तुम्हाला लक्षात असेल 5 सप्टेंबर 2016 चा दिवस जेव्हा मुकेश अंबानी यांनी आपली कंपनी Reliance Jio ने भारतात आपली सर्विस सुरवात केली होती. कंपनीने सुरवातीला वेलकम ऑफर अंतर्गत 3 महीने सर्व सेवा मोफत दिल्या होत्या. त्यानंतर हॅपी न्यू ईयर ऑफरच्या नावाने पुन्हा 3 महिन्यांसाठी सेवा मोफत दिल्या होत्या. अशाप्रकारे एकूण सहा महिन्यांसाठी जियोची सेवा मोफत मिळाली आणि जेव्हा कंपनीने शुल्क घेतले तेव्हा खूप कमी होते. इतके कमी कि कोणी विचार केला नव्हता. त्याचप्रमाणे जेव्हा कंपनीने 2017 मध्ये जियोच्या नवीन ब्रॉडबॅंड सर्विस बद्दल सांगितले होते तेव्हा पण लोकांना अशीच अपेक्षा होती. दोन वर्षांच्या ट्रायल नंतर आता मुकेश अंबानी यांनी Jio Broadband सर्विस Jio Fiber च्या अधिकृत लॉन्चची घोषणा केली आहे. आणि यावेळी पण कंपनीने इतिहासाची पुनरावृत्ती केली आहे. पण यावेळी डेटा किंवा सर्विस नाही तर 4K LED TV कंपनी मोफत देत आहे. त्यामुळे प्रत्येकाला जाणून घ्यायचं आहे कि कशाप्रकारे टीवी मोफत मिळेल. चला तर मग जाणून घेऊया मोफत टीवी बद्दल.
अशाप्रकारे मिळेल मोफत टीवी
मुकेश अंबानी यांनी काल आपल्या जियो फाइबर प्लान बद्दल सविस्तर सांगितले. त्यांनी सांगितले कि 5 सप्टेंबर पासून जियो फाइबर सर्विस अधिकृतपणे लॉन्च केली जाईल आणि भारतीय यूजर या ब्रॉडबॅंड सर्विसचा लाभ घेऊ शकतील.
कंपनी आपल्या जियो फाइबर ब्रॉडबॅंड सर्विस अंतर्गत 100 एमबीपीएस पासून 1 जीबीपीएस पर्यंतचे प्लान सादर करेल ज्यासाठी 700 रुपयांपासून 10,000 रुपयांपर्यंतचे मासिक शुल्क असेल. यात अनेक प्लान असतील पण अजूनतरी याची सविस्तर माहिती मिळाली नाही. 5 सप्टेंबरला संपूर्ण माहिती समोर येईल.
मोफत टीवी बद्दल बोलायचे तर कंपनी ने जियो मोबाईल सर्विस प्रमाणे आपल्या फाइबर सर्विस साठी वेलकम ऑफर सादर केली आहे. या ऑफर अंतर्गत जियो फोरएवर ऍन्युल प्लॅन्स कंपनीने लॉन्च केले आहेत आणि हा प्लान घेणाऱ्या लोकांना मोफत एलईडी टीवी दिली जाईल. अर्थात जर तुम्ही प्लानचे सबस्क्रिप्शन एका वर्षासाठी घेतले तर तुम्हाला टीवी मिळेल. अधिक माहिती तुम्ही इथून घेऊ शकता.
लॉन्चच्या वेळी कंपनीने माहिती दिली आहे कि यूजर्सना एचडी पासून 4के एलईडी टीवी मोफत दिली जाईल. कोणत्या प्लॅन्स मध्ये टीवी उपलब्द होईल आणि कोणत्या प्लान मध्ये किती इंचाचा टीवी दिला जाईल हे सर्व 5 सप्टेंबर पर्यंत स्पष्ट होईल.
जियो ने वर्ष 2017 मधेच जियोच्या फिक्सड लाइन ब्रॉडबॅंड सर्विसची सुरुवातकेली होती पण आता हि अधिकृतपणे लॉन्च करण्यात आली आहे. या सर्विस मध्ये तुम्हाला फिक्सड लाइन टेलीफोन सर्विस मिळेल. ज्या अंतर्गत टीवी व्यतिरिक्त तुम्हाला मोफत सेट टॉप बॉक्स आणि अनेक ओटीवी सेवा मिळतील. ज्यात तुम्ही इंटरनेट सोबत मोफत लाइव टीवी, मूवी आणि सीरियल बघू शकला. एकेच नव्हे तर नॅशनल कॉलिंग मोफत असेल.
