जेव्हापासून भारतात 5G सर्व्हिस सुरु झाली आहे तेव्हपासून 5G Phones in India ची मागणी वाढली आहे. भारतासारख्या किंमतीला महत्व देणाऱ्या बाजारात अनेक स्वस्त 5G स्मार्टफोन्स उपलब्ध आहेत परंतु आज जो हँडसेट आला आहे तितका स्वस्त 5G स्मार्टफोन दुसरा नाही. आज भारतीय मोबाइल ब्रँड LAVA नं सर्व चीनी आणि परदेशी स्मार्टफोन कंपन्यांना मागे टाकत देशातील सर्वात स्वस्त 5जी मोबाइल फोन्स पैकी एक Lava Blaze 5G लाँच केला आहे. लावा ब्लेज 5जी फोन भारतातील सर्वात स्वस्त 5जी मोबाइल फोन पैकी एक आहे तसेच Lava Blaze 5G Price 9,999 रुपये आहे. पुढे आम्ही लावा ब्लेज 5जी च्या किंमत, स्पेसिफिकेशन्स, सेल आणि ऑफर्सची सर्व माहिती दिली आहे.
Lava Blaze 5G Price
लावा ब्लेज 5जी फोन भारतात लाँच झाला आहे. हा 5जी लावा फोन भारतात 9,999 रुपयांमध्ये सेलसाठी उपलब्ध होईल जो शॉपिंग साइट अ‍ॅमेझॉन इंडियावरून विकत घेता येईल. लावा ब्लेज 5जी सिंगल व्हेरिएंटमध्ये लाँच केला गेला आहे जो 4 जीबी रॅमसह 128 जीबी इंटरनल स्टोरेजला सपोर्ट करतो.
सुरुवातीच्या सेलमध्ये स्पेशल लाँच ऑफर अंतगर्त Lava Blaze 5G 9,999 रुपयांमध्ये विकत घेता येईल. Lava Blaze 5G स्मार्टफोन Glass Green आणि Glass Blue कलरमध्ये सेलसाठी उपलब्ध होईल. हे देखील वाचा: 599 रुपयांमध्ये वर्षभर चालणारा Amazon Prime Video Plan; Netflix आणि Disney+ Hotstar च्या अडचणी वाढल्या
Lava Blaze 5G Specifications
लावा ब्लेज 5जी स्मार्टफोनमध्ये 6.5 इंचाचा एचडी+ डिस्प्ले देण्यात आला आहे. या फोनची स्क्रीन आयपीएस पॅनलवर बनली आहे जी 90हर्ट्ज रिफ्रेश रेटवर काम करते. Lava Blaze 5G च्या डिस्प्लेला Widevine L1 ला सपोर्ट मिळाला आहे ज्यामुळे ऑनलाइन व्हिडीओ स्ट्रीमिंग दरम्यान देखील एचडी क्लॉलिटी व्हिज्युअल आउटपुट मिळतो.
Lava Blaze 5G अँड्रॉइड 12 वर लाँच झाला आहे. हा लावा फोन 2.2गीगाहर्ट्ज क्लॉक स्पीड असलेल्या ऑक्टाकोर प्रोसेसरवर चालतो. कंपनीनं यात 7नॅनोमीटर फॅब्रिकेशनवर बनलेल्या मीडियाटेक डिमेनसिटी 700 चिपसेटची प्रोसेसिंग पावर दिली आहे.
लावा ब्लेज 5जी स्मार्टफोन 4 जीबी रॅम सोबतच 3जीबी व्हर्च्युअल रॅमला देखील सपोर्ट करतो त्यामुळे याला 7जीबी रॅमची पावर मिळते. फोनमध्ये 128जीबी इंटरनल स्टोरेज आहे जी 1टीबी पर्यंत वाढवता येते. हे देखील वाचा: 108MP कॅमेऱ्याने काढता येतील डीटेल्ड फोटो; लाँच पूर्वीच Realme 10 Pro+ 5G चे स्पेसिफिकेशन्स लीक
फोटोग्राफीसाठी Lava Blaze 5G मध्ये ट्रिपल रियर कॅमेरा सेटअप देण्यात आला आहे ज्यात 50 मेगापिक्सलचा प्रायमरी सेन्सर आहे. सेल्फी आणि व्हिडीओ कॉलिंगसाठी हा स्मार्टफोन 8 मेगापिक्सलच्या फ्रंट कॅमेऱ्याला सपोर्ट करतो.
सिक्योरिटीसाठी स्मार्टफोनच्या साइड पॅनलवर फिंगरप्रिंट सेन्सर इम्बेडेड पावर बटन देण्यात आलं आहे. तसेच पावर बॅकअपसाठी या लावा स्मार्टफोनमध्ये 5,000एमएएच ची बॅटरी देण्यात आली आहे.
लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.
