Vivo Phone वर दिवाळी ऑफर; 101 रुपयांच्या डाउन पेमेंटवर खरेदी करता येणार डिवाइस

Phone Offer: दिवाळीसाठी आता कमी दिवस शिल्लक आहेत त्यामुळे ग्राहकांनी खरेदी सुरु केली आहे. भारतात सणासुदीच्या दिवसांमध्ये नवीन वस्तू खरेदी करण्याची पद्धत आहे. यात स्मार्टफोन्सचा देखील समावेश असतो म्हणून मोबाइल कंपन्या या कालावधीत आकर्षक ऑफर्सची घोषणा करतात. त्यानुसार आता मोबाइल ब्रँड विवोनं देखील आपल्या चाहत्यांसाठी धमाकेदार ऑफर सादर केली आहे. दिवाळीच्या निमित्ताने Vivo Phones फक्त 101 रुपयांच्या डाउन पेमेंटवर विकत घेता येतील. विवो मोबाइल ऑफर अंतगर्त Vivo Y series, Vivo V25 series आणि Vivo X80 series स्मार्टफोन्स दमदार डिस्काउंटसह विकले जात आहेत.

विवो इंडियानं आपल्या ट्वीटर हँडलच्या माध्यमातून आपल्या दिवाळी ऑफरची माहिती दिली आहे. कंपनीनं हिला Big Joy Diwali Offer असं नाव दिलं आहे जी आजपासूनच सुरु झाली आहे. या ऑफर अंतगर्त Vivo Smartphones फक्त 101 रुपयांमध्ये विकत घेता येतील. फक्त इतकेच नव्हे तर अनेक विवो मोबाइल्सवर 2,000 रुपयांपर्यंतचा कॅशबॅक दिला जात आहे विवोकडून ब्रँडच्या स्मार्टफोनवर 6 महिन्यांची एक्सटेंडेड वॉरंटी देखील दिली जात आहे. हे देखील वाचा: 5G पेक्षा 4G उत्तम; ‘या’ 5 कारणांमुळे नव्या नेटवर्कपासून तुम्ही देखील दूर राहाल

101 rupee vivo smartphone Big Joy Diwali offer with cashback and discount

Vivo Phone Offer

विवोच्या दिवाळी ऑफरमध्ये कंपनीच्या Vivo V25 series आणि Vivo X80 series सोबतच वाय सीरीजच्या Vivo Y75, Vivo Y35, Vivo Y22 आणि Vivo Y16 स्मार्टफोन्सचा समावेश करण्यात आला आहे. हे विवो फोन्स फक्त 101 रुपयांच्या पेमेंट करून विकत घेता येतील तसेच उर्वरित रक्कम नंतर फेड करता येईल. या ऑफर अंतर्गत 101 रुपयांमध्ये फोन घरी घेऊन येण्यासाठी त्याची किंमत 15,000 रुपयांपेक्षा अधिक असणं आवश्यक आहे. या विवो दिवाळी ऑफरची सविस्तर माहिती जाणून घेण्यासाठी (इथे क्लिक करा)

Vivo Y16 Price and Specifications

भारतात सर्वात नवीन विवो स्मार्टफोन विवो वाय16 आहे 12,499 रुपयांमध्ये लाँच झाला आहे. हा स्मार्टफोन 720 x 1600 पिक्सल रिजोल्यूशन असलेल्या 6.51 इंचाच्या एचडी+ आयपीएस एलसीडी डिस्प्लेवर लाँच झाला आहे. फोन अँड्रॉइड 12 आधारित फनटच ओएस 12 वर चालतो. प्रोसेसिंगसाठी या स्मार्टफोनमध्ये मीडियाटेक हीलियो पी35 चिपसेट देण्यात आला आहे. या विवो मोबाइलमध्ये 4 जीबी रॅम आणि 128 जीबी इंटरनल स्टोरेज मिळते. हे देखील वाचा: BGMI Unban: PUBG च्या इंडिया व्हेरिएंटचं होणार दणक्यात पुनरागमन, लोकप्रिय युट्युबरनं केला दावा

vivo y16 india launch price 12499 vivo mobile phone

फोटोग्राफीसाठी हा विवो मोबाइल ड्युअल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह 13 मेगापिक्सलचा प्रायमरी सेन्सर देण्यात आला आहे. जोडीला 2 मेगापिक्सलची सेकंडरी लेन्स आहे. सेल्फी आणि व्हिडीओ कॉलिंगसाठी हा स्मार्टफोन 5 मेगापिक्सलच्या फ्रंट कॅमेऱ्याला सपोर्ट करतो. Vivo Y16 ड्युअल सिम फोन आहे जो 4जी एलटीईला सपोर्ट करतो. 3.5एमएम जॅक व अन्य बेसिक कनेक्टिव्हिटी फीचर्ससह सिक्योरिटीसाठी या स्मार्टफोनच्या बॅक पॅनलवर रियर फिंगरप्रिंट देण्यात आला आहे. पावर बॅकअपसाठी हा मोबाइल फोन 5,000एमएएच बॅटरीला सपोर्ट करतो.

लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.

LEAVE A REPLY

Please enter your comment!
Please enter your name here