Motorola ने ‘एज सीरीज’ मध्ये आपला नवीन आणि पावरफुल स्मार्टफोन Motorola Edge S अखेरीस लॉन्च केला आहे. अनेक दिवसांपासून या डिवाइस बाबत लीक्स समोर येत होते, ज्यांच्यावर आज पूर्णपणे विराम लावला आहे. कंपनीने एक वर्चुअल ईवेंटचे आयोजन करून हा फोन टेक मंचावर सादर केला आहे. सध्या स्मार्टफोन चीनी बाजारात लाॅन्च केला गेला आहे जो येत्या काही दिवसांत जगातील इतर बाजारांमध्ये येऊ शकतो. या हँडसेटच्या आधी कंपनीने Edge सीरीज मध्ये Motorola Edge आणि Motorola Edge+ लॉन्च केले आहेत.
या डिवाइसचा रियर पॅनल कर्व्ड आहे आणि यात एज-टू-एज डिस्प्ले देण्यात आला आहे. फ्रंटला दोन होल-पंच कटआउट मिळतील. तर मागे चार सेंसर आहेत. तसेच हा पहिला फोन आहे जो क्वालकॉमच्या नवीन स्नॅपड्रॅगॉन 870 5G फ्लॅगशिप चिपसेट सह आला आहे.
दमदार कॅमेरा
मोटोरोला स्मार्टफोनच्या मागे चार सेंसर आहेत, ज्यात तीन कॅमेरा आणि एक टीओएफ सेंसरचा समावेश आहे. सेटपअ मध्ये 64MP प्राइमरी सेंसर, 16MP वाइड-अँगल लेंस आणि 2MP डेप्थ सेंसर आहे. तसेच, व्हिडीओ कॉलिंग आणि सेल्फीसाठी फोन मध्ये 16MP चा प्राइमरी आणि 8MP चा वाइड-अँगल फ्रंट-फेसिंग कॅमेरा पण देण्यात आला आहे. एकूण फोन मध्ये 5 कॅमेरा देण्यात आले आहेत.
हे देखील वाचा : 5 कॅमेऱ्यासह Vivo S7t स्मार्टफोन लवकरच येऊ शकतो बाजारात, असतील दमदार फीचर्स
फ्लॅगशिप प्रोसेसर
Motorola Edge S 5G फोन क्वाॅलकाॅमद्वारे गेल्या आठवड्यातच सादर केल्या गेलेल्या लेटेस्ट चिपसेट स्नॅपड्रॅगॉन 870 सह लाॅन्च केला गेला आहे. Qualcomm Snapdragon 870 SoC बद्दल बोलायचे झाले तर हा कंपनीच्या फ्लॅगशिप Snapdragon 865 Plus चिपसेटचा एक ऍडव्हान्स वर्जन आहे.
स्नॅपड्रॅगॉन 870 मध्ये sub-6 GHz आणि mmWave वर 5G चालते आणि हा ultra-intuitive AI सह येतो. मोबाईल गेमिंगच्या चाहत्यांसाठी हा प्रोसेसर खूप शानदार आहे.
पावरफुल बॅटरी
Motorola Edge S मध्ये 5,000mAh ची बॅटरी आहे आणि हा 20W फास्ट चार्जिंगला सपोर्ट करतो. तसेच फोन IP52 स्प्लॅशरोधी आहे. तसेच, डिवाइस मध्ये 3.5 मिमी हेड फोन्स जॅक आणि एक चार्जर, प्रीइंस्टॉल्ड स्क्रीन प्रोटेक्टर, केबल आणि एक कव्हर मिळतो.
हे देखील वाचा : POCO M3 च्या भारतातील लॉन्चचा मार्ग मोकळा, कंपनीने शेयर केला ऑफिशियल व्हिडीओ
डिस्प्ले
मोटोरोला एज एस मध्ये 90 इंचाचा रिफ्रेश रेट, एचडीआर 10 सपोर्ट आणि 21: 9 आस्पेक्ट रेशियो असलेला 6.7 इंच एफएचडी + (2520 × 1800) एलसीडी डिस्प्ले देण्यात आला आहे. फोन मध्ये 8GB रॅम आणि 256GB इंटरनल स्टोरेज देण्यात आली आहे.
किंमत
चीन मध्ये मोटोरोला एजच्या 6GB रॅम आणि 128GB इंटरनल स्टोरेज असलेल्या बेस वेरिएंटची किंमत CNY 1,999 (जवळपास 22,500 रुपये) आहे. तर, फोनच्या 8GB + 128GB आणि 8GB + 256GB वेरिएंटची किंमत क्रमशः CNY 2,399 (जवळपास 27,000 रुपये) आणि CNY 2,799 (जवळपास 31,600 रुपये) आहे. सध्या फोन प्री-ऑर्डरसाठी उपलब्ध आहे आणि याची पहली विक्री 3 फेब्रुवारीला होईल.
