Xiaomi च्या सब ब्रँड रेडमीची नोट सीरिज खूप लोकप्रिय आहे, बजेटमध्ये दमदार स्पेसिफिकेशन्स देण्यासाठी ही सीरिज ओळखली जाते. आता कंपनी लवकरच आपली रेडमी नोट 12 सीरीज (Redmi Note 12 Series) सादर करणार आहे. या स्मार्टफोन सीरीज अंतगर्त Redmi Note 12, Redmi Note 12 Pro आणि Redmi Note 12 Pro Max लाँच केले जातील अशी चर्चा आहे. शाओमीनं मात्र या स्मार्टफोन्सच्या लाँच बद्दल कोणतीही अधिकृत माहिती दिली नाही परंतु फोन बाजारात येण्याआधीच रेडमी नोट 12 चे स्पेसिफिकेशन्स लीक झाले आहेत. पुढे आम्ही Xiaomi Redmi Note 12 स्मार्टफोन कोणत्या फीचर्स व स्पेसिफिकेशन्ससह बाजारात येईल याची माहिती दिली आहे.
Xiaomi Redmi Note 12
शाओमी रेडमी नोट 12 बद्दल अनेक लीक्स समोर आले आहेत. अलीकडेच चीनी मायक्रोब्लागिंग साइट वेईबोवर हा आगामी रेडमी फोन स्पॉट करण्यात आला आहे जिथे अनेक महत्वाचे स्पेसिफिकेशन्सची माहिती मिळाली आहे. Xiaomi Redmi Note 12 बद्दल समजलं आहे की हा स्मार्टफोन मीडियाटेक डिमेन्सिटी 1080 चिपसेट (MediaTek Dimensity 1080) वर लाँच केला जाईल. या चिपसेटची तुलना टक्कर क्वॉलकॉम स्नॅपड्रॅगन 778जी (Qualcomm Snapdragon 778G) चिपसेटशी केली जात आहे. हे देखील वाचा: रेडमी-रियलमीला नोकियाचा दणका! अत्यंत कमी किंमतीत 8 इंचाचा Nokia T10 LTE टॅबलेट
Redmi Note 12 मध्ये डिमेन्सिटी 1080 चिपसेट सोबतच 2.6गीगाहर्ट्ज क्लॉक स्पीड असलेला ऑक्टा-कोर प्रोसेसर मिळू शकतो जो कोर्टेक्स ए78 कोरवर चालतो. हा रेडमी मोबाइल लेटेस्ट अँड्रॉइड 13 वर लाँच केला जाऊ शकतो जो मीयुआय 13 वर काम करेल. फोटोग्राफीसाठी रेडमी नोट 12 मध्ये ड्युअल रियर कॅमेरा दिला जाऊ शकतो ज्यात 50 मेगापिक्सल प्रायमरी अल्ट्रा वाइड अँगल लेन्ससह 2 मेगापिक्सल मॅक्रो सेन्सरचा समावेश असू शकतो.
Redmi Note 11 Price
भारतात सध्या रेडमी नोट 11 स्मार्टफोन तीन व्हेरिएंट्समध्ये विकत घेता येईल. रेडमी नोट 11 चा बेस व्हेरिएंट 4 जीबी रॅमसह 64 जीबी स्टोरेजला सपोर्ट करतो ज्याची किंमत 11,999 रुपये आहे. रेडमी नोट 11 चा 6 जीबी रॅम + 64 जीबी स्टोरेज व्हेरिएंट 13,999 रुपयांमध्ये विकत घेता येईल तर सर्वात मोठा व्हेरिएंट 6GB RAM + 128GB Storage Redmi Note 11 Price 15,499 रुपये आहे. हा फोन Horizon Blue, Space Black आणि Starburst White कलरमध्ये विकत घेता येईल. हे देखील वाचा: 521KM च्या अवाढव्य रेंजसह BYD Atto 3 Electric SUV ची भारतात एंट्री; युनिट्स संपण्याआधीच करा बुक
लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.
