उल्लेख आहे जी फास्ट चार्जिंग टेक्नॉलॉजीसह बाजारात येईल.
Redmi 11 Prime 5G चे स्पेसिफिकेशन्स
Redmi 11 Prime 5G चे स्पेसिफिकेशन्स पाहता शाओमीनं खुलासा केला आहे की हा स्मार्टफोन मीडियाटेक डिमेनसिटी 700 चिपसेटवर लाँच केला जाईल. फोनमध्ये दोन सिम मिळतील तसेच दोन्ही स्लॉटमध्ये 5जी सिम वापरता येतील. फोटोग्राफीसाठी हा मोबाइल फोन 50 मेगापिक्सल रियर कॅमेरा सेन्सरला सपोर्ट करेल. तर पावर बॅकअपसाठी 5,000एमएएचची बॅटरी दिली जाईल. हे देखील वाचा: काळजी न घेतल्यास तुमच्यावरही येऊ शकते ही वेळ; …म्हणून व्हॉट्सअॅपनं बॅन केलं 23 लाख भारतीयांना
रेडमी 11 प्राइम 5जी फोनच्या डिस्प्ले तसेच अन्य कॅमेरा सेन्सर्सची माहिती मात्र अजूनही गुलदस्त्यात आहे. परंतु हा रेडमी मोबाइल दोन पेक्षा जास्त रॅम व्हेरिएंट्ससह बाजारात येईल, अशी अपेक्षा आहे. Redmi 11 Prime 5G तसेच 4G च्या प्राइस व फुल स्पेसिफिकेशन्सची माहिती मिळताच वाचकांपर्यंत पोहोचवण्यात येईल.
