Amazon Prime Video Plan: देशातील लोकप्रिय OTT Platform पैकी एक Amazon Prime Video नं आपल्या ग्राहकांना खुश करत एक नवीन व स्वस्त प्लॅन सादर केला आहे. ई-कॉमर्स कंपनी अ‍ॅमेझॉनच्या व्हिडीओ कंटेंट प्रोव्हायडर कंपनी प्राइम व्हिडीओनं मोबाइलवर प्राइम व्हिडीओ कंटेंट बघणाऱ्या सब्सक्राइबर्ससाठी नवीन वार्षिक सर्वात स्वस्त सब्सक्रिप्शन प्लॅन लाँच केला आहे. या प्लॅनची प्राइस 599 रुपये आहे आणि हा एकदा रिचार्ज केल्यास वर्षभर अ‍ॅमेझॉन प्राइम अ‍ॅक्सेस प्रोवाइड करेल. अ‍ॅमेझॉनचं प्राइमचं मोबाइल एडिशन आल्यामुळे नेटफ्लिक्स, वूट आणि डिज्नी + हॉटस्टार सारख्या स्ट्रीमिंग सर्व्हिसेसचा टक्कर मिळणं साहजिक आहे.
स्मार्टफोनवर बघता येतील मूव्ही
अ‍ॅमेझॉनच्या नवीन 599 रुपयांच्या मोबाइल ऑनली प्राइम व्हिडीओ सब्सक्रिप्शनचा आनंद फक्त स्मार्टफोनवरच घेता येईल. युजर्स टीव्ही आणि लॅपटॉपवर या प्लॅनसह लॉग इन करू शकणार नाहीत. तसेच या प्लॅनमध्ये ओटीटीवर येणाऱ्या आणि जुन्या चित्रपट, अ‍ॅमेझॉन ओरिजनल, लाइव्ह क्रिकेट आणि इत्यादींचा अ‍ॅक्सेस मिळेल.
प्राइम व्हिडीओ मोबाइल सब्सक्रिप्शन प्लॅनसह ग्राहकांना स्टॅंडर्ड डेफिनेशन म्हणजे SD क्वॉलिटीमध्ये व्हिडीओ स्ट्रीमिंग करता येईल. याचा अर्थ थेट फक्त 480p क्वॉलिटी पर्यंतचा व्हिडीओ बघता येईल. तसेच या प्लॅनसह Ad देखील दिसतील. हे देखील वाचा: 108MP कॅमेऱ्याने काढता येतील डीटेल्ड फोटो; लाँच पूर्वीच Realme 10 Pro+ 5G चे स्पेसिफिकेशन्स लीक
अ‍ॅमेझॉन प्राइम Monthly प्लान
मंथली अ‍ॅमेझॉन प्राइम प्लॅनची किंमत आता 179 रुपये आहे. या प्लॅनमध्ये मोफत एक किंवा दोन दिवसांची डिलिव्हरी, अ‍ॅमेझॉन प्राइम वीडियो, प्राइम म्यूजिक, खास डिस्काउंट आणि खूप काही मिळते. हे देखील वाचा: वॉटर प्रूफ बॅटरीसह आल्या हिरोच्या 2 नव्या इलेक्ट्रिक सायकल; किंमत देखील परवडणारी
अ‍ॅमेझॉन प्राइम Quarterly प्लान
अ‍ॅमेझॉन प्राइम मेंबरशिप Quarterly सब्सक्रिप्शन फॉर्मेटमध्ये देखील उपलब्ध आहे. जास्त पैसे देऊन दीर्घ वैधता मिळवता येते. या प्लॅनची किंमत 459 रुपये आहे. या प्लॅनमध्ये अन्य प्राइम मेंबरशिप प्रमाणे तुम्चाळ प्राइम वीडियो, प्राइम म्युजिक आणि प्राइमसह खास डिस्काउंट दिला जाईल.
Amazon Prime Yearly Plan
Mobile Only Yearly Plan व्यतिरिक्त प्राइमकडे एक आणखी एक Yearly plan आहे, ज्याच्या माध्यमातून ग्राहक टीव्ही आणि लॅपटॉपवर कंटेंट अ‍ॅक्सेस करू शकतात. या प्लॅनची किंमत 1,499 रुपये आहे. या प्लॅनमध्ये ई-कॉमर्स साइट कडून फास्ट आणि मोफत डिलिव्हरी, म्यूजिक आणि व्हिडीओ स्ट्रीमिंगचा लाभ मिळतो.
लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.
