‘Lost’ OTT Release: यामी गौतम पुन्हा एकदा एक जबरदस्त नवीन चित्रपट घेऊन प्रेक्षकांच्या भेटीला आली आहे. विशेष म्हणजे हा चित्रपट चित्रपटगृहांमध्ये रिलीज न करता थेट ओटीटी प्लॅटफॉर्मवर दाखवला जाईल. यामी गौतम स्टारर ‘Lost’ चित्रपट पुढील आठवड्यात Zee5 या ओटीटी प्लॅटफॉर्मवर रिलीज केला जाईल. काही दिवसांपूर्वी या चित्रपटाचा पोस्टर समोर आला होता, तर आता आता याचा ट्रेलर व रिलीज डेट देखील समोर आली आहे.
Zee5 ओटीटी प्लॅटफॉर्मनं आपल्या अधिकृत इंस्टाग्राम हँडलवरून ‘Lost’ चित्रपटाचा ट्रेलर शेयर केला आहे. या ट्रेलरसह चित्रपटाची स्ट्रीमिंग डेट देखील सांगण्यात आली आहे. यामी गौतमचा Lost चित्रपट 16 फेब्रुवारी 2023 ला Zee5 ओटीटी प्लॅटफॉर्मवर स्ट्रीम होईल. लॉस्ट हा सिनेमा गोव्यात आयोजित 53 व्या इंटरनॅशनल फिल्म फेस्टिवलमध्ये दाखवला गेला होता. या सिनेमाचं अनेकांनी कौतुक केलं होतं. हे देखील वाचा: New OTT releases this week: या आठवड्यात रिलीज होत आहेत या शानदार सीरीज व चित्रपट
‘Lost’ ची गोष्ट
2 मिनिटं 19 सेकंदाच्या या ट्रेलरची सुरूवात होते ती बेपत्ता लोकांच्या विषयापासून. होय, भारतात दररोज दर 2 मिनिटाला 885 लोक हरवतात, बेपत्ता होतात. यामी गौतम या चित्रपटात पत्रकाराच्या भूमिकेत आहे. हा चित्रपट एका सत्यघटनेवर आधारित असल्याचं सांगण्यात आलं आहे.
‘Lost’ या चित्रपटात यामी गौतम एका ईशान नावाच्या मुलाच्या बातमीवर काम करत आहे, जो हरवला आहे. ट्रेलरमध्ये दिसत आहे की ईशानच्या बातमीवर काम करत असताना यामीला अनेक संकटांचा सामाना करावा लागत आहे, ज्यात अनेक प्रसंग जीवावर बेतणारे दाखवले आहेत. यामी राजकीय आणि ऑफिशियल दबावाखाली काम करत आहे.
हा एक सस्पेंस-थ्रिलर चित्रपट आहे, जो अनिरुद्ध रॉय चौधरी यांनी दिग्दर्शित केला आहे. अनिरुद्ध यांनी पिंक सारख्या सुपरहिट चित्रपटाचे दिग्दर्शन देखील केले आहे. यामी गौतम व्यतिरिक्त या चित्रपटात पंकज कपूर प्रमुख भूमिकेत दिसत आहेत. तसेच राहुल खन्ना, नील आणि तुषार पांडे यासारखे अनेक स्टार्स चित्रपटात आहेत.
गेल्यावर्षी यामीची दोन चित्रपट आले होते. यातील अ थर्सडे डिज्नी प्लस हॉटस्टारवर स्ट्रीम करता येईल. तर अभिषेक बच्चन सोबत असलेला यामीचा ‘दसवी’ चित्रपट नेटफ्लिक्सवर उपलब्ध आहे. हे देखील वाचा: सुश्मिता सेनच्या Aarya Season 3 ची शूटिंग झाली सुरु, प्रोमो देखील आला समोर
