काही दिवसांपूर्वी ही POCO X5 5G फोन भारतात लाँच केला होता, जो मिडरेंजमध्ये आला आहे. आता कंपनीनं बजेट सेगमेंटमध्ये POCO C51 स्मार्टफोन सादर केला आहे. हा फोन एचडी+ डिस्प्ले, मीडियाटेक हीलियो जी36 प्रोसेसर, 8एमपी ट्रिपल कॅमेरा आणि 5000एमएएचच्या बॅटरीसह बाजारात आला आहे. चला जाणून घेऊया POCO C51 ची किंमत, फीचर्स व स्पेसिफिकेशन्सची माहिती.
पोको सी51 चे स्पेसिफिकेशन्स
- 6.52″ HD+ display
- MediaTek Helio G36
- 8MP dual rear camera
- 10W 5,000mAh battery
POCO C51 फोन 6.52 इंचाच्या एचडी+ डिस्प्लेसह लाँच झाला आहे. वॉटरड्रॉप नॉच स्टाईल असलेली ही स्क्रीन 120हर्ट्ज टच सॅम्पलिंग रेटला सपोर्ट करते. POCO C51 फोन ड्युअल सिमला सपोर्ट करतो. सिक्योरिटी कंपनीनं रियर फिंगरप्रिंट सेन्सरचा वापर केला आहे. यात 3.5एमएम जॅक सारखे फीचर्स मिळतात. पावर बॅकअपसाठी या फोनमध्ये 5,000एमएएचची बॅटरी देण्यात आली आहे जी 10वॉट फास्ट चार्जिंग टेक्नॉलॉजीसह येते. हे देखील वाचा: Infinix Note 30 च्या महत्वाच्या स्पेसिफिकेशन्सचा खुलासा; गुगल प्ले कन्सोलवर दिसला फोन
पोको सी51 फोन अँड्रॉइड 13 गो एडिशनवर चालतो. प्रोसेसिंगसाठी या स्मार्टफोनमध्ये 2.2GHz स्पीड असलेल्या ऑक्टाकोर प्रोसेसरसह मीडियाटेक हीलियो जी36 चिपसेटचा केला आहे. हा फोन 4जीबी रॅमसह बाजारात आला आहे. परंतु टर्बो रॅम फिचरच्या मदतीनं 3जीबी अतिरिक्त रॅम मिळवून एकूण 7जीबी रॅमची ताकद मिळवता येते. तसेच फोनची स्टोरेज देखील मायक्रोएसडी कार्डच्या मदतीनं 1टीबी पर्यंत वाढवता येते.
फोटोग्राफीसाठी POCO C51 मध्ये ड्युअल रियर कॅमेरा देण्यात आला आहे. फोनच्या बॅक पॅनलवर एलईडी फ्लॅशसह 8 मेगापिक्सलचा प्रायमरी सेन्सर देण्यात आला आहे आणि जोडीला एक एआय लेन्स आहे. सेल्फी आणि व्हिडीओ कॉलिंगसाठी हा स्मार्टफोन 5 मेगापिक्सलच्या फ्रंट कॅमेऱ्याला सपोर्ट करतो. हे देखील वाचा: 50MP कॅमेरा आणि 6GB RAM सह Motorola G Power ग्लोबली लाँच; मीडियाटेक प्रोसेसरसह घेतली एंट्री
पोको सी51ची किंमत
पोको सी51 स्मार्टफोनचा एकच व्हेरिएंट भारतात आला आहे, ज्यात 4जीबी रॅम आणि 64जीबी स्टोरेज देण्यात आली आहे. कंपनीनं या स्मार्टफोनची किंमत 9,999 रुपये ठेवली आहे. परंतु लाँच ऑफर अंतर्गत हा फोन 7,799 रुपयांमध्ये खरेदी करता येईल, असं कंपनीनं सांगतील आहे. Poco C51 ची विक्री 10 एप्रिलपासून फ्लिपकार्टच्या माध्यमातून केली जाईल.
