3000 रुपयांच्या डिस्काउंटसह Google Pixel 6a उपलब्ध; जाणून घ्या माहिती

ई-कॉमर्स प्लॅटफॉर्म Flipkart वर Flipkart Year End Sale सुरु झाला आहे. हा सेल 24 ते 31 डिसेंबर 2022 दरम्यान सुरु राहील. यात अनेक स्मार्टफोन्स आणि गॅजेट्सवर ऑफर्स आणि बेस्ट डील्स दिल्या जात आहेत. परंतु यातील सर्वात जबरदस्त डील Google Pixel 6a स्मार्टफोनवर मिळत आहे. या डिवाइसवर थेट 3000 रुपयांचा डिस्काउंट दिला जात आहे तसेच जोडीला एक्सचेंज ऑफर, बँक ऑफर, ईएमआय आणि नो कॉस्ट ईएमआय ऑप्शन देखील मिळत आहेत.

प्रसिद्ध टेक युटूबर एमकेबीएचडीनं काही दिवसांपूर्वी एक ब्लाइंड स्मार्टफोन कॅमेरा टेस्ट घेतली होती. या टेस्टमध्ये लाखो नेटकाऱ्यानी गुगलच्या या सर्वात स्वस्त Pixel 6A च्या फोटोजना बहुमताने विजयी ठरवलं आहे. आता फ्लिपकार्ट ईयर एन्ड सेलमध्ये Pixel 6a फोनची किंमत डिस्काउंटनंतर 26,999 रुपये होईल. म्हणजे तुम्हाला या फोनवर एकूण 17,000 पर्यंतचा डिस्काउंट मिळेल. हे देखील वाचा: भारतीयांच्या भेटीला येतोय मोटोरोला स्वस्त. सुंदर आणि टिकाऊ फोन; Moto E13 चा इंडिया लाँचसाठी सज्ज

Google Pixel 6a Offer

Google Pixel 6a हा फोन 43,999 रुपयांमध्ये लाँच झाला होता, त्यावर आता फ्लिपकार्ट इयर एन्ड सेल अंतर्गत सेल दरम्यान डिस्काउंट दिला जाईल, त्यामुळे हा फोन तुम्हाला 29,999 रुपयांमध्ये मिळेल. तसेच हा फोन फेडरल बँकेच्या कार्डनं खरेदी केल्यास ग्राहकांना 3,000 रुपयांचा थेट डिस्काउंट देण्यात येईल. त्यामुळे Google Pixel 6a ची किंमत फक्त 26,999 रुपये होईल.

Google Pixel 6a चे स्पेसिफिकेशन्स आणि फिचर्स

Google Pixel 6a स्मार्टफोनमध्ये 6.1-इंचाचा FHD+ AMOLED डिस्प्ले देण्यात आला आहे, ज्याचा रिफ्रेश रेट 60Hz आहे. हा डिस्प्ले Corning Gorilla Glass 3 च्या प्रोटेक्शनसह येतो. गुगलच्या या फोनमध्ये अंडर डिस्प्ले फिंगरप्रिंट सेन्सर, स्टीरियो स्पिकर, ड्युअल मायक्रोफोन आणि नॉइज इंप्रीसनसह सादर करण्यात आला आहे. कनेक्टिव्हिटीसाठी फोनमध्ये 5G, 4G VoLTE, Wi-Fi 6E, Bluetooth 5.2 LE, GPS, NFC आणि USB Type C पोर्ट देण्यात आला आहे. यात Titan M2 सिक्योरिटी चिप देखील देण्यात आली आहे.

Google Pixel 6a स्मार्टफोनमध्ये ड्युअल रियर कॅमेरा सेटअप देण्यात आला आहे. ज्यात 12.2MP चा प्रायमरी कॅमेरा आणि 12MP ची अल्ट्रा वाईड अँगल लेन्स देण्यात आली आहे. हा कॅमेरा सेटअप OIS आणि EIS ला सपोर्ट करतो. या फोनमध्ये 8MP चा सेल्फी कॅमेरा देण्यात आला आहे. फोनमध्ये 4K 60FPS व्हिडीओ रेकॉर्डिंग करता येते. हे देखील वाचा: यंदाचे फोन आवडले नाहीत? 2023 मध्ये भारतात येतायत हे दणकट स्मार्टफोन्स; पाहून आत्ताच ठेवाल पैसे बाजूला

हा फोन Android 12 OS सह सादर करण्यात आला आहे. गुगलचा हा फोन कंपनीच्या Tensor प्रोसेसरसह सादर करण्यात आला आहे. तसेच ग्राफिक्ससाठी Mali-G78 GPU देण्यात आला आहे. यात 6GB LPDDR5 RAM, आणि 128GB स्टोरेज देण्यात आली आहे. यातील 4306mAh ची बॅटरी 18W फास्ट चार्जिंगला सपोर्ट करते.