Twitter ला Elon Musk नं खरेदी केल्यानंतरपासून हा सोशल मीडिया प्लॅटफॉर्म सतत चर्चेत येत आहे. मस्क यांच्या नेतृत्वाखाली वारंवार ट्विटर कर्मचाऱ्यांमध्ये कपात केली जात आहे आणि त्यांना नोकरीवरून काढून टाकलं जात आहे. दरम्यान Twitter नं भारतात देखील मोठी कारवाई केली आहे. एलॉन मस्क यांच्या नेतृत्वाखाली ट्विटरनं भारतात आपल्या 90 टक्के कर्मचाऱ्यांना नोकरीवरून काढून टाकलं आहे. Elon Musk यांच्या आदेशावरून ट्विटर इंडिया ऑफिसमधून जवळपास 90% कर्मचाऱ्यांची हकालपट्टी करण्यात आली आहे आणि सर्वांची नोकरी गेली आहे.
ट्विटर इंडियामध्ये झाली कपात
Elon Musk यांनी Twitter च्या इंडिया ऑफिसमध्ये जवळपास 90 टक्के कर्मचाऱ्यांची कपात केली आहे. रिपोर्टनुसार, कंपनीच्या भारतीय ऑफिसमध्ये 200 च्या आसपास कर्मचारी होते ज्यातील आता फक्त 10-12 कर्मचारी उरले आहेत. म्हणजे ट्विटरनं जवळपास 180 ट्विटर कर्मचाऱ्यांची हकालपट्टी केली आहे. याआधी बातमी आली होती की ट्विटर भारतात 50 टक्के कर्मचारी काढून टाकेल. परंतु आता कंपनीनं 90 टक्के कर्मचाऱ्यांना नोकरीवरून काढले आहे. हे देखील वाचा: शक्तिशाली प्रोसेसर अत्यंत कमी किंमतीत; वनप्लसला धोबीपछाड देण्यासाठी येतेय Redmi K60 Series
Elon Musk यांनी Twitter का विकत घेतल्यापासून संपूर्ण जगभरात कर्मचारी कमी केले जात आहे. Parag Agrawal, Ned Segal आणि Vijaya Gadde याना बाहेरचा रस्ता दाखवल्यानंतर इलॉन मस्क प्रत्येक देशातील ट्विटर ऑफिसमध्ये लोकांच्या नोकऱ्या घालवत आहे. अनेक रिपोर्ट्स असे देखील येत आहेत, ज्यानुसार इलॉन मस्क यांनी ट्विटरमधून काढून टाकलेले काही कर्मचारी पुन्हा बोलावेल आहेत. त्या कर्मचाऱ्यांना मस्क यांनी म्हटलं आहे की त्यांनी चुकून नोकरीवरून काढून टाकण्यात आलं होतं.
Twitter जॉब
रिपोर्टनुसार Twitter नं काढलेल्या कर्मचाऱ्यांमध्ये मोठ्याप्रमाणावर प्रोडक्ट आणि इंजीनियरिंग डिपार्टमेंटचे लोक आहेत. या दोन्ही विभागांचे जवळपास 70 टक्के कर्मचारी आहेत. तसेच मार्केटिंग, पब्लिक पॉलिसी आणि कॉर्पोरेट कम्युनिकेशन जैसे डिपार्टमेंट्सवरून देखील लोकांना हाकलण्यात आलं आहे.
जगभरात जवळपास 3700 ट्विटर कर्मचारी होते जे आता खूप कमी झाले आहेत. भारतात दिल्ली, मुंबई आणि बेंगळुरूमधील ट्विटर ऑफिसमधून कर्मचारी काढले जात आहेत. हे देखील वाचा: Jio 5G vs Airtel 5G: जियो की एयरटेल? कोणाचं 5G आहे वेगवान? स्पीड टेस्टचे रिझल्ट आले समोर
ब्लु टिकसाठी द्यावे लागणार पैसे
इलॉन मस्क यांनी ट्विटर विकत घेताच मोठे निर्णय घेण्यास सुरुवात केली. ब्लू टिक युजर्सना प्रत्येक महिन्याला 8 डॉलर द्यावे लागणार असल्याची घोषणा केली होती, आता या निर्णयाची अंबलबजावणी करण्यास काही देशांमध्ये सुरुवात देखील झाली आहे. ट्विटरनं 8 डॉलर रुपयांत ब्लू टिक व्हेरिफिकेशन सेवा सुरू केली. ही सेवा सध्या आयफोनसाठी उपलब्ध असून, अमेरिका, कॅनडा, ऑस्ट्रेलिया, न्यूझीलंड आणि ब्रिटन या देशांमध्ये सध्या हा निर्णय लागू करण्यात आला आहे.
लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.
