Apple iPhone 14 Event: Apple Fans साठी उद्याचा दिवस खूप मोठा आहे. दिग्गज टेक कंपनी अ‍ॅप्पल उद्या आपल्या iPhone 14 Series वरील पडदा उठवणार आहे, ज्यात iPhone 14, iPhone 14 Pro, iPhone 14 Plus आणि iPhone 14 Pro Max लाँच होऊ शकतात. आयफोन 14 सीरीजमधून बऱ्याच कालावधीनंतर अ‍ॅप्पल आपल्या iPhones च्या डिजाईनमध्ये बदल करणार आहे. हा Apple Event निश्चितपणे मोबाइल इंडस्ट्रीमधील सर्वात मोठा टेक इव्हेंट बनणार आहे त्यामुळे कंपनीनं याला Far Out Event असं नाव दिलं आहे.
iPhone User असो किंवा Android यूजर सर्व टेक प्रेमी उद्या आयोजित होणाऱ्या अ‍ॅप्पल इव्हेंटसाठी उत्सुक आहेत. हा iPhone 14 Series Launch Event उद्या म्हणजे 7 सप्टेंबरला Apple Park, Cupertino मध्ये होईल ज्याचे थेट प्रक्षेपण जगभरात केलं जाईल. भारतीय वेळेनुसार आयफोन 14 सीरीज लाँच इव्हेंट रात्री 10 वाजून 30 मिनिटांनी सुरु होईल. हा मोठा इव्हेंट अ‍ॅप्पल ऑफिशियल साइट सोबतच कंपनीच्या युट्युब चॅनेल, सोशल मीडिया प्लॅटफॉर्म तसेच पुढे दलेल्या व्हिडीओ लिंकव्हर लाइव्ह बघता येईल. हे देखील वाचा: दुबईप्रमाणे भारतात देखील स्वस्तात मिळणार iPhone 14 Pro Max; चीनच्या ऐवजी भारतात होणार निर्मिती
Apple iPhone 14 Event
अ‍ॅप्पलनं अजूनतरी 7 सप्टेंबरला अ‍ॅप्पल इव्हेंटमधून लाँच होणाऱ्या डिवायसची कोणतीही माहिती दिली नाही. परंतु या ‘फार आउट’ इव्हेंटमध्ये एकूण 4 आयफोन सादर होतील ज्यात Apple iPhone 14, Apple iPhone 14 Pro, Apple iPhone 14 Pro Max सह Apple iPhone 14 Max किंवा Apple iPhone 14 Plus मोबाइलचा समावेश असेल, अशी चर्चा आहे. तसेच कंपनी AirPods Pro 2 आणि Apple Watch Series 8 असे डिवाइस देखील लाँच करू शकते.
iPhone14 Series Price
आयफोन 14 सीरीजबद्दल अनेक प्रकारच्या बातम्या आणि लीक्स इंटरनेटवर येत आहेत परंतु या फोन्सच्या किंमतीबाबत बोलायचं तर लीक्सनुसार iPhone 14 ची प्रारंभिक किंमत 749 डॉलर्स म्हणजे जवळपास 59,500 रुपयांच्या आसपास असेल. हे देखील वाचा: जुन्या आयफोन्सपेक्षा स्वस्तात लाँच होणार का iPhone 14; जाणून घ्या किंमत, फीचर्स आणि मॉडेल्सची सविस्तर माहिती
तसेच iPhone 14 Max ची Price 849 डॉलर्स म्हणजे जवळपास 67,000 रुपये तर iPhone 14 Pro ची किंमत 1049 म्हणजे 83,000 रुपयांच्या आसपास ठेवण्यात येईल. तर आयफोन 14 सीरीजमधील सर्वात मोठ्या मॉडेल iPhone 14 Pro Max ची किंमत 1149 डॉलर्स म्हणजे जवळपास 91,000 रुपयांपासून सुरु होऊ शकते.
