भारतात 5G टेक्नॉलॉजी आल्यापासून नवीन फोन्स सतत लाँच होत आहेत. त्यात आता Poco ची भर पडली असून कंपनीनं नवीन डिवाइसची घोषणा केली आहे. कंपनीचे प्रमुख हिमांशु टंडन यांनी स्वतः ही माहिती दिली आहे. त्यांनी स्मार्टफोनचं नाव सांगितलं नाही परंतु हा Poco M6 Pro 5G असू शकतो, अशी चर्चा टेक वर्तुळात सुरु झाली आहे.
कंपनी प्रमुखांनी केली घोषणा
पोकोच्या नवीन 6 सीरीज बद्दल कंपनीचे हेड हिमांशु टंडन यांनी सोशल मीडिया प्लॅटफॉर्मवर एक ट्वीट केलं आहे. त्यांनी सांगितलं आहे की कंपनीनं आतापर्यंत Poco 5 सीरीज अंतगर्त अनेक स्मार्टफोन लाँच केले आहेत. त्यांचं यश पाहून नवीन 6 सीरीज आणली जाईल. पोस्टमध्ये त्यांनी कमिंग सून देखील लिहलं आहे, ज्याचा अर्हता असा की डिवाइसची एंट्री लवकरच केली जाऊ शकते.
We believe in having a lean and mean portfolio. POCO '5' Series had – C50, C51, C55, M5, X5, X5 Pro and F5 which gave us tremendous growth in the first half of this year.
It's time to move to the '6' series now!! #ComingSoon
— Himanshu Tandon (@Himanshu_POCO) July 19, 2023
Poco M6 Pro 5G नावानं येऊ शकतो फोन
पोको कंपनीच्या प्रमुखांनी नवीन डिवाइसच्या नावाचा खुलासा केला नाही. परंतु टिपस्टर Kacper Skrzypek च्या पोस्टनुसार हा डिवाइस Poco M6 Pro 5G असू शकतो जो भारतात लवकरच सादर केला जाऊ शकतो. अधिकृत घोषणेची काही दिवस वाट पाहावी लागेल.
Poco M6 Pro 5G चे स्पेसिफिकेशन्स (संभाव्य)
डिस्प्ले : संभाव्य फीचर्स पाहता डिवाइसमध्ये 6.7 इंचाचा फुल एचडी प्लस एलसीडी डिस्प्ले दिला जाऊ शकतो. ह्यात 2460 x 1080 पिक्सल रिजॉल्यूशन आणि 120hz रिफ्रेश रेट मिळू शकतो.
